Тілдерді дамыту бойынша 2014 жылдың І тоқсанындағы атқарған жұмыстары туралы ақпарат Ауданда Қазақстан Республикасының «Қазақстан Республикасындағы тіл туралы»

Ауданда Қазақстан Республикасының «Қазақстан Республикасындағы тіл туралы» 1997 жылғы 11 шілдедегі Заңының талаптарын орындауға және мемлекеттік тілдің қолданыс аясын кеңейтуге бағытталған ауқымды шаралар белгіленіп, бекітілген іс-шаралар жоспарына сәйкес жүйелі жұмыстар жүргізілуде. 

Қазақстан Республикасында тілдерді дамыту мен қолданудың  2014-2016 жылдарға арналған мемлекеттік бағдарламасын іске асыру бойынша іс-шаралар жоспары Аудан әкімдігінің 2014 жылғы  28 сәуірдегі   № 541 қаулысымен бекітілген.

Тіл саясаты туралы мәселелер аудан әкімдігінің отырысында қаралып отырады. 2013 жылғы 25 қазандағы аудан әкімдігінің отырысында Қазақстан Республикасының «Қазақстан Республикасындағы тіл туралы» Заңының Ұлан ауданында орындалу барысы туралы сұрағы қаралды.

Қазақстан Республикасының «Қазақстан Республикасындағы тіл туралы»  Заңының «Деректемелер мен көрнекі ақпарат тілі» туралы 21 бабының орындалуын іске асыру, заң талаптарына аудандағы көрнекі ақпарат пен жарнама мәтіндерін сәйкестендіру және қоғамдық бақылауды одан әрі күшейту, бұл іске аудан жұртшылығын кеңінен жұмылдыру бойынша іс-шараларға белсене атсалысуы бойынша түсіндірме жұмыстары жүргізілді.
Ауданда «Көркем тіл – көрікті жарнама» атты тіл айлығы ұйымдастырылып, айлық аясында деректемелер мен көрнекі ақпарат көздерінің тіл заңдылықтарына сәйкестігін анықтау мақсатында 15 мәрте рейд жүргізіліп, ауданның елді мекендеріндегі  қоғамдық орындар, мекемелер, сауда нысандары, барлығы 72 нысан тексерілді.
Аудан бойынша «Көркем тіл – көрікті жарнама», «Сауатты жарнама», «Тәрбие басы-тіл», «Тіл мен рух» атты  тақырыптарда 6 «дөңгелек үстел» өткізіліп, оған 92 адам қатысты.
Аудан бойынша кітапханаларда «Сауатты жаза білейік», «Тілім менің ғасырлардан аманат», «Тіл – ұлттық құндылық», «Тіл тазалығы әрбір қазақстандықтың қолында», «Тіл тірегіміз, соғып тұрған жүрегіміз» атты тақырыптарда көрнекі ақпараттар мен жарнамаларды сауатты ресімдеуге арналған ақпараттық көрмелер ұйымдастырылды.
2014 жылдың І-тоқсанына аудандағы көрнекі ақпарат пен жарнамаларды мемлекеттік тілде ресімдеу деңгейі  84% құрайды.

Мемлекеттік тілдің қолдану аясын кеңейту мақсатында іс жүргізуді мемлекеттік тілге көшіру бойынша мемлекеттік органдар мен мекемелердің құжат айналымына бөлімнің бас маманы С. Жуматаева тарапынан ай-сайын мониторинг жүргізіледі. Жасаған мониторингтің талдау нәтижесі бойынша мемлекеттік тілдің жалпы құжаттағы үлесі 2014 жылдың І-тоқсанының қорытындысы бойынша 94,8 %  жетті.

Бүгінгі таңда қазақ ономастикасының негізгі мәселелерінің бірі  қазақ азаматтарының тегі мен әкесінің атын қазақ халқының қалыптасқан тарихи дәстүрлеріне сәйкес келтіруге байланысты болып отыр. Қазақстан Республикасы Президентінің 1996 жылғы 2 сәуірдегі «Ұлты қазақ азаматтардың тегі мен әкесінің атын жазуға байланысты мәселелерді шешу тәртібі туралы» Жарлығы негізінде 2014 жылдың 10 ақпаны мен 10 наурызыі аралығында ауданда «Тілімізді құрметтеп, тектілікті ту етсек» атты тіл айлығы өткізілді. Айлық барысында Қазақстан Республикасы азаматтарының тегі мен әкесінің атын қазақша жазу тәжірибесін қазақ халқының қалыптасқан тарихи дәстүрлеріне сәйкес келтіруге байланысты аудан көлеміндегі мектептерде, қоғамдық орындарда, мекемелерде  халыққа айлықтың мән-маңызын түсіндіруге бағытталған  семинарлар, кеңестер, дөңгелек үстелдер ұйымдастыру жұмыстары жүргізілді.  

Отбасынан кейінгі баланың баратын тәрбие ошағы – балабақша. Бүлдіршіндердің тілді үйренуге қызығушылығын арттыру мақсатында «Бала шақтан болашаққа – мемлекеттік тілмен», «Қазақшаң қалай балақай?», «Біз қазақша сөйлейміз» атты тіл туралы аудандық іс-шаралар, байқаулар өткізіліп тұрады.

 

Мәдениет және тілдерді дамыту