| 1.30-сурет. С 120 димері 1.31-сурет. Екі метилен көпіршелері бар димер
Фуллерендердің де нанотүтікшелер тәрізді ерекше қасиеттері бар. Олардың ерекшелігі фуллерендер жеке күйінде қолданылмайды, оларды наноқұрылымды материалдар синтездеуге арналған матрица ретінде қолдануға болады. Синтезделіп алынған фуллерендер мен оның негізіндегі жаңа материалдардың жаңа қасиеттері мен олардың қолданылу аймақтарын табу үшін әртүрлі зерттеулер жүргізілуде.
1.6. Көміртекті нанотүтікшелер
Жапон ғалымы Сумио Ииджиманың 1991 жылы жарыққа шыққан, көміртекті нанотүтікшелердің микросуреттері келтірілген мақаласынан кейін бүкіл әлем ғалымдарының түтікшелерге деген қызығушылығы артты. Ииджима оларды көміртекті молекулярлы талшықтар деп атаған. КНТ графен қабатымен қапталған наномөлшерлі көміртекті цилиндрден тұрады.
Ақаусыз көміртекті нанотүтікшелер диаметрі 1-ден 120-150 нм дейін және ұзындығы жүздеген микрометрге жететін цилиндрлерге графиттің жазық атомдық торының жапсарсыз оралуы нәтижесінде түзіледі. Графен қабатының оралу қабілетіне байланысты үш түрлі цилиндрлік КНТ ажыратуға болады: ахиральді «кресло» типті (әрбір алты бұрыштың екі жағы нанотүтіктер осіне перпендикуляр орналасқан) және ахиралды «зигзаг» типті (әрбір алтыбұрыштың екі жағы нанотүтікше осіне параллель орналасқан) және хиральді (спираль тәрізді алтыбұрыштың жақтарының нанотүтікше осіне 0 немесе 90”-тан өзге бұрышпен орналасуы). Олардың айырмашылығын 1.32-суреттен көруге болады.
Достарыңызбен бөлісу: | 
