«Тәуелсіздік деп соғады жүрегіміз»
жүктеу/скачать 14,51 Kb.
|
тәуелсіздік кеші
| Кештің тақырыбы: «Тәуелсіздік деп соғады жүрегіміз»
2 - жүргізуші: Армысыздар, құрметті ұстаздар, оқушылар және қадірменді қонақтар! Бүгінгі Тәуелсіздігіміздің 28 жылдығына арналған «Тәуелсіздік деп соғады жүрегіміз» атты мерекелік кешімізге қош келдіңіздер! 28 жыл ішінде тәуелсіз Қазақ елін қалыптастырып, нарықтың қиын өткелдерінен аман өткізіп келеміз. Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті. 1-жүргізуші. Сол себепті тыныштық сақтап желтоқсан құрбандарын құрмет , еске алу мақсатында 1 мин үнсіздік сақтайық. Кештің барысы: «Мен қазақпын» әні. (5-сынып Айболат) 2 - жүргізуші: Армандарды жақындатып тым алыс, Біздің жаққа жеткен екен жылы ағыс. Егемендік - ел бақыты, ертеңі, О, халайық! Құтты болсын қуаныш! 1 - жүргізуші: Құрметті қонақтар, тәуелсіздіктің мәнін оқушыларға терең түсіндіріп, санасына сіңіріп білім беріп келе жатқан тарих пәні мұғалімі Мырзагулова Гүлден Жумашевнаға сөз береміз. 2 - жүргізуші: Тас еденде жатты қазақ баласы, Ауырса да, қыңқ етпеді жарасы, Жараланған жолбарыстай, ышқынып, Айтып жатты соңғы сөзін ол ащщы!!!...... Қайрат атты атым бар, он сегізде жасым бар... Еркек тоқты құрбандық, атам десең атыңдар!.... 1- жүргізуші. Ызғарлы желтоқсанның суық лебін сіздерге көрініс арқылы 11 сынып жеткізеді. Тамашалаңыздар. 2- жүргізуші . Қазақ дейтін менің бір елім, Жатыр алып жарты дүние әлемін. Бұл даланы анам жаспен суарған, Бұл далаға жылап келіп қуанған, - деп Қасым Аманжолов ағамыз жырлағандай, кең байтақ жерімізде Қазақ халқының басынан не өтпеді десеңізші. Талай қиындықты бастан кешірсе де, ешқашан мойымай, күресе білді. Азаттық таңы туатынына кәміл сеніп, үміттерін үзбеді. 1-жүргізуші: Ортада Секенова Сабина «Желтоқсан желі» монологымен 1 - жүргізуші: Қазақпын, еңселі елмін егеменді, Кеңейттім кең әлемге керегемді. Мұхиттың ар жағында жатқан жұрттар Таныды тепе - тең деп тереземді. Қазақпын, қойнауы - құт, жері - дархан, Әнімді бес құрлықтың бәрінде айтам. 2-жүргізуші. Бүгінгі күнге, Биші қыздар биімен де үн қосты «Шаттық» биі. 1 - жүргізуші: Бойымда әні бұлақ жатыр бұрқырап Сол бұлақтан сыр ағыздым жыр құрап Тілейтінім барша жұртқа бір ғана Ырыс, бақыт, татулық пен ынтымақ. Ән: «Қазақстаным» Орындайтын: 7 - сынып оқушысы (Барша бала артында шығып тұрады, қолдарында шар мен жалауша) 2 - жүргізуші: Ту тігілді халқымның бүгін бағына Жас өрендер желбіретіп нық ұста Ғасырларға жалғастырып елдікті Дақ түсірме ата баба рухына Үлгі бізге аталардың ерлігі Ұлағаты өнегесі еңбегі Тәуелсіздік туын ұстап жоғары Бүгінгі ұрпақ болар елдің ертеңі дей келе бүгінгі тәуелсіздігіміздің 28 жылдығына арналған «Тәуелсіздік деп соғады жүрегіміз» атты мерекелік кешіміз өз мәресіне де келіп жетті. 1- жүргізуші . Келесі кездескенше сау саламатта болыңыздар! жүктеу/скачать 14,51 Kb. Достарыңызбен бөлісу:
|