мәселені тұжырымдай алу, оның шешу жолдарын талдау, тиімді нәтиже шығару, оның дұрыстығын дәлелдеу дағдысын қалыптастырады.
Қазақстан Республикасы
Білім және ғылым министірінің
2018 жылғы «___» ________
№ ___ бұйрығына
4-қосымша
Жоғары және (немесе) жоғары оқу орыннан кейінгі білім беру ұйымдары үшін «Шетел тілі» жалпы білім беру пәнінің типтік оқу бағдарламасы
ТҮСІНІК ХАТ
Бұл типтік оқу бардарламасы жалпы білім беру циклінің міндетті пәндерінің бірі «Шетел тілі» пәні бойынша даярлауды қамтамасыз етуге арналған.
Соңғы онжылдықта ықпалдастықтың қарқынды дамуы, кәсіби және академиялық тәжірибе алмасулардың өсуі, халықаралық ынтымақтастықтың тереңдей түсуі шетел тілінде білім берудің ерекше дамуына дем берді. Осындай жағдайда шетел тілі заманауи тарихи кезеңдегі жаңа мемлекет дамуының басты ресурстарының біріне айналып отырған қоғамның интелектуалды әлеуетін қалыптастырудың пәрменді құралы мәртебесіне ие болып отыр.
Ұсынылып отырған типтік оқу бағдарламасы шетел тілінде білім берудің халықаралық үлгісін Қазақстан Республикасының ұлттық ерекшеліктеріне сай бейімдеудің нәтижесі болып табылады, сонымен қатар, оқытудың төмендегідей стратегиясы мен әдіс-тәсілдерін анықтайды:
тілдік білім берудің біліктілік негізі және соңғы нәтиже сапасы бойынша оны бағалау;
коммуникативтік-қызметтік бағыт;
пән мазмұны мен соңғы көрсеткіштерді тілді меңгеру мен оқытудың типтік белгіленген стандартты деңгейлері бойынша топтастыру;
пән мазмұнының қарым-қатынас салалары, тақырыптары, тақырыпшалары және типтік жағдаяттарынан құралатын танымдық-лингвомәдени кешендер түрінде көрініс табуы;
