Жауабы: Зақымданған тамырдың түріне байланысты қан кету артериялық, веналық, артерия-веналық және капиллярлық болып бөлінеді.
Артериялық қан кету –зақымданған тамырдан алқызыл қанның фонтан тәрізді шапшып немесе пульсациялап ағуы. Ірі артерияның зақымы жіті қан жоғалтуға және тіндердің жедел қансыздануына байланысты өмірге аса қауіп төндіреді.
Венадан қан кету –тамырдан қойғылт түстің қанның шапшусыз, пульсациясыз ағумен сиппаталады. Венаның анатомиялық ерекшелігіне байланысты, яғни вена қабырғаларының жұқалығы, клапандардың болуы, ондағы қысымның төмендігі тромб түзуге жағдай туғызып, таңғыш салғанда қанды тоқтатуға мүмкіндік береді. Кеуде мен мойын аймағында орналасқан веналардың зақымында ауа эмболиясының даму қауіпі орын алады.
