46 ПРЕПАРАТ. Капиллярлар, артериолалар, венулалар. Г.Э.
Кіші ұлғайтқышпен ұсақ тамырлар торын тауып, үлкен ұлғайтқышқа ауыстыру керек. Капилляр-өте ұсақ тамыр, оның диаметры эритроциттен сәл үлкендеу, сондықтан капиллярда эритроцит тізбектеліп, бір қатар орналасады. Капиллярдың қабырғасында базальдық мембранада ұзына орналасқан сопақша, сәл боялған эндотелиоциттің ядросы созылыңқы, күңгірт перициттің ядросын көруге болады. Сыртында, ұзына бойы адвентициальдық клетка орналасқан. Венулада эритоциттер бірнеше қатар орналасады. Артериоланың капилляр мен венуладан айырмашылығы, оның қабырғасында біріңғай салалы ет клеткасы сақиналы орналасады.
Суретті салып, белгілеу керек.
1. артериола
2. капилляр
3. венула
№ 47 ПРЕПАРАТ. Артерия. Г.Э.
Кіші ұлғайтқышпен артерияны тауып, оның ортаңғы қабығының жақсы дамығанына көз жеткізу керек. Үлкен ұлғайтқышпен: ішкі қабықтың эндотелий асты қабаты-жұқа дәнекер ткані қабатынан және ішкі эластикалы мембрана орналасқан. Сыртқы қабық шекарасында сыртқы эластикалық мембрана орналасады.
Суретті салып, белгілеу керек.
1. ішкі қабық
а) эндотелий
б) эндотелий асты қабаты
в) ішкі эластикалық мембрана
2. ортаңғы қабық
3. сыртқы қабық
№ 49 ПРЕПАРАТ. Қолқа. Орсеин.
Кіші ұлғайтқышпен: ішкі, ортаңғы және сыртқы қабықтарды көру керек. Ішкі қабықта ұзына бойы орналасқан серпімді талшықтар өрімінің көлденең кесілгенін көресіздер. Ішкі және ортаңғы қабықтың шекарасында серпімді талшықтар өрімі жақсы дамыған. Ортаңғы қабықта күңгірт боялған серпімді мембраналар көзге түседі, ал олардың аралығында ашық біріңғай салалы ет клеткасы орналасқан. Сыртқы қабықтарда серпімді талшықтар өрімі жақсы көрінеді.
Суретті салып, белгілеу керек.
1. ішкі қабық
2. серпімді талшық
3. серпімді мембрана
4. ортаңғы қабық
5. сыртқы қабық
№ 50 ПРЕПАРАТ. Вена. Г.Э.
Кіші ұлғайтқышпен венаның жалпы құрылысын көреміз. Үлкен ұлғайтуда қуысы кең, қабырғасы жұқа, ортаңғы қабығы нашар дамыған, сыртқы қабығы жақсы дамыған, талшықты дәнекер тканінен құрылған, серпімді мембранасы жоқ венаны оқып, суретін салу керек.
Суретті салып, белгілеу керек.
1. эндотелий
2. эндотелий асты қабаты
3. ортаңғы қабық
4. сыртқы қабық
№
Достарыңызбен бөлісу: |
