Клиникалық көрінісі: Склеродермияның ең негізгі тұрақты белгісі- терілік синдром. Тері бұзылыстары көбінесе бет пен қолда, бірақ дараланған ошақты түрде басқа жерлерде де болады. Склеродермия ошағының көлемі мен саны әр түрлі, пішіні дөңгелек, сопақ немесе жолақты келеді. Бұзылыс ошағындағы тері аздап ісіңкі, төңірегі қызарған, қатайып, тері өзгерісі атрофияға ұласады. Аяқтағы тері бұзылыстары бұлшықеттер мен сүйек атрофиясы, контрактура, деформациямен бірге байқалады. Бет әлпеті өзгереді: бет қатаюы, аотрофиясына байланысты, бірте-бірте мимика қимылдары азаяды, мұрын ұшы үшкірленеді, ерні жұқарып, аузын ашу, тілін шығару қиындайды, қасы мен кірпіктері және склеродактилия дамуымен көрініс алады. Склеродермияның диффузды вариантында бұзылысқа кеуде, арқа, іш, аяқ терілері біржақты өзгеріске ұшырайды (гемисклеродермия). Жүріс өзгерісі, ірі және кіші буындарда контрактура дамуы, кейін балаларды мүгедектікке соқтырады. Бұл құбылыс миопатиялық синдром, миалгиямен қабаттасады.
