Гүлфани ХАМЗИҚЫЗЫ,
«Филология: қазақ тілі» мамандығының
3-курс студенті
Бұқаралық спортты насихатау жалғасуда
Қазақстан
Республикасы
Президентінің
«Қазақстан – 2050:
Бір мақсат, бір мүдде,
бір болашақ» атты
Қазақстан халқына
жолдауында атап
көрсетілген салауатты
өмір салтын насихаттау
барысында «Томирис»
қыздар клубының
ұйымдасыруымен
наурыз айының 1-ші
жұлдызы күні «Толағай»
атты эстафеталық
жарыс өткізілді.
Жарыс мақсатына тоқталар болсақ, студенттерді жарыс
кезінде өзін-өзі бақылау арқылы белсенділікке, сенімділікке,
қайсарлыққа, ұйымшылдыққа тәрбиелеу; студенттердің бойына
төзімділік, жылдамдық, ептілік деңгейін дамыта отырып, дененің
жалпы даму сапасының артуына септігін тигізу; Студенттердің
спортқа деген қызығушылығын арттыру, салауатты өмір
салтын ұстануға насихаттау болып табылады. Университет
факультеті арасында өткізілген жарысқа жеті команда қатысып,
мынадай кезеңдер бойынша бақ сынады: «Кедергілер алаңы»,
«Эстафета», «Капитандар жарысы», «Жанкүйерлер сайысы»,
«Кенгуру»,
«Кім жылдам?».
Аталмыш ойын қорытындысы бойынша филология
факультеті 1-орын алса, география және жаратылыстану
факультеті 2-орынды иеленді. Ал 3-орынды педагогика
факультеті қанағат тұтты. Эстафеталық ойын барысында есеп
шығару да, кедергілерден өту де, көзді матамен жауып жүгіру
де, сурет құрастырып, сол жерден тапсырманы тауып орындау
да, жанкүйерлер арасында арқан тартыс ойыны да қамтылды.
Жанның рухы биік болу үшін тәннің де рухы биік болуы керек
екені белгілі. Міне, осындай эстафеталық ойындардың көптеп
өткізілуі студент жастарға керегі хақ. Дені сау ұрпақ – ел ертеңі
екенін де естен шығармауымыз керек.
Достарыңызбен бөлісу: | 
