а-сурет. Ұсыныс көлемінің өзгеруі 1.4ә-сурет. Ұсыныстың өзгеруі

Егер тауар бағасы 100 теңгеден 50 теңгеге арзандаса, ұсыныс көлемі 200 кг-нан 150 кг-ға дейін азаяды. Керісінше, бағаның 100 теңгеден 150 теңгеге өсуі ұсыныс көлемін 200 кг-нан 250 кг-ға дейін арттырады (1.4а-сурет). Бұдан мынадай тұжырым жасауға болады: тауар бағасы қымбаттаған сайын сатушының сату ынтасы арта түседі.

Өндіріс технологиясының жетілдірілуі, материалдар мен шикізаттар бағасының арзандауы, салық жеңілдіктерінің берілуі т.б. ұсыныстың артуына жағдай жасайды. Бұл графикте ұсыныс қисығының оңға қарай төмен орын ауыстыруы арқылы көрінеді. Нарыққа ұқсас өнім шығаратын бәсекелестер санының көбеюі, салық ставкасының өсуі ұсыныс қисығын солға қарай орын ауыстырады (1.4ә-сурет). Өндіруші белгілі бір өнімді өндіріп, сатуға шығармас бұрын өнімнің нарықтық бағасы, ресурстар бағасы, технология, мемлекет тарапынан берілетін субсидия мен дотация, бәсекелестер туралы ақпараттарды анықтайды.