Ұлт жанашыры бастапқы бөлімде-көрнек өнерін бес тарауға бөліп,күллі өнердің бастауы-сөз өнері» деп таниды. Барлық өнерді қарапайым сөз өнерімен сипаттап,оның барлық сын-сипатын,артықшылығы мен кемшілігіне дейін суреттеп,көз алдыңа үйіріп әкеліп беретін де осы сөз шеберлігі екендігін баса айтады. Қазақта «сөз-сүйектен өтеді», «өнер алды қызыл тіл» сынды мақалдар бекер айтылмаған.Ертеден сөздің майын тамызып,керек жерде орынды сөз айта біліп,шешендіктің қыр-сырын меңгерген қазақ халқымыздың,сөз құдіретін ерекше бағалағанын айтып кетеді.Сол арқылы Абай мен Мағжан өлеңдерінен бірнеше мысалдар келтіріп,өлеңдеріндегі сөз құдіретінің қолданыстарын ерекше бағалағандығын білдіреді.
Достарыңызбен бөлісу: |
