Ақшақар:
Қандай әдемі! Рақмет, достар. Шыршамызды құлпыртып жібердіңдер.
Көмекші:
Иә, шыршамызды әдемі безендірдік. Бірақ бір нәрсе жетпей тұрған сияқты. Қанеки,
ойланайықшы... Ааа, таптым! Шыршаның айналасындағы ойыншықтар қайда екен?
Ақшақар:
Расымен де, шыршаның түбінде көптеген ойыншықтар жататын еді ғой. Достар,
ойыншықтарды табуға көмектесесіңдер ме?
//БАЛАЛАР ХОРМЕН «ИӘ» ДЕП ЖАУАП БЕРЕДІ// МУЗЫКА ҚОСЫЛАДЫ// БАЛАҚАЙЛАР
ОРЫНДЫҚТЫҢ АСТЫНДА, ТАҚТАНЫҢ АРТЫНДА, БҰРЫШ-БҰРЫШТА ТЫҒЫЛҒАН
ЖҰМСАҚ ОЙЫНШЫҚ, ДОП, ҚУЫРШАҚ, ОЙЫНШЫҚ КӨЛІКТЕРДІ ІЗДЕП ТАУЫП,
ШЫРШАНЫҢ ТҮБІНЕ ЖИНАЙДЫ// БАРЛЫҒЫН ОРНАЛАСТЫРҒАН СОҢ ҚОЛ
ШАПАЛАҚТАП, ОРТАҒА ЖИНАЛЫП ТҰРАДЫ//
Көмекші:
Міне, тамаша! Жаңа жыл деп осыны айт. «Досы көпті жау алмайды» деген рас екен!
Достарымыздың көмегімен барлық істі бітірдік.
Ақшақар:
Дұрыс айтасың. Достар, бізге көмектескендеріңе рақмет. Қуанып тұрғаным соншалық,
ән айтқым келіп тұр.
СОҢЫ (5 МИНУТ):
•
Барысы:
«Жаңа жылды қарсы алайық» әні қосылады. Балалар Ақшақармен бірге ән салып, би
билейді. (
https://www.youtube.com/watch?v=BFzzRKqie0A
) Ән орындалып болған соң, ортаға Аяз ата
кіріп келеді.
Ақшақар:
Аяз ата, қайда болдыңыз? Сізді іздеп - іздеп таппадық.
Аяз ата:
Ақшақар қызым, кеше тәттіні көп жеп қойған секілдімін. Тісім ауырып, дәрігерге
бардым. Дәрігер маған дәрі берді. Енді ауырмас үшін тәттіні көп жемеуім қажет екен.
Көмекші:
Аяз ата, сіз болмағандықтан Жаңа жылға достарымызбен бірге дайындалдық.
Сыйлықтарды жинадық, шыршаны безендірдік.
Ақшақар:
Иә, ата, достарымыз бізге өте көп көмектесті!
Аяз ата:
Жарайсыңдар! Ақшақарға көмектескендерің үшін сендерге сыйлық берейін. Жаңа жыл
құтты болсын!
Достарыңызбен бөлісу: |
