Ауру малдың сүтiн малдәрiгерлiк санитарлық сараптау. Сүт сауылып, тұтынушыға жеткенше бiрнеше өңдеуден өтедi: сүзу, үлкен ыдысқа құю, салқындату, тасымалдау, пастеризациялау және сатуға шығару үшiн кiшкене ыдыстарға құю.
Осындай өңдеу кезiнде санитариялық ереже сақталмаса, сүт микробтармен, оның iшiнде зардапты микробтармен ластануы мүмкін. Бiр сауыншының салақтығынан немесе фермадағы ұқыпсыз жұмыстан ластанған сүт фермалардан жиналған көп сүттi ластауы ықтимал. Ал, егер сүтке зардапты микробтар өтсе, адамдар арасында ауру тарауы мұмкін. Медицина қызметкерлерi сүттен пайда болған жалпылама адам ауруын «сүт эпидемиясы» деп атайды. Мұндай эпидемия азды-көптi, дүниежүзiнiң көптеген елдерiнде болып тұрады.
СТИ – вакцинасымен егiлген малдың дене температурасы әдеттегiдей болса, вакцина егiлген жерi iсiп кетпесе, т.б. асқыну байқалмаса, ондай малдың сүтiн тоқтаусыз пайдалануға болады. Ал, осы айтылған өзгерiстер егiлген малда болса, оның сүтiн қайнатқаннан кейiн пайдаланады. Маңқамен ауырған бие сүтiн тамаққа пайдаланбай 30 минут қайнатқаннан соң құртады.
Достарыңызбен бөлісу: |
