Тәрбие сағатының тақырыбы: Дос және достық Тәрбие сағатының мақсаты

Абай ауданы

Арқат ауылы

С.Бекбосынов атындағы орта мектебінің

6 сынып жетекшісі

Нұрпан Мұсабайқызы .Әзімбаева

1. 
   Оқушыларға дос, достық туралы әңгімелей отырып, олардың достық қарым-қатынасын нығайту.
   
2. 
   Оқушыларды адалдыққа, шыншылдыққа тәрбиелеу, өзімшілдіктен, менмендіктен тағы басқа жаман әдеттерден аулақ жүруге үйрету.
   
3. 
   Оқушылардың адамгершілік қасиетін, бір-біріне деген достық сезімдерін нығайту.
   

Тәрбие сағатының жүру барысы:

1-бөлім

І. Мұғалімнің кіріспе сөзі

ІІІ. Ән тыңдау «Достарым».

Сыныпты екі топқа бөлу. «Достық» және «Сыйластық» тобы.

Сайыс шарттарымен таныстыру.

Сайыс шарттары:

І. Топ аты, ұраны

ІІ. Халық айтса, қалып айтпайды.

ІІІ. Менің түсінігімде ...

ІУ.Сен не істер едің?

У.Өмірде бәрі болады.
Мұғалімнің кіріспе сөзі:

Міне, балалалар! Сендер «Достарым» әнін тыңдадыңдар.

/Слайд арқылы достық түрлеріне тоқталу. Нағыз достықты көрсететін әңгімелерді тыңдату/

Ал, енді балалар, достыққа қарама-қайшы сезім –ол дұшпандық, сатқындық.

Мәди де өзінің «Қаракесегінде» «Дос болып, қас болғаннан сақта құдай» демей ме? Сондай-ақ жерлес ақынымыз М.Оспановтың «Сатқын досқа» деген өлеңін тыңдап көрейікші.

Міне, күніне мың құбылып, жеме жемге келгенде достық сезімді, қара бас қамына айырбастап жіберетіндердің де өмірде кездесетіні анық.

Әрине досы үшін жанын қиярға дайын, адал ниет, ақ көңіл адам жоқ деп айтуға болмайды. Бірақ шын дос табу қандай қиын болса, мәңгілік дос болып қалу одан да қиын.

Пейіліміз кеңейсін тарылмасын,

Күніміз күлкілі бола берсін,

Берсе берді бермесе санаспайық,

Қанат конькиін аулаға қалдырды да, өзі тамағын ішуге үйге кетті. Тамағын ішіп отырып ол конькиін Маралдың теуіп жүргенін көрді. Қанат ашуланып, аулаға жүгіріп шықты. «Қазір оның сазайын тартқызамын, біреудің затын сұрамай алушы болмасын» деп ойлады.

Ашулы күйінде жетіп барды, тіпті жұдырығын да түйіп алған.

Ал Марал оны көрді де, «Танысып қой, Айдар, бұл менің ең жақсы досым Қанат» деді. Қанат ұялып қалды,

Сендер қалай ойлайсыңдар? Қанат ендігі жерде балалар сырғанау үшін өз конькиін бере ме?

-Плащынды шеш, екеуіміз бірге жамылайық! - деді Бота.

- Шеше алмаймын, үстім су болады ! –деді Дана.

Мектепке келгенде мұғалім «Дананың үсті құрғақ, сен неге малмаңдай сусын. Неге бұлай? Екеуің бірге келмедіңдер ме?» деп сұрады.

-Дананың плащы болды, ал менде көйлек қана болды»-деді Бота.

-Екеуің бір плащты жамыла алатын едіңдер ғой. Сендердің достықтарыңның алғашқы жаңбыр жауғанша ғана екені көрініп тұр –деді мұғалім. Екі қыз да ұялғанынан қып-қызыл болып кетті.

Сен Дана туралы не айтар едің?

• 
  Қиын кездерде бір-біріне көмек көрсетіңдер.
  
• 
  Досыңды алдамай, оған адал бол.
  
• 
  Досыңды қорлама.
  
• 
  Досыңмен қызықты шақтарды бөлісе біл.
  
• 
  Досыңды барда да сына, жоқта да сына.
  
• 
  Досыңның кемшілігін кешіре біл.