Тақырыбы: МҚбж microsoft Access мәліметтердің бейнеленуі Сабақтың мақсаты

жүктеу/скачать 129,58 Kb.

бет	1/2
Дата	15.04.2020
өлшемі	129,58 Kb.
	#62557
түрі	Сабақ

1 2

Байланысты:
10.04.9-222лек

Тақырыбы: МҚБЖ Microsoft Access - мәліметтердің бейнеленуі

Сабақтың мақсаты: Мәліметтер қорын құру, оны мәліметтермен толтыру, оның мазмұнын редакциялау, оларды реттеу, формасын безендіру және баспаға шығару;

Сабақтың міндеттері:

а) білімділік: MS Access мәліметтер базасында кесте құру тәсілдерін, айырмашылықтарын үйрету арқылы теориялық білімдерін практикалық жұмыста тиімді пайдалана білуге баулу.

ә) дамытушылық: Жаңа мәліметтер арқылы білім қорын көбейту, ой-өрісін дамыту, пәнге қызығушылығын арттыру, білім алушылардың теориялық білімдерін практикада тиімді қолдану дағдыларын дамыту.

б) тәрбиелік: Жылдамдыққа және жеке жұмыс жасауға баулу. Алған білімдерін еркін қолдана білуге, ұқыптылыққа тәрбиелеу.

Сабақ типі: Қорытындылау сабағы

Сабақ түрі: Ашық сабақ

Әдіс тәсілдер: Ассоциация әдісі, ойын әдісі, Инсерт әдісі

Пәнаралық байланыс: шет тілі, бейнелеу.

Көрнекіліктер: Microsoft Access терезелері, таратпа тапсырмалар, слайд.

Техникалық құрал: Дербес компьютер, проектор

Пайдаланылған әдебиеттер: М.Қ. Байжұманов, Жапсарбаева «Информатика»

Сабақ ұраны: «Ешқашан да бәрін білемін, енді маған бұдан артық үйренетін ештеңе жоқ деп санаушы болма!»

Н.Д. Зелинский

Сабақ барысы мен мазмұны
І. Ұйымдастыру бөлімі (2мин)

Оқушылармен сәлемдесу;

ә) Оқушыларды түгендеу;

б) Олардың құрал-жабдықтарын және сабаққа дайындықтарын тексеру;

в) Сабақтың тақырыбы мен мақсатын, өту ерекшеліктерін хабарлап, сабаққа кірісу.

Балалар, орыстың атақты химигі Н.Д. Зелинский өзінің еңбектерінде «Ешқашан да бәрін білемін, енді маған бұдан артық үйренетін ештеңе жоқ деп санаушы болма!»деп айтқан екен. Балалар сіздер келісесіздер ме осы ғалымның сөзімен? Онда ешқашанда білім алудан кеш қалмаңыздар деп, бүгінгі сабағымызды бастайық.

ІІ. Үй тапсырмасын тексеру (25 мин)

а) Үйге берілген тапсырманы сұрау(10мин)

ә) Ассоциация әдісі (5мин)

MS Access бағдарламасы

б)«Мәреге кім жетеді?» ойын әдісі (10мин)

1. MS Access дегеніміз не? Ж: Бұл мәліметтер базасы бағдарламасы.
2. Мәліметтер қоры (МҚ) деген не? Ж: Бұл ақпаратты жинақтайтын және
сақтайтын құрылым.
3. МҚ-да кестелер деген не? Ж: МҚ – да жазулар жиынтығын кесте деп
атайды.
4. МҚ- да өрістер деген не? Ж: МҚ – да кестедегі тік бағандар өрістер деп
аталады.

5. МҚ- да жазулар дегеніміз не? Ж: МҚ – да кестедегі жолдарды жазулар
деп атайды.
6. МҚ-ын құрудың қандай және неше қадамы бар?
Ж: а. Кестенің құрылымын құру
б. Кестені ақпаратпен толтыру
7. МҚ-ын құрудың әдістері қандай?
Ж: а. Бос МҚ – ын құру
б. Шебер көмегімен МҚ –ын құру
8. МҚ-да қандай нысандар бар? Ж: Кестелер, формалар, сұраныстар, есептер,
беттер, макростар, модульдер
9. МҚ-на өзгерістер енгізуге болам ма? Ж: Иә
10. МҚ-да кесте құруды неден бастайды? Ж: Өрістерін енгізуден бастайды

ІІІ. Өткен тақырыпты қорытындылау. (15мин)

Access программасы – бұл мәліметтер базасын басқару жүйесі (BD-СУБД - МББЖ).
Басқару жүйесі дегеніміз - көлемді мәліметтер жиынын тұтынушыларға ыңғайлы түрде бейнелеп, белгілі бір форматта сақтап қана қоймай, оны ары қарай өңдеуге арналған программалар кешені.
Access жиі қайталанып отыратын операцияларды автоматтандыруға мүмкіндік береді (мыс., жалақы есептеу, құнды материалдарды есепке алып отыру, т.с.с.).
Access көмегімен мәліметтерді енгізу мен оларды көруге арналған ыңғайлы форматтар жасауға және оларды қағазға басып шығаратын күрделі басылымдар (отчеты) құрастыруға да болады.
Кесте – мәліметтер базасымен жұмыс істеуге арналған негізгі объект, бір тақырыпқа берілген нақты мәліметтер жиыны. Ол өрістер (поля) мен жазбалардан (записи) тұрады.
Форма – кесте мәліметтерін экранда бейнелеу жолы немесе оларды басқару мүмкіндіктері, форма мәліметті енгізу, көру және толықтыру үшін қолданылады.
Басылым (отчет) – мәліметтердің керекті құрылымын баспаға шығарып қағазда бейнелеу тәсілі.

Басылымдар кестедегі мәліметтерді қағаздағы нәтижелік құжаттар түрінде басып шығаруға арналған. Access бірнеше кестелерден немесе сұраныстардан өзара байланысқан мәліметтерді қағазға шығаруды қамтамасыз ететін күрделі құрылымды басылымдар құрастыруға мүмкіндік береді. Құрастыру кезінде басылым бөлімдерінің құрамы мен мазмұны, сонымен қатар МҚ кестелері өрістерінен шығарылатын мәндердің осында қалай орналасу керектігі қалыптасады. Сондай-ақ тақырыптар, басылымдар реквизиттері жасалып, есептелінетін реквизиттердің де орналасуы қарастырылады. Мәліметтер деңгейлер бойынша топтастырылып, осы деңгейлердің әрқайсысы үшін қорытынды есептеулер жүргізілуі мүмкін, әр топқа арналып жеке тақырыптар мен ескертпелер де жасала береді.

Басылым құру үшін «Басылымдар» («Отчеты») парағына көшіп, Жасау (Создать) батырмасын шерту керек немесе Жаңа объект (Новый объект) батырмалар тізімінде Автобасылым (Автоотчет) не Жаңа басылым (Новый отчет) элементтерін қолдану қажет. Бірінші тәсілде 1-суретте көрсетілген басылым құру режимін таңдау терезесі пайда болады.

1 сурет. Басылым құру режимін таңдау терезесі

Басылымды алдын ала көруді Басылым көрінісі (Представление отчета) батырмасын шертіп, немесе «Басылымдар» («Отчеты») парағында Қарап шығу (Просмотр) батырмасын басу арқылы, немесе Файл/Алдын ала көру (Файл/Предварительный просмотр) командасы арқылы жүзеге асыруға болады. Саймандар тақтасындағы Баспа (Печать) батырмасы басылымдарды қағазға басып шығаруды қамтамасыз етеді. Меню қатарындағы Файл/Бет жобасы (Файл/Макет страницы) командасы көмегімен принтер түрін таңдауға, қағаз форматын, өрістер мөлшерін, жолдар арасындағы аралықты, қағаздың берілу бағытын, т.б. өзгертуге болады. Ал меню қатарындағы Файл/Баспа (Файл / Печать) командасы баспаға басылымның жеке беттерін немесе белгіленіп алынған жазбаларды шығаруға, көшірмелердің санын беруге және басылымды файлға жазуға мүмкіндік береді. Басылымды сақтау үшін Файл /Сақтау (Файл /Сохранить) командасы орындалады.

Басылымдар шебері режимінде басылымдар жасау

Басылымдар шебері (Мастер отчетов) режимі таңдап алынған өрістер негізінде шебер көмегімен жаңа басылымдар жасау үшін қолданылады, мұнда стиль таңдауға және байланысқан кестелердің өрістерін пайдалануға болады. Сондай-ақ, мәліметтерді топтастыру мүмкіндігі бар, мысалы, уақытқа байланысты ақпараттардағы күн-ай мерзімі өрісі үшін жылдар, тоқсандар, күндер, немесе басқа да уақыт аралықтары бойынша мәліметтерді топтастыра аламыз. Өрістердің сандық және қаржылық типтері үшін Толық мәні бойынша (По полному значению) немесе Аралық (Интервал) (10, 50 және т.б.) мәндер бойынша да топтастырылу жүргізіледі. Мәтіндік өрістерді толық мәні, бірінші символы немесе алғашқы бірнеше символдары бойынша топтастыруға болады. Сұрыптау жүргізіп (ең көп дегенде 4 өріс бойынша), әрбір топ үшін есептеліп шығарылатын қорытындылық нәтиже алуға (жалпы қосындысы, орташа, максимум, минимум мәндері) да мүмкіндік бар. Парақтарға альбомдық немесе кітаптық бағытта мәтіндер басып, өрістердің де қажетті енін тағайындауға болады. басылымды басқаша етіп те құруға болады. Мысалы, басылымдарға бірнеше кестелер мен сұраныстардан алынған өрістер енгізуге, топтастыру ісін жүргізбеуге, топтастыру жүргізілгенде, оның әртүрлі аралықтарын таңдауға, топ ішінде сұрыптау жүргізу үшін бір немесе бірнеше өрістерді таңдап алуға мүмкіндіктер бар. Бұларға қосымша қорытынды нәтижелер есептеу үшін бір немесе бірнеше өрістер тағайындап, сондай-ақ, тек нәтижелерден ғана тұратын басылымдар да жасауға, яғни басылымдардың түрі мен стилін таңдауға болады.