-бап. Арнаулы салық режимдерінің түрлері

      Осы бөлімде белгіленген жағдайларда салық төлеуші мынадай арнаулы салық режимдерінің біреуін:

      1) шағын бизнес субъектілері үшін мыналарды:

      патент негізіндегі арнаулы салық режимін;

      оңайлатылған декларация негізіндегі арнаулы салық режимін;

      тіркелген шегерім пайдаланылатын арнаулы салық режимін қамтитын арнаулы салық режимдерін;

      2) ауыл шаруашылығы өнімін өндірушілер үшін арнаулы салық режимдерін:

      шаруа немесе фермерлік қожалықтар үшін арнаулы салық режимін;

      ауыл шаруашылығы өнімін өндірушілер мен ауыл шаруашылығы кооперативтері үшін арнаулы салық режимін таңдауға құқылы.

      2. 01.01.2020 бастап қолданысқа енгізіледі - ҚР 25.12.2017 № 121-VI Заңымен.

      3. Патент жеке табыс салығын төлеу фактісін (төлем көзінен ұстап қалатын жеке табыс салығын қоспағанда), әлеуметтік төлемдерді растайтын электрондық құжат болып табылады.