Климат (құрғақ, ағзаның жиі сусыздануына әкелетін).
Топырақ құрылымы - азық-түліктің электролиттік құрамына әсер етеді.
Судың химиялық құрамы - судағы тұздардың артық болуы олардың несептегі концентрациясының артуына ықпал етуі мүмкін.
Судың қышқылдығы зәр шығару органдарында тас түзуі үшін де маңызды.
Тұтынылатын сұйықтықтың режимі мен мөлшері-сұйықтықты жеткіліксіз тұтыну тастардың пайда болу қаупін арттырады.
Күн тәртібі - аз қозғалатын өмір салты тастың пайда болуына ықпал етеді
Күн сайын тұтынылатын тағамның құрамы – ет өнімдерін, құрамында пуринді негіздер (бұршақ, щавель, шпинат және т.б.) бар өнімдерді артық тұтыну.
Симптомдары
Несепті қуыққа апаратын несепағар бойымен тастар жылжығанға дейін, бүйректен несептің ағуы тежелгенге дейін аурудың симптомдары сезілмейді. Негізгі симптомы – күшті ауырсыну (бүйрек шаншуы), ол кенет басталып, кенет аяқталады. Ауырсыну іштің аумағында немесе бел аумағында сезілуі мүмкін. Ауырсыну шап аумағына немесе аталық безге ауысуы мүмкін.
Аурудың басқа симптомдары:
Несептің ауытқулы түсі
Несепте қан болуы (гематурия)
Қалтырау
Қызба
Жүрек айнуы
Құсу
Бүйрек шаншуының себебі
Оның себебі бүйректен кенет несеп шығуының толық бұзылысы. Бұл бұзылыс несеп жолдарының тастармен бітелуінен (обтурация) пайда болады. Ол астауша ішіндегі қысымның тез көтерілуіне, паренхима ісінуіне, бүйрек қақпасы мен фиброзды капсула жүйке ұштарының рецепторларының қозуына әкеледі.
Гематурия
Гематурия конкременттің несеп жолдарымен қозғалысы кезінде шырышты қабаттың зақымдануынан, сондай-ақ, бүйректің форникальды өрімінің ұсақ көктамырларының үзілуі салдарынан көктамыр гипертензиясынан болады. Гематурия түрлері:
