| 6.12-сурет. Наноконтейнер құрылымы мен басып алынған люминесцентті бөлшектері бар нанокапсулалар микросуреті
Бұл ісікке қарсы дәрілерді зақымдалған мүшеге жеткізуді қамтамасыз етеді. Жұмыртқалы фосфатидилхолин мен холестериннен алынған магнитті липосомдарды қолдану арқылы жануарларға жасалған тәжірибелер кұрамында кураре тәріздес диадоний, дитилин, пирокурин және дипироний препараттары магнит өрісіндегі нысанамүшеге жиналатынын көрсетті. Липосомдар мөлшері 0,01-2 мкм, ал олардың құрылымы жасушалы мембраналар арқылы кедергісіз енуіне мүмкіндік береді. Дәрілік заттардың құрамында магнитті бөлшектері жоқ магнитобасқармалы және бақылаушы липосомдардан шығу кинетикасын зерттеу магнитті сұйықтықтың капсулалар құрылымына тұрақсыздандырушы әсер бермейтінін көрсетті.
Қазіргі кезде табиғи фосфолипидті капсулалар полимерлерінен құрастырылған РНҚ, сонымен қатар, кремний диоксидінен, титан диоксидінен жасалған бейорганикалық капсулалар және т.б. қосылды. Табиғи және жасанды синтезделген наноконтейнерлер ағзада медикаменттерді тасымалдау үшін өте жақсы үміткер болып табылады. Олар дәрілер ерігіштігін арттыруға, улылық пен тиімді дозаны азайтуға мүмкіндік береді. Сонымен қатар, бұл контейнерлер және жасуша күйін бейнелей алатын биосенсорлар жасау үшін, жасушалар детоксикациясы мен олардан зиянды заттарды жою үшін қолданыс тапты. Мысалы, бірбірімен формасы үшбұрышқа ұқсайтын құрылымға қосылған РНҚ үш тізбегінен тұратын нанокапсулалар (6.13-сурет) жасуша ішіне қатерлі ісік жасушасының өсуін тоқтатуға жауапты РНҚ тізбектерін енгізуге мүмкіндік береді.
Достарыңызбен бөлісу: |
