Сабақтың тақырыбы: Тетікбөлшектерді бұрандаманың және ұстастырманың көмегімен бекіту Пәні: Сызу
жүктеу/скачать 25,85 Kb.
|
- Бұл бет үшін навигация:
- Тетікбөлшектерді бұрандаманың және ұстастырманың көмегімен бекіту Адам байлығының ең тамашасы –білім. Әбу-р-Райхан әл Бируни Сабақтың мақсаты
- Білімділік
- Тәрбиелік
- Сабақтың барысы: I.Ұйымдастыру кезеңі
- III. Ой қозғау.
- IV.Жаңа сабақты пысықтау.
- IV.Жаңа сабақты меңгерту.
- VI. Бекіту жұмыстары.
- VII. Қорытынды.
| Маңғыстау техникалық колледжі
Сабақтың тақырыбы: Тетікбөлшектерді бұрандаманың және ұстастырманың көмегімен бекіту Пәні: Сызу Оқытушы: А.Адайбаева 2017ж. Тетікбөлшектерді бұрандаманың және ұстастырманың көмегімен бекіту Адам байлығының ең тамашасы –білім. Әбу-р-Райхан әл Бируни Сабақтың мақсаты: Білімділік: Студенттерді бекіту тетікбөлшектерімен таныстыру және олардың өлшемдерін анықтап, сызбаларын салуды үйрету. Дамытушылық: Студенттердің логикалық ойлау қабілетін арттыру. Тәрбиелік: Студенттерді тиянақтылыққа,ұйымшылдыққа, ұқыптылыққа, белсенділікке баулу. Сабақтың түрі: Аралас сабақ. Сабақтың көрнекілігі: Тақырыпқа байланысты слайдтар, интеракативті тақта, бекіту тетікбөлшектері: бұрандама, ұстастырма, сомын,тығырық. Сабақтың барысы: I.Ұйымдастыру кезеңі. Студенттермен амандасу, оларды түгендеп сабаққа бейімдеу. II.Үй тапсырмасын тексеру. Үйге берілген сызбаны тексеру. Сұрақ-жауап арқылы дайындықтарын қарау. 1.Бұранда дегеніміз не? 2.Бұранданың қандай түрлері болады?(Студенттер слайдтағы тірек сызбаны толтырулары керек.)
Сұрақтар: 1.Тетікбөлшектер дегеніміз не? 2.Бекіту дегеніміз не? III.Жаңа сабақ. Интерактивті тақтадағы тірек сызбаның көмегімен бекіту тетікбөлшектері туралы мағлұмат беру.Бекіту тетікбөлшектеріне жататын бұрандамаға, ұстастырмаға,сомынға,тығырыққа жеке-жеке тоқталып, олардың түрлерін, атқаратын қызметтерін түсіндіру. Венн диаграммасы арқылы бұрандама мен ұстастырманың ұқсастықтары мен айырмашылықтарына тоқталу. Слайдта бейнеленген бұрандама мен ұстастырманың көмегімен біріктіріліп тұрған тетікбөлшектің сызбасын түсіндіру.Тұрақты қатынастарды пайдалана отырып, бұрандаманың,сомынның,тығырықтың өлшемдерін табуды және сызбаларын салуды үйрету.
Өтілген тақырыпқа байланысты сөзжұмбақты шешу.
Сөзжұмбақтың сұрақтары: 1.Бұйымдарды бекіту үшін қолданылатын тетікбөлшектер қалай аталады?( бекіту) 2. Екі ұшында да бұрандалары бар цилиндр тәрізді сырық не деп аталалады?(ұстастырма) 3. Дөңгелек және ортасында дөңгелек тесігі бар,сақина тәрізді тетікбөлшек қалай аталады? (тығырық) 4.Нәрсенің кескінінен және оны жасауға тиісті басқа да мәліметтерден тұратын құжатты қалай атаймыз? (сызба) 5. Ортасында бұрандалы тесігі бар,бұрандама мен ұстастырманың ұштарына бұрау үшін жасалған тетікбөлшек қалай аталады? (сомын) 6. а сызығынан в сызығына үшінші с сызығының көмегімен біртіндеп өту қалай аталады? (түйіндеу) 7. Егер түзу мен жазықтықтың ортақ нүктесі болмаса, олар қалай орналасады? (параллель) 8. Қазақшаға аударғанда «бірдей өлшем» мағынасын беретін, аксонометрияның бір түрі болып табылатын проекця қалай аталады? (изометрия) 9. Тұйықталмаған қисық сызық лекаль қисықтарының қайсысына жатады? (парабола) IV.Жаңа сабақты меңгерту. 1.Жаңа сабақты меңгерту мақсатында студенттерге практикалық тапсырма беріледі.Студенттер бүгінгі сабақта өтілген сомынның өлшемдерін анықтау керек.Ол үшін тұрақты қатынастарды пайдаланады.Сомынның номинал диаметрін d=25мм деп алып, оның сызбасын салады. 2.Студенттерге «Ғажайып шаршы» ойыны ойнатылады.Интерактивті тақтада іші әріптермен толтырылған шаршы болады.Сол шаршының ішінен студенттер бүгінгі сабақта танысқан сөздерді табу керек.
3.Студенттердің бекіту тетікбөлшектерінің шартты белгілерінің оқылуын қаншалықты есте сақтағандықтарын байқау үшін студенттерге «Сиқырлы кесте» ойыны ойнатылады.
VI. Бекіту жұмыстары. Студенттерге өтілген тақырып бойынша бекіту сұрақтары қойылады. 1. Сырық тәрізді басы деп аталатын жағына қарама-қарсы ұшында бұрандасы бар тетік бөлшек қалай аталады. (бұрандама) 2. Бекіту тетікбөлшектеріне нелер жатады? (Бұрандама,ұстастырма,тығырық,сомын) 3.Екі ұшында да бұрандалары бар цилиндр тәрізді сырық не деп аталалады?(ұстастырма) 4.Ортасында бұрандалы тесігі бар,бұрандама мен ұстастырманың ұштарына бұрау үшін жасалған тетікбөлшек қалай аталады? (сомын) 5.Дөңгелек және ортасында дөңгелек тесігі бар,сақина тәрізді тетікбөлшек қалай аталады?(тығырық) 6. Сомынның қандай түрлері болады?(Сомынның алты жақты призма, төрт жақты призма, цилиндр, шаршы және дөңгелек тәрізді түрлері болады.) 7.Ұстастырма қандай бөліктерден тұрады?(Ұстастырма сұқпа ұшынан және қыспа ұшынан тұрады.) 8. H=0.7d қатынасы бойынша бұрандаманың қандай өлшемі аныұталады?(бұрандаманың басының биіктігі) 9. D=D2 =2d қатынасы бойынша нені анықтаймыз?(сомынды сырттай сызатын шеңбердің диаметрін, бұрандаманың басын сырттай сызатын шеңбердің диаметрін) 10. l0= 1.5d қатынасы бойынша нені анықтаймыз?(бұрандаманың бұрандалы ұшының ұзындығын) VII. Қорытынды. Сабақты қорытындылау. VIII.Бағалау. IX. Үйге тапсырма: Номинал диаметрі d= 30мм, біріктірілетін тетікбөлшектердің қалыңдықтары а1 =20мм, а2 =15мм, болатын бұрандаманың сызбасын орындап келу. жүктеу/скачать 25,85 Kb. Достарыңызбен бөлісу:
|