Натрийдің тәуліктік қажеттілігі, ағзада таралуы және деполануы. Натрийдің тәуліктік қажеттілігі - 215 ммоль/тәу. немесе 5 г. Натрий ағзаға негізінен NaCl (ас тұзы) түрінде көп мөлшерде (ағзаға қажеттіліктен артық мөлшерде) түседі. Бұл негізінен ұлттық менталитке, дәм сезінудің индивидуалдық ерекшелігіне тәуелді өтеді.
Адам ағзасындағы натрийдің жалпы үлесі - 1,5 г/кг. Натрийдің ағзада таралуы: - сүйек ұлпасында - 43%, жасуша ішілік сұйықта - 7%, жасуша сыртылық сұйықта – 50%.
Натрийдің 85%-і ионданған (Na+ ) формасында бос күйінде болады, ал қалған бөлігі протеиндермен комплекстер формасында кездеседі.
Денісау адамның, қалыпты жағдайдағы, қансарысуындағы натрий мөлшері – 130 – 150 ммоль/л құрайды.
Гипонатриемия – кезінде: - қантамырлары тонусы төмендейді, соның нәтижесінде АҚс (артериялық қысым) төмендейді. Олигурия дамиды. Гипонатриемияның ауыр түрлерінде (натрий концентрациясының 100 ммоль/л –ден төмен болған кезінде) сананың шатасуы, тырысу, мидың ісінуі дамуы мүмкін және олар ары қарай қауіпті асқынуларға әкеледі.
Гипернатриемия– кезінде: - тахикардия, АҚс жоғарылайды. Гипернатриемияның ауыр түрлерінде бүйрек қызметінің жетіспеушілігі мен кома жағдайы дамиды. Гипернатриемия бүйрек ауруларының, жүрек жұмысы жетіспеушілігі, бауыр циррозы патогенезінің жетекші факторы болып табылады.
