Syllabus пәннің атауы

• 
  әлемнің қазіргі кезеңдегі ғылыми бейнесі туралы түсінікті қалыптастыру;
  
• 
  космостық объектілерді зерттеудің қазіргі заманғы ғылыми әдістері мен құралдары туралы терең білім беру;
  
• 
  орасан зор кеңістік пен уақыт сиятын өлшемдерді пайдалану, бақылау нәтижелерін талдау және астрофизикалық құбылыстардың күрделі табиғатын түсіну;
  
• 
  көптеген ғалымдардың еңбексүйгіштігі мен ерлігінің, мақсатқа жетудегі табандылығының куәсі болып келетін, тарихи тағылымдарға толы Астрономия ілімін жастарды ғылымға тәрбиелеудің негізгі құралына айналдыру;
  
• 
  студенттің эстетикалық және тәлімдік тәрбиесін жетілдіру;
  
• 
  курсты оқыту студенттерге физика мен астрономияның түпкілікті мәселелерінен терең білім алудың арқауы болуы тиіс.
  

Курс аяқталғаннан кейін студенттер білуі керек:

• 
  астрономиялық құбылыстың физикалық механизмін аша білуі,
  
• 
  статистикалық әдісті қолдана білуі;
  
• 
  құралдармен және жүйелердің негізгі параметрлерін өлшеу әдістерімен жұмыс істей білуі;
  
• 
  процесс сипаттамаларын өлшей білуі, өлшеу нәтижесін бағалай
  білуі, компьютерді қолдана білуі және өлшеу нәтижесінің статистикалық өңдеуінің
  нәтижесін ала білуі;
  
• 
  молекулалық физика және термодинамика есептерін шығара білуі;
  
• 
  кеңейе беретін Ғалам жөніндегі ғылымның соңғы жетістіктерінен хабардар болу.
  

Курс аяқталғаннан кейін студенттер жасай алуы керек:

Игерілетін дағдылар:

• 
  жұлдызды аспанның негізгі шоқ жұлдыздары мен айқын көрінетін жұлдыздарды таба білуі;
  
• 
  жұлдызды аспанның жылжымалы картасымен жұмыс істеу;
  
• 
  өз бетінше астрономиялық бақылаулар жүргізу;
  
• 
  Күннің аспан сферасындағы қозғалыс заңдылығын және Жердің климаттық белдеулерінің астрономиялық себептерін түсіну;
  
• 
  уақытты өлшеудің негізгі принциптерін, сағаттарға (жұлдыздық және күндік) түзету енгізу;
  
• 
  планеталардың конфигурациясын, Айдың фазасын, Кеплер заңдарын толық игеру;
  
• 
  Жердің жасанды серіктері мен зымырандардың қозғалысын есептеу үшін Кеплердің және бүкіләлемдік тартылыс заңдарын қолдана білу;
  
• 
  Күн жүйесінің құрылымы және аспан денелерінің табиғаты туралы нақты түсініктің болуы;
  
• 
  Ғарыштық денелерді зерттеудің соңғы әдістері туралы мағлұматтың болуы;
  
• 
  Жұлдыздық каталогпен атластармен жұмыс істей білу.