Трофикалық қызметіне айналасында орналасқан құрылымдарды қоректік затпен қамтамасыз етіп, зат алмасу және ағзаның ішкі ортасының тұрақтылығын да сақтайды. Бұл қызметті атқарудағы ең маңызды құрылымы жасуша аралық заты. Сондықтан жасуша аралық зат интегративті – буферлі орта болып табылады
Тіректік ( биомеханикалық ) қызметі пішін құрап көптеген мүшелердің негізін түзеді. Бұл қызметі аталған тіннің коллаген және эластин талшықтарына тікелей байланысты.
Қорғаныс қызметі – ағзаны механикалық әсерлерден қорғап ( сүйек пен шеміршек тіндері ), мүшелерге сыртқы ортадан бөтен текті заттардың енуінен сақтап ( фагоцитоз ) жасушалық және гуморальді иммунитетке қатысады
Регуляторлық және морфогенездік
Пішінін қалыптастыру, көптеген жасушалық типтер, тіндер және ағзалар үшін дәнекертінді қоршауы тек пассивті тіректік роль ғана атқармайды, сонымен бірге оның ұйымдастырушы және информациялық да маңызы зор (мысалы, пролиферация мен дифференциялануға, бағытталған миграцияға және т.б. әсері);
Пластикалық қызметі – тіршілік ету жағдайларға байланысты, сол ортаға бейімделуі немесе адаптация процессіне қатысып мүшелердің дефектісін жойып, регенерациялық қызмет атқарады. Морфологиялық қызметі – тіндердің комплексін қалыптастыру, оның ішінде көптеген мүшелердің капсуласын, мүшенің ішіндегі стромасы болып саналатын перделерін түзіп, мүшелерге белгілі бір пішіні береді. Барлық осы жеке функциялар гомеостазды-организм ішкі ортасының шартты түрде динамикалық тұрақтылығын сүйемелдеуге бағытталған. Оларды талшықты дәнекер тіннің нақтылы түрінің жасушалық құрамы, жасушааралық затының физикалық-химиялық қасиеттері анықтайды. Сондықтан бұл функциялар әр түрлі дәнекер тіндерде әр түрлі дәрежеде дамиды.
Дәнекер тіндер түрлері бір-бірінен жасушалық құрамы, жасушалық элементтері мен жасушааралық затының физика-химиялық қасиеттері бойынша айырмашылықта болады.
