Сценарийлері Сценарии мероприятий воспитательной работы Семей, 2017
жүктеу/скачать 3,99 Mb.
|
АРУ ҚЫЗДАР БАЙҚАУЫ 
Мақсаты:
2. Әр қыз баланы парасатты, жан – жақты білімді болуға, әсемдік, сұлулық әлемін түсінуге тәрбиелеу. Табиғат сыйлаған қасиеттерінің ашылуына көмектесу. Байқаудың шарттары төмендегідей: 1. «Мен қазақтың қызымын» таныстыру (қатысушылар өздерін осы сөзбен, өлеңмен, әнмен таныстырады) 2. «Қыз еркем – кестесімен көркем» (Әр қыз өзінің қолынан келетін бір ісмерлік өнерін көрсетеді) 3. «Қызды тәрбиелеген – ұлтты тәрбиелейді» (Қыз бала тәрбиесіне байланысты даналық сөздердің мағынасын ашу) 4. «Өнер» (Ән айту, би билеу, күй тарту) 5. «Сұлулық сыры» (Музыка ырғағымен сәндік киім және шаш үлгісін көрсету) 6. «Зерделінің ойы озық» (Лездік сұрақтарға жауап беру) Әр сыныптан бір үміткерден қатысуы қажет. Құрметті аналар, ұстаз аналар, бойжеткен арулар, бүлдіршін қыздар! Сіздерді көктемнің ең алғашқы мерекесі 8 наурыз халықаралық әйелдер мерекесімен құттықтаймын! Қазақ қызы десе ашық, бірақ жүзінде ұяңдық бар, әдепті, инабатты жан елестейді. Бүгінде сол әдепті де әдемі, инабатты да мейірімді ару қыздарымыз сынға түскелі тұр. «Ару қыздар – 2012» байқауына қош келдіңіздер!. Уа, халайық, халайық, Мұнда назар салайық. Рұқсат болса бастайық! Мың бұралған арулар аңдап басып, Келеді міне ортаға толқып тасып Аруларын сыйлаған, халқым менің, Көңілді қошеметпен қарсы алайық! (Арулар ортаға шығады) Ал, халайық, аруларға тамсанайық, Қыз қылықты дегенге ән салайық. Атына заты сай аруларға Тағы да бір қол соғып қарсы алайық. Уа, арулар, арулар! Ешкімің жоқ алалар. Ару болу үлкен сын, оны қазың бағалар. – деп әділ – қазылар алқасымен таныс болыңыздар. 1. Тайпақова С.М. – мектеп директоры 2. Айтжанова З.Е. – директордың тәрбие ісі жөніндегі орынбасары 3. Қалмағамбетов А.Е. – кәсіподақ комитетінің төрағасы 4. Табимбаева М.И. – технология пәні мұғалімі 5. Байқатов А.М. – бейнелеу өнері пәні мұғалімі Жүргізуші: Бойжеткен арулар келіп жетті танытуға, Бойындағы бар дарынды дарытуға. Қорықпастан сахнаға келіп жетті, Әдеппен, ізетпенен танысуға. Бұл сайыста үзеңгі қағыстырып, Көрейік, ару қыздарды жарыстырып. Бұл залда білетін бар, білмейтін бар, Әрбір ару көрсін өзін таныстырып. Байқаудың І кезеңі «Мен қазақтың қызымын». Таныстыру бөлімі бойынша ару қыздарымыз өздерін осы сөзбен бастап, өлеңмен, әнмен таныстырады. Әділ – қазылардан арулардың бағасын күтеміз Өнері өрге жүзер, таңғалмаңыз! Таланты талмай ұшар, таңғалмаңыз! Таңғажайып әлемі - өнер аты, Шарпып өтсін лебімен, таңғалмаңыз! Аруларымыз көрермендерді қолөнерлерімен таңғалдыруға асығады. Байқаудың ІІ кезеңі «Қыз еркем – кестесімен көркем» Бұл кезеңде Әр ару қыз өзінің қолынан келетін бір ісмерлік өнерін көрсетеді және қалай жасалғаны туралы әңгімелейді Әділ – қазылардан арулардың бағасын күтеміз Пір тұтқан адамдықты, адалдықты, Көркімен таң қалдырған тамам жұртты. Қыздардың қылығымен өмір қызық, Қыздардың ғұмырымен заман құтты – дегендей Байқаудың ІІІ кезеңі «Қызды тәрбиелеген – ұлтты тәрбиелейді» деп аталады. Бұл кезеңде қыз бала тәрбиесіне байланысты даналық сөздердің мағынасын ашу бойынша аруларымыз сынға түседі 1. «Қыздың жиған жүгіндей» Бұл теңеу қыз баланың ұқыптылығын, шеберлігін көрсетеді. Өздеріне тән нәзіктілігімен, сүйкімділігімен, сыртқы және ішкі сымбаттылығымен ерекше екендігін айтқан 2.«Қыз өссе – елдің көркі, гүл өссе – жердің көркі» Біздің халқымызда «қыз» деген сөздің өзі әдеміліктің, жан-жақты сұлулықтың символы ретінде қолданылады. Қыз баланы гүлге теңеп, көрікті болатынын аңғартады. «Елдің көркі» деп қыз баланың айрықша әдептілігіне көңіл бөліп, олардың жүрегін жылылыққа бөлеп, жандарын жаманшылықтан аластап өсірген. Қыз баланың сүйкімділігінен, жанының нәзіктілігінен шыққан сөздер. 3.«Қызға қырық үйден тыйым» Қыз бала тәрбиесіне ата-ана ғана емес, көрші-қолаң, туған-туыс, ауыл-аймақ болып сергектікпен қарайтын болған. 4.«Біреудің ала жібін аттама». Қыз бала үшін өтірік айту, ұрлық істеу және қатыгездік, қулық-сұмдық деген жат қасиет екенін айтып, өтірік өрге бастырмайды, ешкімге қиянат жасама деп адалдыққа тәрбиелеп отырған. Тәрбиенің бұл түрінің әсері сол қыз баланың өмір жолын дұрыс таңдауына зор ықпалы болған. 5.« Шеше көрген тон пішер» Халқымыз қыз бала тәрбиесіне ерекше мән берген. Қыз балаға 5 – 6 жасынан-ақ апа-жеңгелері, шешесі мен әжесі үй шаруасын жүргізуді / үй сыпыру, төсек жинау, ыдыс-аяқ жуу, ас пісіру, мал сауу/, ою ойып, өрнек, кесте тоқуды үйрете бастаған. Қыз бала тәрбиесінде шешенің орнын ерекше бағалаған. Қыз баланың әр іске талапты да алғырлығынан, өнер-білімге бейім тұратын сергектігінен шыққан сөздер. 6. «Қыз жат жұртқа жаратылған» Қыздарды тұрмыстық мүліктерді даярлауға: жүн түту, жіп иіру, шекпен тоқу, кесте тігу, құрақ құрау, оюлап киіз басу, кілем тоқу, арқан есі, көрпе көктеу, т.б. өнерлерін қыз балалар бөгде босағаға бармай тұрып-ақ үйреткен. Осындай еңбекке баулу нәтижесінде жанұя алдындағы жауапкершілік сезімдеріне бойларын үйретіп, психологиялық жағынан отау тігуге даярлай бастаған. 7.«Қызым – үйде, қылығы – түзде» Халқымыздың тәрбиесінде қыздардың ерсі қылықтары мен әрекеттеріне үлкендер тыйым жасап отырған, сыпайылыққа, жарасымды мінез-құлыққа тәрбиелеген. Дөрекілікке, менменшілдікке, әдепсіздікке барудан сақтап отырған. Әділқазылардан арулардың бағасын күтеміз Кедеймін деп қысылма, Өнерің болса қолыңда Өнерлінің ырысы Жарқырап жатыр жолында. Сайыста ән салайық, би билейік, Өнермен өрге басып кідірмейік. ІV кезең «Өнер» Бұл кезеңде арулардың өнері тамашаланады (Ән айту, би билеу, күй тарту) Әділ – қазылардан арулардың бағасын күтеміз Адамның сыртқы түріне, киіміне қарап та қандай адам екендігін айыруға болады. Қазіргі талғамға, өзінің жас ерекшелігіне, эстетикалық талғамына сай жарасымды киінген, сыпайы да үлгілі қылығымен, мәдениеттілігімен ерекшеленген қыздарды көргенде көңілің толады. «Жастықтың өзі жастығымен әдемі» деген бар емес пе? Жас қыздардың өздері-ақ қырдың қызыл гүліндей әдемі ғой. Табиғат берген көркі – жастығынан артық не бар? Қыздарға әсемдік жарасады, Ай көркі биіктерге таласады. Болмаса сұлу қыз, ару әйел Табынып еркіндікпен санасады –деп, аруларымыз сәндік киім үлгісін көрсетсе Сұлу қыздар, ару қыздар Шашты кеспей күтіп оны қараңдар. Қыздың көркі шаш екенін түсініп, Өріп қойып шаш үлгісін жасаңдар, - деп аруларымыз шаш үлгісін көрсетеді. Олай болса «Сұлулық сыры» кезеңінде аруларымыз музыка ырғағымен сәндік киім және шаш үлгісін көрсету бойынша сынға түседі. Әділ – қазылардан арулардың бағасын күтеміз «Ә» дегенше соңғы сайысымызға да келіп жеттік. «Зерделінің ойы озық» – деп, аталатын бұл кезеңде. Әр аруға 10 сұрақтан қойылады. 1 минут ішінде 10 сұраққа жауап беруі тиіс. 1 дұрыс жауап 1 ұпаймен бағаланады. VI «Зерделінің ойы озық» (Лездік сұрақтарға жауап беру) 1-ші арудың сұрақтары. 1. Қозы Көрпештің серігі? (Баян Сұлу) 2. Ананың анасы сізге кім болады? (Нағашы әже) 3. Еттен жасалатын тағам? (Бесбармақ). 4. Қазақстанның Президенті кім? (Н.Назарбаев) 5. Қазақстанның бұлбұл әншісі атағына ие болған әнші анамыз? (Б. Төлегенова). 6.Абай Құнанбаевтың анасы? (Ұлжан) 7. Білім, оқу, жазуды үйретуші адам? (Ұстаз). 8. «Фариза, Фаризажан Фариза қыз» кімнің өлеңі (Мұқағали) 9.Қошақанның анасы? (қой). 10. Қыз бала туралы бір мақал айтыңыз. 2-ші арудың сұрақтары. 1. Төлегеннің серігі? (Жібек) 2. Ананың сіңлісі сізге кім болады? (Нағашы апа) 3. Сүттен жасалатын тағам? (Көже, айран, ірімшік,қаймақ,май). 4. Аллада не жоқ? (бауыр) 5. Қазақстанның әйгілі ақыны, әрі жерлес анамыз? (А.Бақтыгереева). 6.Әйгілі күйші – анамыз? (Дина Нүрпейісова). 7. Науқас адамдарға көмек беруші, емдеуші адам? (Дәрігер). 8. Әнші Мадина … (Ералиева) 9.Тай, құлынның анасы? (Бие). 10. Ана туралы бір мақал айтыңыз. 3-ші арудың сұрақтары. 1. Еңліктің серігі? (Кебек) 2. Ананың қызы сізге кім болады? (әпке) 3. Қамырдан жасалатын тағам? (Бауырсақ, нан). 4. «Ана тілі – арың бұл»кімнің өлеңі? (Қ. Мырза Әли) 5. Қазақстандық әйгілі биші анамыз? (Ш. Жиенқұлова). 6.Абай Құнанбаевтың әжесі? ( Зере). 7. Ас пісіруші маман адам? (Аспаз). 8. Әнші Нағима… (Есқалиева) 9.Ботаның анасы? (түйе). 10. Бала туралы бір мақал айтыңыз. 4-ші арудың сұрақтары. 1. Мойынға тағатын әшекей бұйым (алқа) 2. Апа сіңлінің балалары (бөле) 3.Қазақ әйелдерінің сәндік әшекей бұйымдары? (сырға,білезік, жүзік, сақина, шолпы, алқа, қапсырма, шашбау, бойтұмар, түйреуіш, белбеу). 4. Ою өрнектің бір түрін ата? (қошқар мүйіз, арқар, сыңар, өркеш, төртқұлақ, түйетабан, қос алқа, сыңар). 5. Аққуда не жоқ? (сүт) 6.Абай Құнанбаевтың анасы? (Ұлжан). 7. «Мен қазақпын» поэмасының авторы (Ж.Молдағалиев) 8. Әнші Тамара… (Асар) 9.Ешкінің төлі ? (лақ). 10. Қыз туралы бір мақал айтыңыз. 5-ші арудың сұрақтары. 1. Сүттен жасалатын тағамдар (қымыз, шұбат, айран, қаймақ, май, сүзбе, көже, қойыртпақ, шалап, боза, іркіт, ірімшік, құрт, жент, малта) 2. Киелі құс (аққу) 3.Тігінші құралы ( ине) 4. «Үш бақытым» өлеңінің авторы кім? (Мұқағали) 5. Қазақтың діни мейрамы ( құрбан айт, ораза айт) 6. Тіршілік иелерінің моторы (жүрек) 7. Көздің суы (жас) 8. Ақ сүт берген аналардың анасы (әже) 9. Қобыландының жары ( Құртқа) 10. Ең зор байлық (денсаулық) 6-шы арудың сұрақтары. 1. Ас атасы (нан) 2. Анаңның бауырлары (нағашы) 3. «Бөбек» қорының президенті кім? (С.Назарбаева) 4. Жиреншенің әйелі (Қарашаш) 5. «Төрт ана» өлеңінің авторы кім? (М.Шаханов) 6. Киіз үй жиһазын ата (кебеже, абдыра, кереует, жастағыш,жүк аяқ, тұс киіз, кілем) 7. Жарға тұтылатын зат (кілем) 8. Жылқыда не жоқ (өт). 9. Әнші Роза … ( Рымбаева) 10. Тар қонышты, өкшесіз жеңіл аяқ киім (мәсі) 6-шы кезең бойынша аруларымыздың ұпайлары. Енді әділқазы алқаларынан барлық ұпай сандарын санап, жеңімпаздарды анықтауларын сұраймыз. Ұпай сандары әзір болғанша кезекті әнге берелік. «Қыздар - ай» әні. Орындайтын Жолдығулов Сырым Қорытынды сөз әділқазы алқаларына беріледі, марапаттау рәсімі. VII Қорытынды: Қыз баланы ізетті, инабатты асыл жан етіп, ісіне көркі сай тәрбиелеу, қыз сыйлау халқымыздың қанына сіңген қасиет, олардың айналадағы адамдармен қарым – қатынас жасай білуіне көңіл бөле отырып, оларға нәзіктік пен сүйкімділік қасиеттерін бере білген. «Қыз емес қыздың аты қызыл алтын, Көрінер толған айдай жүзі жарқын, Үлкеннің алдын орап сөз сөйлемес, Халқының сақтай білген ізгі салтын» - дегендей, қыздарымыз апаларының өнегелі істерін өз бойларына дарытып өссе екен дейміз. Қыздарымыз ата-бабаларымыздың ықылым заманнан келе жатқан салт-дәстүрін, әдет-ғұрып сөндірмей жалғастыратын өнерлі де ибалы боп өссе дейміз. Осымен байқауымыз өз мәресіне жетті. Ару қыздарымызға рахмет айтамыз. Мерекелеріңіз құтты болсын КҮЗГІ БАҚҚА САЯХАТ 
Кештің мақсаты: оқушылардың ұйымшылдығын, қызығушылығын, арттыру, ой-өрісін кеңейту. Табиғат сұлулығын сезіне білуге, оны аялай білуге тәрбиелеу. Көрнекіліктері: Күзгі табиғатқа арналған картиналар, шарлар, қызыл-жасыл жапырақтар, жеміс – жидектер қойылған дастархан. Кештің өтілу барысы: 1-жүргізуші: Құрметті ұстаздар, ата - аналар, оқушылар, мектебімізде жаратылыстану - математика апталығы өтіп жатқанын білесіздер, бүгін сол апталықтың жабылу салтанатына байланысты 6 - 8 сыныптар аралығында «Күзгі баққа саяхат»атты кеш өткізгелі отырмыз. Кешке қош келдіңіздер! 2-жүргізуші: Жиылған қауым, армысыздар, бәріңіз, Келіп жетті алтын дәнді сары Күз. Бірге болып қуанышта бәріңіз, Бізбен бірге шаттық әнін салыңыз. 1-жүргізуші: Күз — мереке, Күз — ырыстың белгісі, Қайтып барады мекеніне жыл құсы. Әнге ұласып, жырға ұласып даламыз, Шат – шадыман халқымыздың тұрмысы. 2 жүр: Қасиетті Күз мезгілінің бір сөзбен айтып жеткізу мүмкін емес. Күз дегеніміз- байлық, молшылық. Күзде күн суытып, барлық жан – жануарлар, жәндіктер қысқы ұйқыға кетеді. Егін жиналады. Құстар жылы жаққа ұшады. Жапырақтар сарғайып, жерге түседі емес пе!? 1 жүр: Иә, мен бұл мезгілді Күз деп айтар едім. Өйткені жер беті сарғайған жапырақтарды жамылып, алтын түске боялды – дей келе ендігі кезекте бүгінгі «Күзгі баққа саяхат» кешінің 6-8 сыныптар арасынан құралған сайыскер топтарды қошеметтеп қарсы алып, ортаға шақырайық. 2 жүр Әділқазы, алқасына бір сәлем. Әділдікке бас иеді күллі әлем Жүйрік озар сайыстарда неше бір Сарапқа сал әділдікпен шеше біл … дей келе бүгінгі сайысымызға қазылық жасайтын әділқазылар алқасымен таныс болыңыздар! 2 жүр: Құрметті әділқазылар алқасы оқу мәнеріне, сөйлесу шеберлігіне, Күзгі киіміне, жүріс-тұрысы тәртібіне де қарап отырыңыздар, бағалауға бұл да кіреді. 1 жүр: Осы сайысымыздың бағдарламасымен таныс болыңыздар. 1.Таныстыру (топ өздерінің топтың атымен эмблемасымен таныстыру) 3мин.5ұпай 2. «Күз кереметі» үй тапсырмасы (жеміс – жидектерден немесе ағаштан, жапырақтан жасалған бұйым немесе бір заттың бейнесі). Бұл кезеңде хан мен ханшайым үй тапсырмасын алып шығып таныстырады. 3мин. 5ұпай 2. «Өнерлінің өрісі кең» (топ ішінен өнер көрсету) өнер байқауы 3мин. 5ұпай 3. «Білімді мыңды жығар!» (Әр топқа сұрақтар жазылған жапырақтар таратылады) 3 сұрақтан 2мин. 5ұпай 4. «Кім епті?» (топ ішінен бір адам шығып орындайды) 1 мин ішінде 1 алманы жеп бітіру керек. 5ұпай 2. жүр: Құрметті көпшілік көрерменім Жақсылыққа әрдайым артқан сенім Ақжол тілеп үкілі үміттерге Таныстыру шартына кезек бердім Ендеше бірінші шартымыз. Үміткер топтар өздерін таныстыруы. 1 жүр: «Күз кереметі» үй тапсырмасы (жеміс – жидектерден немесе ағаштан, жапырақтан жасалған бұйым немесе бір заттың бейнесі). Бұл кезеңде хан мен ханшайым үй тапсырмасын алып шығып таныстырады. 3мин. 5ұпай 2. жүр: «Өнерлінің өрісі кең» (топ ішінен өнер көрсету) өнер байқауы 3мин. 5ұпай Ал, кімнің өнері бар қаншалықты, Би билеп, ал біреуі ән салыпты. Бүгінгі сайыста бәйге алуға, Үміткерлер , аянбай-ақ жан салыпты. Құрметті көрермендер ендігі кезекте үміткерлеріміздің дайындап келген өнерлерінің куәсі болуға шақырамыз. 1. жүр: Жігіттер мен аруларымыздың өнерлеріне көп рахмет айта отырып, келесі кезеңімізге өтейік. 2. жүр: «Білімді мыңды жығар!» (Әр топқа сұрақтар жазылған жапырақтар таратылады) 3 сұрақтан 2мин. 5ұпай Сайыскерлер, білімге қалайсыңдар? Сендер өтер әлі де талай сын бар. Тапсырма ал, қоржыннан қымсынбай кеп, Жауап берсең сұраққа, жарайсыңдар. 1.жүр: «Кім епті?» (топ ішінен бір адам шығып орындайды) 1 мин ішінде 1 алманы жеп бітіру керек. 5ұпай 2.жүр: Әділ қазылар осы сайыстың бағасын есептеп, қорытындылап болғанша орындауында әнін қабыл алыңыздар. 1 жүр: Құрметті көрермендер «Күзгі баққа саяхат!» мерекесін қорытындылау үшін сөз кезегін Әділ қазылар алқасына береміз.(Жеңілпаз топты марапаттау. Және ең әдемі Күз ханшайымы мен ең батыл да ержүрек ханзаданы анықтап марапаттау. Мақтау қағаздарымен сыйлықтармен марапаттау.) 2- жүр: Жеңістер мен жеңілістен тұратын, Өмір күрес, жеткізе ме мұратын. Жеңбедім, жеңілдім деп ренжімегін, Қатысу да бір жеңіс, болсаң егер ұғатын. Келешекте әлі талай сайыстар бар, Өнерлерің шыңдалсын қалыспаңдар. Өнерлілер көбейсін күннен – күнге, Өмір күрес әлі талай жарыстырар … дей отырып сыныптар арасында өткен «Күзгі баққа саяхат!» кеші аяқтауға рұқсат етіңіздер. 1- жүр: Тамашалағандарыңызға рахмет, сау - саламат болыңыздар. ҚАЗАҚСТАН РЕСПУБЛИКАСЫ ТӘУЕЛСІЗДІГІНІҢ АРНАЛҒАН "ТӘУЕЛСІЗДІК РАУАНЫ ТҰСЫНДА" АТТЫ ӘДЕБИ ӘУЕН КЕШІНІҢ СЦЕНАРИЙІ 
Көрнекілік: Сахна мерекелік безендірілген,сахнаға Қазақстан Республикасының мемлекеттік рәміздері,нақыл сөздер жазылған плакаттар,туған жер көріністері бейнеленген суреттер орналастырылған. Кездесу кешінің мақсаты: Жас ұрпақты өз елінің тәуелсіздігі үшін күрескен қаһармандарын құрметтеуге, адамгершілік сезімдерді қалыптастыру арқылы отаншылдыққа, еліміздің рәміздерін қастерлеуге, туған жеріне,еліне деген сүйіспеншіліктерін арттыруға тәрбиелеу. (Күй әуені күмбірлеп тұр). Кітап көрмесі: "Туған жер өрнектері" атты әдебиеттер көрмесіне шолу өнер әдебиеттері бөлімшесінің меңгерушісі:Қалдиева А.С. І.Жүргізуші: Армысыздар құрметті қонақтар! Бүгін Қазақстан халқының ұлы әрі үлкен мерекесі, қазағымыз Егеменді ел атанып, тіліміз мемлекеттік мәртебе алып, ұлттық мәдениетіміз, салт дәстүріміз қайта оралып, өз алдымызға ел болып, Тәуелсіздік даңғылына аяқ басқанымызға 26 жыл толып отыр. ІІ.Жүргізуші: Қуан халқым!Қуанатын күн бүгін, Серпіп таста мұнды жүрек түндігін Шарықтайық, шаттанайық, тынбайық Тәуелсіздік күнін бүгін халқым бірге тойлайық. І.Жүргізуші: Тәуелсіздік қасиетті ұғым.Ғасырлар бойы ата- бабамыз армандап,аңсап Тәуелсіздік үшін күрескен қазақ халқының тілегі орындалып, 1991 жыл 16 желтоқсан, заңды түрде Тәуелсіздік күні болып тарихқа енді. Алғы сөз С.Бәйішев атындағы Университет жанындағы колледж оқытушысы Серік Төлеубайұлына беріледі. ІІ.Жүргізуші: "Желтоқсан желі" орындайтын ІІ курс студенті. І.Жүргізуші: Тәуелсіздік түскен жоқ қой аспаннан, Тарихы оның тым әріден басталған. Бодандықтан құтқарам деп елімді, Талай боздақ қара жерді жастанған -дей келе, Желтоқсан... Желтоқсан ызғары. 1986 жылғы оқиға талай қазақ жастарының жүрегінде өз ызғарын қалдырса да, сол оқиға ел тәуелсіздігінің бастамасы ретінде ұлы өзгерістерге жетелегені даусыз. Мен сүйемін жерім менен елімді,
Студенттердің өз елінің тәуелсіздігі үшін күрескен қаһармандарын, туған жерін бейнелеген суреттеріне сипаттама Өлең Орындауында ән "Атамекен". ІІ.Жүргізуші: Тәуелсіздік бізге оңай келмеді, Асау аттай өз тізгінің бермеді, Қазағымның алтын басын иілтіп Талай дұшпан төрімізге төрледі. Біз жәй жүзген "Қазақ" атты кеме едік, Бірақ дұшпан басқа шықты- ау демедік Тәңір салған тағдырына бас иіп Неше ғасыр бодан болған ел едік. Қ. Елеместің сөзіне жазалған "Тарихтың танабына таңба салған" өлеңі ІІ.Жүргізуші: Теңдік еді қазағымның арманы Кең далаға әділдік іздеп барғаны. Өз ұлтының болашағы қамы үшін Жазық па екен шындықты айтып салғаны?- дей келе өз елінің тәуелсіздігі үшін күрескен қаһармандарын, туған жерін бейнелеген студенттер суреттеріне алғыс хатпен марапаттау. І.Жүргізуші: Өлкесің айдарыннан жел есілген, Талай бір парасатты ер өсірген Артында кестеленген із қалдырып Тарихтың астың түрлі белесінен. Күй "Көңіл толқыны" орындалады Оқушыларының орындауында Қазақстан Республикасының ән ұраны. Жүргізуші Құрметті қауым, осынау ұлыстың ұлы күні жүрегі Отан деп соққан әрбір азаматтың қасиетті мерекесі құтты болсын! Тәуелсіздікке арналған әдеби әуен кешімізді жабық деп жариялаймыз. МИНИАТЮРА «МЫ ПРОТИВ СПИДА»
Действующие лица:Девочка, Девочка на подпевках, Два мальчика-рэпера (в соответствующей одежде), Добро (в светлой одежде, белом плаще), Зло (в черном плаще). Выходят все действующие лица и по очереди произносят фразы великих людей: 1. Жизнь человека, как свеча на ветру. (Кит) 2. Жизнь есть выявление человеческим опытом границ добра и зла. (С.Д. Довлатов) 3. Наша жизнь есть то, что мы думаем о ней. (М. Аврелий) 4. Жизнь – это школа, но спешить с окончанием ее не следует. (Э. Кроткий) 5. В собственность жизнь никому не дается, а только на время. (Лукреций) Все уходят, выходят Девочка и Девочка на подпевках. Девочка: Сколько песен мы с вами вместе Спели маме своей родной. Девочка на подпевках: А про папу до этой песни Песни не было ни одной. По сцене пробегают мальчики-рэперы и произносят: Comon. Далее слова читают в стиле hip-hop. Девочка: Мы вам расскажем историю одну Про добрую жизнь и про жизнь мою. Папа мой курит, папа мой пьет, Папа мой просто плохо живет. Счастья не знает, маму он бьет И денег он нам совсем не дает. Как же он может меня воспитать, Какие моральные качества дать? Девочка на подпевках: А мой папа лучше, такой лишь один! Нет его круче, он неповторим, Денег приносит много в семью, Радуется он каждому дню. Две Девочки хором: Ну что же, посмотрим, что лучше для вас. И сделает выбор каждый из нас. По сцене пробегают мальчики-рэперы и произносят: Comon. На сцену, танцуя под музыку, выходят навстречу друг другу Добро и Зло. Зло сбрасывает со своих плеч черный плащ. Когда они приближаются друг к другу, между ними затевается драка. Все это делается под музыку, драка представляет собой съемку в замедленном действии. Через 2 минуты на сцену выбегает Девочка. Как только она начинает говорить, музыка останавливается, Добро и Зло замирают на месте. Девочка: Постойте! Хватит! Мне стоит самой в этом разобраться, ведь мне придется дальше жить. Но как же сделать выбор, ведь в семье моей не все благополучно. Мой папа пьет и курит, для него нет ничего важнее собственного удовольствия. А год назад в его жизнь вошли наркотики. Теперь он болен, очень тяжело, название его болезни звучит как приговор, как приговор жизни, приговор будущему, приговор счастью нашей семьи. Эта болезнь – СПИД. Как же я могу смириться с этим? Где же мне искать защиты, коль самый близкий человек меня может покинуть? Эта мысль мне не дает покоя, я не могу так больше жить, мне надо выбрать, с чем остаться. Я не хочу идти по пути отца, отравлять жизнь всем тем, кого любила, отнять будущее у себя и испортить его всем родным. Ведь надо жить достойно, и я считаю, что у всех должна быть собственная жизнь – счастливая и светлая, как солнце, и каждый лучик должен зажигать мечту, к которой стоит нам стремиться. Но это очень тяжело… Так как же быть?.. Не знаю, что мне делать… Пока Девочка стоит в раздумье, к ней подкрадывается Зло, начинает гладить ее по голове, нашептывать на ухо ласковые слова, опутывает цепью (цепь должна быть бумажной, чтобы ее легко было разорвать, но внутрь следует завернуть небольшой отрезок металлической цепи, чтобы, падая, она издала металлический звук). В это время Добро пытается отвоевать Девочку. Показать это можно по-разному, но лучше всего при помощи диапроектора спроектировать на стену изображения счастливых людей, живописные пейзажи и др. Можно отразить колебания Девочки при помощи музыки: чередовать зловещую музыку с голосами птиц, детскими песнями. Наконец Девочка решает выбрать Добро. Девочка: Ну все, уйди, ведь я решила (усилием рвет цепи, которыми ее опутало Зло, цепи с грохотом падают на пол. Девочка подходит к Добру, берет его за руку и продолжает речь). Намного лучше будет жить мне самой. Я все смогу! Я в это верю! Навсегда с добром останусь и буду счастлива. Я буду жить достойно, с уваженьем, и это будет лучше для меня. Пока Девочка произносит свои слова, Зло постепенно уменьшается, и, когда оно опустится на колени и сожмется (а это произойдет к последним словам Девочки), Девочка должна подойти к нему и накрыть черным плащом. В это время все участники миниатюры выходят на сцену, становятся перед Злом так, чтобы его не было видно, и по очереди произносят: – Наркотики и СПИД – это нелепая правда, которая губит всех на своем пути. – Она приходит неожиданно, не предупреждая о последствиях. – Она убивает в каждом надежду, веру и любовь. – Если кто-то вовремя не одумается и не попросит помощи, она погубит его навсегда. – Наркоман перестает интересоваться нормальной жизнью, ведь главное для него теперь – наркотики. – Несколько минут кайфа могут стоить наркоману жизни. – Всегда важно оставаться самим собой и делать так, как подсказывает тебе твой разум. Все уходят со сцены, за спинами других незаметно для зрителей должно уйти Зло. Каталог: e-lib -> images e-lib -> Әлеуметтану социология images -> Ғылыми кітапхана e-lib -> Ғылыми кітапхана e-lib -> Виртуальная книжная выставка e-lib -> Сценарийлері Сценарии мероприятий воспитательной работы Семей, 2013 e-lib -> Ғылыми кітапхана Ғылыми-библиографиялық бөлім e-lib -> Ғылыми кітапхана жүктеу/скачать 3,99 Mb. Достарыңызбен бөлісу:
|