Пайдалылық функциясы дегеніміз – тұтынушының белгілі бір игілікті тұтынуға жұмсаған ақшалай табысының әрбір бірлігінің (доллар, марка, фунт и т.б.) шекті пайдалылығының бірдей дәрежеде кӛрінуі.
Шекті пайдалылық – тұтынушының қосымша тауар бірлігінен алынатын қосымша пайдалылығы. Кез-келген игіліктің шекті пайдалылығы оның тұтынылу мӛлшеріне тікелей байланысты.
Жалпы пайдалылық – тауар жиынтығындағы барлық тауарлардың шекті пайдалылықтарының сомасы.
Талғамсыздық қисығы (бұл қисықтың авторы, ағылшын экономисі Ф. Эджуорт, 1881
ж.) – бұл тұтынушыға бірдей пайдалылық алып келетін екі экономикалық игіліктің
әртүрлі комбинациялар жиынтығын көрсететін қисық.
Екі экономикалық игіліктің кеңістігінде жатқан бірнеше талғамсыздық қисықтары – талғамсыздық қисықтарының картасы деп аталады. Талғамсыздық қисықтарының картасы тұтынушының ұнамдылықтарын кӛрсетеді және оның әртүрлі игіліктердің кез-келген екі комбинациясына қатынасын анықтауға мүмкіндік береді.
