-сурет. Фуллерендерді бөлшектердің сызбалық көрінісі

Көміртектің дөңгелектенген формалары құрамында 60-тан аз және 70-тен көп атомдар болуы мүмкін. Соның ішінде, бүгінде құрамында С_n. n-28, 42, 52, 58, 70, 76, 82, 84, 90, 92, 98, 100, 180, 190, 240, 540 және тіпті 960 көміртек атомдары бар фуллерендер анықталынған. Қазіргі таңда, үлкен көлемде С₆₀ фуллерендерден басқа 70, 76, 78, 82, 84, 90, 94, 96 атомдары бар фуллерендер де синтезделген.

Анықтама бойынша С₆₀фуллерен молекуласы 12 пентагон және 20 гексагоннан құралған, икосаэдрге ұқсас көпбұрыштардың төбелерінде орналаскан көміртегі атомдарынан тұрады (1.27-сурет). Фуллерендер түзетін элементарлы құрылымдардың ұяшықтары - куб, ромб және гексагональ тәрізді болады. Молекуланың 90 қабырғасы бар. Геометриялық құрылымы бойынша төбелері кесілген икосаэдрге сәйкес келеді (1.27-сурет) және ИЮПАК бойынша (С₆₀-1_h)|5,6| деп белгіленеді. Дөңгелек жақша ішінде химиялық құрамы мен симметрия тобы, ал квадратты жакшада сақиналардағы атомдар саны көрсетіледі. С₆₀ -тың ішкі түтігінің диаметрі 0,3512 нм, қысқа С-С байланысының ұзындығы (бесбұрыш пен алтыбұрышқа ортақ) 0,1391 нм, ал ұзын С-С байланысының ұзындығы (алтыбұрыштарға ортак) 0,1455 нм құрайды. С₆₀молекуласында бесбұрыштар өзара байланыспайды.

С₇₀- фуллерен 25 алтыбұрыштан және 12 бесбұрыштан тұрады, оны (С₇₀D_5h/[5,6] деп белгілейді.С₇₀ - фуллерендер пішіні эллипс («регби добы») тәрізді болады. Кристалдық күйдегі фуллерендерді фуллериттер деп атайды. Әдетте С₆₀ және С₇₀ - фуллерендер деп белгіленетін материалдар фуллерендердің бірнеше түрінің қоспасынан тұрады, олардың құрамында фуллерендердің бір түрі көбірек болады.