Полимерматериалдан жасалған ыдыстар Консерві өндірісінде әртүрлі полимер материалдардан жасалған ыдыстар кеңінен қолданылады. Олар кейде қаңылтыр және шыны ыдыстардың орнын алмастыра алады. Мысалы, оларға тағамдық консерванттарды, кептірілген жеміс-көкөністерді, пастерленетін өнімдерді және асептикалық консервіленген өнімдерді салуға болады.
Артықшылықтары: өзіндік құны төмен; жеңіл; таза; тауарлық түрі тартымды.
Кемшілігі: термотұрақсыз; тез сынғыш; бір рет қана қолданылады.
Консерві өндірісінде сыйымдылығы 30, 50, 100, 150, 200, 250 мл-лік түрлі банкалар, стақандар, пакеттер, қораптар қолданылады. Соңғы кезде термотұрақты винилпласт пленкасынан жасалған ыдыстар қолданылады. Олар өте стерильді, сондықтан алдын ала өңдеусіз өнімді 70-75 0С дейін қыздырып бірден бөлшектейді, аузын полимер пленкамен немесе алиминий фольгамен тұмшалап жабады. Оның бетін әртүрлі етіп көркемдеуге болады. Тоңазытылған жеміс-жидек шырындарын, жемістерді, жидектерді және т.б. өнімдерді бөлшектеу үшін біріктірілген пленкалар қолданылады. Оларға көп қабатты полимер пленкалар, яғни, лавсан, полиамид, полиэтилен, полипропилен т.б. жатады. Сонымен қатар, іші полиэтилен сырты картон біріктірілген ыдыстар жиі қолданылады. Оларды тетрапак деп атайды.
