Сјулеттік жобаєа ќойылатын шарттар мен талаптар
Ғимараттар мен имараттардың түрлері
жүктеу/скачать 450 Kb.
|
| 1.1 Ғимараттар мен имараттардың түрлері.
Сәулетшілер мен құрылысшылардың жасампаз жұмыстарының нәтижесі дайын ғимараттар мен имараттар болып табылады. Кең мағынада «имарат» деген ұғымға «ғимарат» ұғымы да енеді. Бөлмелері бар және адамдар тұруға және қандай бір тұрмыстық, мәдени-қоғамдық, өндірістік немесе шаруашылық қызметтерді орындауға арналған құрылыстар ғимараттарға жатады. Инженерлік имарат - әр түрлі өндірістік процестерді орындауға, материалдарды сақтауға арналған және өзге (суқабылдағыш имарат, сұйықты сақтауға арналған резервуар, құбыр, түгін мұржасы, газгольдер, канализациялық тазалағыш имарат және т.с.с.) арнайы қызметтік құрылыстар. Ғимараттар мен имараттардың қызметтеріне байланысты құрылысты - өнеркәсіптік , азаматтық ( тұрғын, қоғамдық және коммунальдық- шаруашылық ғимараттар мен имараттар), гидротехникалық (теңіз және өзен), темір жол, автомобиль жолы, көпірлер және тоннельдер, ауылшаруашылық, мелиоративтік, шахталық, құбырлардың сыртқы тораптары, энергетика және байланыс тораптары, қорғаныстық түрлері бойынша бөледі. Ғимараттар мен имараттардың жіктелуі оларды жобалау кезінде экономикалық орынды шешімдер қабылдауға мүмкіндік жасау мақсатын көздейді. Жіктеудің негізіне ғимараттар мен имараттарды олардың қызметі мен мәнділігіне байланысты кластарға бөлу алынған. Ғимараттар өзінің қызметтеріне қарай - тұрғын, қоғамдық, өнеркәсіптік кәсіпорындар және ауылшаруашылық ғимараттары болып бөлінеді. Тұрғын ғимараттарға қарттарға және орындық-арбаларда жылжитын мүгетектері бар отбасыларына арналған пәтерлік үйлер қоса кіретін пәтерлік үйлер, биіктігіне 25 қабат қоса кіретін жинақханалар ҚР ҚНжЕ, шаруашылық-тұрмыстық және шағын кәсіпкерліктің өзге құрылыстары ҚР ҚНжЕ қоса кіретін жеке тұрғын үйлер, қонақ үйлер , мүгедектерге және қарттарға арналған интернат үйлер жатады. Қоғамдық ғимараттарға - ҚР ҚНжЕ бойынша алынған қоғамдық ғимараттар, кешендер және имараттар топтары тізіміне сәйкес жеке тұрған ғимараттар мен имараттар, тұрғын ғимараттардың құрамдарына енгізілген қоғамдық қызметтік бөлмелер кіреді. 1. Білім беруге, тәрбиелеуге және кадрлар даярлауға арналған ғимараттар: мамандандырылған, сауықтырушы және сақтауыш мектеппен біріктірілген балалардың жалпы типті мектепке дейінгі мекемелері; жалпы білім беретін және мамандандырылған мектептер және мектеп- интернаттар, мектепаралық оқу-өндірістік комбинаттар; кәсіптік- техникалық училищелер және жұмысшы кадрларын даярлауға және қайта даярлауға арналған оқу орындары; орта арнаулы оқу орындары; жоғары оқу орындары; мамандарды даярлауға және біліктілігін арттыруға арналған оқу орындары; мектептен тыс мекемелер. 2. Ғылыми- зерттеу мекемелеріне, жобалау және қоғамдық ұйымдарына және басқаруға арналған ғимараттар: ғылыми-зерттеу институттарына арналған (ірі арнаулы ғимараттарды қоспағанда); жобалау және конструкторлық ұйымдарға арналған; ақпараттық орталықтарға арналған; басқару органдарына арналған; қоғамдық ұйымдарға арналған; кредит беруге, сақтандыруға және коммерциялық қызметке арналған; мұрағаттарға арналған. 3. Денсаулық сақтауға және демалысқа арналған ғимараттар мен имараттар: жатып емделуші емдеу орындары, перзентхана үйлері, амбулаторлық емханалық, дәріханалар, сүтханалар, сумен және балшықпен емдеу орындары; санаторийлер; санаторий-профилакторийлер; демалыс және туризм мекемелері. 4. Денешынықтыру-сауықтыру және спорттық ғимараттар мен имараттары: ашық спорттық – денешынықтыру ғимараттары; ғимараттар және жабық имараттар; денешынықтыру-спорттық және сауықтыру кешендері. жүктеу/скачать 450 Kb. Достарыңызбен бөлісу:
|