Тақырып 9. Ортақ меншік құқығы. Өзге де (шектелген) заттық құқықтар. 1 тапсырма Ситуациялық есептер шығару және оқытушыға тексеруге жіберу. Есептерді міндетті түрде заңдылық нормаларға (ҚР Конституциясы, Кодекстер, заңдар) сәйкес шығару керек!
Ситуацилық есептер(кейс/шағын кейстер). № 1. Кәмелетке толған және ата-анасынан бөлек тұрып жатқан төрт балаға олардың ата-анасы қайтыс болған соң мұра бойынша тұрғын үй өтедi. Мұрагердiң үшеуi үйдi сатып‚ түсiрген пайдасын үлестер бойынша бөлiп алғысы келедi. Мұрагерлердiң бiреуi үйдi сатуға келiсiм бермейдi‚ үйдегi өз үлесiн тұрғын орын ретiнде пайдаланғысы келетiнiн мәлiмдейдi. Мұрагерлер арасында келiсiм болмағандықтан‚ олардың үшеуi үйдi сатуға қарсы болған мұрагерге үйдi сатуға кедергi жасамауы туралы талап арызын бередi. Өздерiнiң талаптарын олар үйдi толығымен сатқанда оның нарықтық құны әп-сәтте жоғарылайтынымен түсiндiредi.
