Түсінік хат «Өзін –өзі тану» пәнін оқыту «Адамның үйлесімді дамыту» институты (Алматы, «Бөбек» ҰҒпббсо) дайындаған, Қр білім және ғылым министрінің 2013 жылғы



бет1/8
Дата09.10.2019
өлшемі0,6 Mb.
#49483
  1   2   3   4   5   6   7   8
Байланысты:
1-11сын өзін-өзі тану күнт жоспар-1-1-1-1
1-11сын өзін-өзі тану күнт жоспар-1-1-1-1, -1300208270
Түсінік хат

«Өзін –өзі тану» пәнін оқыту «Адамның үйлесімді дамыту» институты (Алматы, «Бөбек» ҰҒПББСО) дайындаған,

ҚР Білім және ғылым министрінің 2013 жылғы 3сәуірдегі №115 бұйрығымен бекітілген орта білім беретін мектептерге арналған оқу бағдарламалары бойынша жүзеге асырылады.

Ө 29 Өзін- өзі тану: Жалпы білім беретін мектептің 3-сыныпқа арналған оқулық / А.С.Сейтақов, Р.О.Ізғұттынова, Ж.Б. Қажығалиева, Ж.Ж .Әкімбаева / 2 бас.өңд.-Алматы: «Бөбек» ҰҒПББСО ,2015 -152б.

Өзін-өзі тану пәнінің базалық білім беру мазмұны оқушылардың жас ерекшеліктерін есепке ала отырып,

3- сыныпта төрт негізгі бөлімді қамтиды:

Өзін-өзі тану бақыты

Адами қарым-қатынасқа үйренейік

Адам болам десеңіз...

Әсемдік әлемінде.

«Өзін-өзі тану бақыты» атты бірінші тарау оқушыларды өзін-өзі тану пәнімен таныстырады. Мұнда балаларды мектепке өзгеше бейімдеуге бағытталған сабақтар қарастырылады. Олар жаңа оқушы мәртебесін ұғынады, сыныптастарымен, мұғалімдермен, жалпы мектеппен танысады. Өзінің сыртқы келбетіне дұрыс қарауға, өзін-өзі түсінуге, өз мінезі, өздері орындап жүрген әлеуметтік рөлдер туралы ойлануға, өз эмоцияларын түйсінуге және оны басқара алу білігіне дағдылануға мүмкіндік алады. Балалардың қызықты танымдық материалдар арқылы адамгершілік құндылықтарды қабылдауы осы міндеттерді табысты орындауға ықпал етеді.

Баланың жаңа әлеуметтік рөлі, яғни мектеп оқушысы болуы – іс-әрекеттің (оқудың) жаңа түрін түбегейлі игерумен ғана емес, сондай-ақ қатынастың барлық жүйесінің, баланың қызығушылықтары, құндылықтары, өмір салттарының өзгеруімен де байланысты. Осы жастағы балалар негізінен түрі мен мазмұны тартымды ойын түрлері арқылы білім алады. Осыған байланысты оқытудың ойын әдісін кеңінен қолдану, жағдаятты, шығармашылық іс-әрекеттерді ұғынуға түрлі тапсырмалар беру, коммуникативтік, іс-әрекеттік оқытуда пікірталас элементтерін пайдалану қажет.

Балалардың алған білімдері қарым-қатынас жасау кезінде бір-біріне қамқорлық жасап, көңіл бөлудің қажеттілігін түсінуге мүмкіндік береді. Қалыптасқан дағдылар мектеп өмірі үдерісінде мейірімділік, сезімталдық, тілектестік, ынтымақтастық дағдыларына төселуге ықпал ететін болады. Мектеп ұжымында орныққан ізгі қарым-қатынас жеке тұлғаның алдағы уақытта, яғни есейген шақта жағымды қасиеттерін дамытуға септігін тигізетіні осы тарау сабақтарының тағы бір маңыздылығы болып табылады.

Бағдарламаның «Адами қарым-қатынасқа үйренейік» атты екінші тарауында коммуникативтік біліктер мен дағдыларды (өзін және басқаларды тыңдау, түсіну, дұрыс бағалай білу, жанашырлық таныту, өзара ынтымақтастық біліктері); құрбыларымен тең құқықты, өзара жақсы қарым-қатынас құра білу білігін; өзінің эмоциялық күйін түсіну, өз сезімдерін білдіре алу және басқалардың сезімін тани білу біліктерін, тұлға аралық шиеленістерді шешу дағдыларын игеруді және әлеуметтік белсенділіктерін дамытуға ерекше көңіл бөлінеді.

«Адами қарым-қатынасқа үйренейік» атты тарау сабақтары балалар ұжымында ешкімнің ренжімеуіне және назардан тыс қалмауы үшін жағымды орта құруды қарастырады. Ол оқушылардың мінез-құлқындағы жағымды қырлары, яғни айналасындағыларға және бір-біріне деген құрметті, эмоциялық жылылық пен өзара түсіністікті психологиялық нұсқау арқылы оңтайлы ұйымдастыруға бағытталған. Әдістемелік тәсілдер шиеленістерді болдырмаудың жолдарын бірлесіп іздеуге және пайда болған шиеленісті жағдайлардан шығудың лайықты тәсілдерін табуды анықтауға бағытталған. Оқушыларды басқалардың келеңсіз мінез-құлықтарына орай әдепті әрекет етуге, балалардың кешіре білу білігін қалыптастыруға және оны дамытуға, кішіпейілділік, тектілік, төзімділік көрсете білуге шыдамдылықпен үйретуге негізделген.

Оқыту үдерісінде баланың адамдар арасындағы қарым-қатынас этикасы ережелерін меңгеруі маңызды болып табылады. Бұл үшін оларды қарым-қатынас білігін, ынтымақтастық пен ұжымшылдық рухын дамытуға, басқалардың сезімін түсінуге, топпен қарым-қатынас жасауға және өзара әрекеттестікке, басқа балалармен достасуға, жетістіктері мен сәтсіздіктерін бөлісуге, өз мінез-құлқын бақылап, оны саналы түрде басқаруға, түрлі өмірлік жағдаяттарда батыл және өзіне сенімді болуға үйрету керек. Балаларды жаттығуларға, ойындарға, шығармашылыққа, экспериментке, іс-әрекетке практикалық кірістірудің түрлі формалары жас жеткіншекті тәрбиелеу нормаларына тартуға, өзіне, айналасындағыларға, құрбыластарына және үлкен адамдарға қатынасында эмоционалдық-мотивациялық нұсқаулар қалыптастыруға, коммуникативтік және әлеуметтік дағдылар, біліктер және қарым-қатынас тәжірибелерін дамытуға, қоғамдағы дұрыс мінез-құлық және жеке даралық дамыту үшін қажетті мүмкіндіктер туғызу қажет.

Осы тарау сабақтарында алған өзара адами қарым-қатынастың сыпайы тәсілдері, құралдары мен әдістері туралы білім балаларға қатынас жасау өнері жөнінде түсінік береді. Олардың жақын адамдарына, сыныптастарына, таныстарына мейірлі болып, шынайы сезімге тәрбиеленуіне мүмкіндік туғызады. Бұл сабақтар балаларды әңгімелесушінің эмоционалдық күйін түсінуге, өз ойлары мен сезімдерін дұрыс жеткізе білуге, жақсы қатынасты бағалай білуге және айналасындағы адамдармен қарым-қатынаста қуанышқа бөлене алуына, оларға қамқорлық көрсетуге және шамасына қарай көмек көрсетуге үйретеді.

«Адам болам десеңіз...» атты үшінші тарау баланың жас ерекшелігіне қарай олардың психологиялық дамуын, яғни өспелі мінез-құлықты түйсінуін, әсерленгіштікті, сезімнің қарқынды дамуын, жалпы эмоционалдық тонусын (шаттық, сергектік), жігерлілік сапаларын ескере отырып жасалған. Тарауда баланың адамгершіліктік құндылықтық бағдарларды қабылдау дағдыларын дамытуға септігін тигізетін материалдар бар. Осы арқылы оқушылар мейірімділік, борыш, адалдық, ұят, намыс, батылдық сияқты және т.б. адамгершілік ұғымдармен танысады. Баланың қайырымдылық, достық, ұстамдылық, мақсаткерлік, батылдық, өз-өзін құрметтеу, абырой, көңіл күйге ортақтаса білу, басқа адамдарға, жан-жануарларға, табиғатқа қамқорлық көрсетуін дамытуға ықпал ететін адамгершілік қасиеттерін қалыптастыруға айырықша көңіл бөлінеді. Бағдарлама мазмұнында өзінің және басқалардың қылықтарын жинақтап қорыту, салыстыру, талдау, оның этикалық мәнін көре білу және бағалау қарастырылған.

Оқытудың мазмұны мен әдістері балалардың сезімталдығын, елгезектігін, өзін-өзі құрметтеуін, өз қадір-қасиетін сезінуін, эмпатиялық сезімін көрсетуін тәрбиелеу үшін жағдай жасауға бағытталған. Білім үдерісі баланың өз ұстанымына, оның өмірлік тәжірибесіне құрылуы қажет, сондықтан да оқушыларға оқу мен тәрбие үдерісінде берілетін ақпарат баланың жай назар аударуына ғана емес, оны эмоционалды түрде бастан кешіретіндей болуы тиіс. Онда балаларды өмірлік жағдаяттарды адамгершілік амалдармен шешуге үйрететін негіздегі тәжірибені қолдану қажет.

Тарауды оқытуда этикалық әңгімені жетекші әдіс ретінде қолдану мақсатқа сәйкес болады. Адамгершілік көрініс беретін оқиғаларды талқылау үдерісінде мұғалімнің балалар бойында жағымды эмоциялар оятуы, өз қадір-қасиетін сезінуін дамытуы қажет. Этикалық әңгіме мазмұны балалар әр түрлі іс-әрекеттерге байланысты туындайтын қоғамдық құбылыстарды бағдарлай алатындай, өз мінез-құлықтарын сезінетіндей, өз қылықтарының адамгершілік нәтижелерін алдын ала болжай алатындай болуы керек. Адамгершілік тәрбиенің ұтымды тәсілі мен құралы арнайы құрылған танымдық міндеттер болып табылады. Оларды шешу барысында кіші жастағы оқушылар қылықтарын қарастыруды, жағдаяттарды талдауды, оларға өздерінің жеке қатынасын білдіруде өздеріне таныс адамгершілік ұғымдарды қолданады. Адамдардың қылықтары мен әдеттері туралы алынған мәліметтер кіші жастағы оқушыларға мінез-құлықтың әлеуметтік мәні бар жағымды мотивтерін орнықтыруға, өз бойындағы жақсы үлгілерді жетілдіру тілектерін дамытуға ықпал етеді. Білім мен тәрбиенің қаланған негіздері баланың бойында өз қылықтары үшін жауапкершілік сезімін және өзіне қатысты талап қоя білуді орнықтыруға көмектеседі, жеке тұлғаның басты келбетін дамытуға көмектесетін өзін-өзі дұрыс бағалауды қалыптастыруға мүмкіндік береді.

«Әсемдік әлемінде» атты төртінші тараудың мазмұны кіші жастағы оқушылардың бойында қоршаған ортамен ізгі қарым-қатынас тәжірибесін қалыптастыруға бағытталады. Балалардың табиғатқа эстетикалық қатынасын қалыптастыру және денсаулықтарын нығайту мақсатында экологиялық, шығармашылық іс-әрекеттер ұйымдастырылады. Сабақтың эмоционалдық тартымды болуы кіші жастағы оқушылар үшін іс-шаралардың: танымдық, сюжетті-рөлдік ойындар, мерекелер, табиғи материалдармен практикалық жұмыстар, жобалық іс-әрекеттер, топтық саяхаттар, осы жастағылар үшін шамасы келетін табиғатты қорғау іс-әрекеттерін қолдану сияқты түрлері қамтамасыз етіледі.

«Әсемдік әлемінде» атты тараудың құрылымы этикалық, эстетикалық, валеологиялық, құқықтық білімдер арасындағы байланысты орнықтыруға жағдай жасайды. Тарау мазмұнына енгізілген осы білімдердің құрамдастары мағыналық жағынан ізгіліктік адамгершілік құндылықтармен байланысады. Өмір және салауаттылық құндылықтарын ашуға арналған сабақтарда оқушылар әрбір адамның өмір сүруге, өз денсаулығын қорғауға, баланың тіршілік етуге құқығын және өздерінің денсаулықтарына мемлекеттің ерекше қамқорлығын сезініп, басқа адамның өмір сүру құқығын әркімнің сыйлауға міндетті екенін ұғынады, экологиялық мәселелермен танысады.



Төменде осы айтылған мазмұнға сәйкес құрастырылған «Өзін-өзі тану» пәні бойынша бастауыш мектептің әрбір сыныбына арналған тақырыптық жоспар ұсынылады.
Өзін-өзі тану 1 сынып

Барлығы 33 сағат. Аптасына 1 сағат




Бөлім тақырыбы

Жалпы сағат саны

Мемлекеттік стандарт


1

І ТАРАУ. «ҒАСЫРЛАР ДАНАЛЫҒЫ.»

8 сағат

«Өзін-өзі тану» пәні нені үйрететінін ұғыну; «Өзін-өзі тану» пәнін оқып-үйренуге қызығушылық. Әрбір атқан таңға, бейбіт күнге қуану, ризашылық білдіру; айналасындағы адамдардың бір-біріне қуаныш сыйлауы. Білім, еңбек құндылықтары, оқушы, оқу, білім туралы түсінік беру; ұстазбен өзара сыйластық қарым-қатынастарын дамыту, оқушы мәртебесі, жақсы оқушы болуға тәрбиелеу. Достары (балабақша, аула, ауыл, сынып), достық қарым-қатынастың өмірде алатын орны, достыққа негіз болатын адами қасиеттер туралы жалпы түсінік.

2

ІІ ТАРАУ. «ТАТУ ОТБАСЫ»

8 сағат

Үлкендермен амандасуға, бірі-бірімен сәлемдесуге үйрену, бір-біріне ізет, сый-құрмет көрсете білу. Әдептілік,сыпайылық, ізеттілік ұғымдарын түсіну, әдеп талаптарын орындай білу, ізетті, сыпайы, тәртіпті болуға үйрену. Бір-бірін түсіне білуге, тыңдауға үйрену, кешірімді болу, өзара сыйластық, өзара түсіністік пен татулықты бағалай білу. Білім, еңбек құндылықтары, оқушы, оқу, білім туралы түсінік беру; ұстазбен өзара сыйластық қарым-қатынастарын дамыту, оқушы мәртебесі, жақсы оқушы болуға тәрбиелеу. Дос, жақын, туыс адамдармен өзара сыйластық, адамдарға шын ниетпен құрмет көрсете білу.

3

ІІІ ТАРАУ. «АДАМ БОЛАМ ДЕСЕҢІЗ...»

10 сағат

Жақсы мен жаманды ажырата білу, жақсыны бойға сіңіру, жаманнан аулақ болу. Жақсылық жасауға үйрену, жақсылықты өнеге ету, жақсылықты риясыз жасау. Сүйіспеншілікті, қайырымдылықты, мейірімділікті сезіне білу, айналасындағы адамдарға деген ықыласы мен көмегі, адамдарды жақсы көру, қайырымды, мейірімді болу. Қамқорлық сезімдерін дамыту, адамға, табиғатқа, жан-жануарларға қамқорлық жасай білу. Шындық пен өтірікті айыра білу, шындықты айта білу, өтірік айтпау, шыншыл, турашыл болуға үйрену. Жауапкершілік ұғымның адамгершілік құндылығы ретіндегі маңыздылығын ашу; жауапкершілік туралы түсініктерін кеңейту, балалардың жауапкершілігін арттыру; өз сөзіне, ісіне жауапкершіліті сезіңдіру.Адам құндылығының маңызы. Адамгершілік қасиеттер туралы білімдерін кеңейту. Әр адамның ерекшелігін көрсететін табиғи дарыны, қабілеттері туралы түсінік беру. Өзін-өзі танудың өмір, қарым-қатынас, ата-ана, бауырмалдық және т.б. негізгі ұғымдарын меңгерту.

4

IV ТАРАУ. «ҚАНДАЙ ҒАЖАП ӘЛЕМ!»

7 сағат

Табиғаттың сұлулығы мен әсемдігін сезіне білу, табиғаттан үйлесімділік, жарасымдылық табу, әсемдікке, сұлулықққа талпыну. Табиғатқа қамқорлық жасау, аяушылық, жанашырлық таныту, күтіп-баптау, өсіп-өнуіне көмектесу. Денсаулықтың маңызын түсіну, денсаулық құпияларын білу, денсаулықты күту, бағалау, нығайту. Отанды сүю, құрметтеу, мақтан тұту, қызмет етуге үйрену. Туған өлкенің табиғаты, байлығын сақтауға, қамқор болуға баулу. 1-сыныпта «Өзін-өзі тану» пәнінен үйренгендерін жинақтап, қорыту.



1-сынып

(33 сағ., аптасына 1 сағ.)




Сабақтың тақырыбы

Сабақтың мазмұны

Сағат саны

Күні


Көрнекіліктер




І ТАРАУ. ҒАСЫРЛАР ДАНАЛЫҒЫ (8сағ) І-тоқсан




1-2

Ақиқатты жолға алып,адалдықпен өмір бастаймыз!

Адалдық адамның маңызды қасиеті ретінде.Шындықты айту оңай,ал өтірік айту қиын.Қалжындапта өтірік айтуға болмайды.ақиқат –барлық адамдарды біріктіруші бастау.

2










3-4

Тәртіп пен парыз

«Тәртіп» және « парыз» ұғымдарының мағанас. Бес «Т» тәртіп,талап,тазалық, татулық.

2










5-6

Өзіңмен үйлесімді өмр сүру!

Ажданның даусын ұжданның даусын есту.Адамзаттың рухани қстаздары туралы. Зейінді шоғырландыру және басты нәрсеге назар аудару.

2










7-8

Сүйіспеншілік сый талап етпейді

Сүйіспеншілік маңызды жалпы –адамзаттық құндылық ретінде.Қызмет ету және әлем халықтарының ертегілері мен өсиет әңгімелеріндегі риясыз сүйіспеншілк.

2










II ТАРАУ. ЫНТЫМАҚТЫ ОТБАСЫ (8сағ) II-тоқсан




9-10

Менің үйім

Адам-отбасы мүшесі.Отбасындағы, ұжымдағы өзара қарым-қатынас.Ақпейілділік таныту.Ынтымақтастық,өзара көмек,құрмет.

2










11-12

Менің достарым

«Достық» ұғымы туралы түсінік.Адам өміріндегі достықтың мәні.Сыныптағы достық.Достықтың біріктіріктіруші бастауы.

2










13-14

Бір-бірімізге көмектесеміз

Отбасындағы және мектептегі өзара көмек,қолдау, кішіпейілділік жіне қайырымдылық. Адамның іс әрекетіне көмекке келуге ұмтылыс таныту.

2










15-16

Алғыс айту –игілік сыйлау!

Алыс алғыс айту адамның басты қасиеті.Отбасында , мектепте, қоғамда алғыс айта білу білігі.


2










III ТАРАУ. АДАМ БОЛАМ ДЕСЕҢІЗ… (10сағ) III-тоқсан




17-18

Жақсылық жолымен жүреміз

Жақсылық адамның қасиеті ретінде. Жақсы іс.

2










19-20

Қарым –қатынас әліппесі

Қарым-қатынас адамның өмір сүрудің қажетті шарты ретінде.Қоғамдық орындардағы тәртіп ережесі.Мінез-

құлық мәдениеті.Әдептілік тұлғаның басты қасиеті ретінде.Күнделікті өмірде әдептілік көрсету.



2










21-22

Көңіл күй шаттығы

Әлемді жағымды қабылдауға ұмтылу.Қуаныш өмірлік күштің бастауы ретінде.Оқудағы,еңбектегі,шығармашылықтағы жақсы көңіл күй.

2










23-24

Менің Отаным

Қазақстан-барша қазақстандықтардың Отаны.Кіші Отан.Туған үй,туған қала,ауыл.

2










25-26

Туған табиғат


Табиғат-біздің үйіміз.Табиғаттың сұлулығы .Табиғатқа ұқыпты қарау.

2










IV ТАРАУ. ӘСЕМДІК ӘЛЕМІНДЕ! (7сағ) IV-тоқсан
















27-28

Денсаулыққа апарар жол

Тәндік және рухани денсаулық. Жақсы ойлар біздің денсаулығымызды нығайтады.Жағымды ойлау білігі.Саламатты өмір салтының ережесі.

2










29-30

Әрдайым көмектес,

ешқашан зиян келтірме

Басқа адамдарға, жан-жануарларға табиғатқа жанашырлық, көңіл бөлу білігі.Қоғамдық меншікке ұқыпты қарау.

2










31-32

Жер –ортақ үйіміз

Ұлттар көп –адамзат біреу,жұлдыздар көп-аспан біреу.Әлем халықтарының мәдениетіндегі ортақтық.

1











33


Балалық шақ мейрамы

Өткен тақырптарды қортындылау.











Барлығы:33





Өзін-өзі тану 2сынып

Барлығы 34 сағат. Аптасына 1 сағат




Бөлім тақырыбы

Жалпы сағат саны

Мемлекеттік стандарт


1

І ТАРАУ. Ғасырлар даналығы


8 сағат

«Өзін-өзі тану» пәні нені үйрететінін ұғыну; «Өзін-өзі тану» пәнін оқып-үйренуге қызығушылық. Әрбір атқан таңға, бейбіт күнге қуану, ризашылық білдіру; айналасындағы адамдардың бір-біріне қуаныш сыйлауы. Білім, еңбек құндылықтары, оқушы, оқу, білім туралы түсінік беру; ұстазбен өзара сыйластық қарым-қатынастарын дамыту, оқушы мәртебесі, жақсы оқушы болуға тәрбиелеу. Достары (балабақша, аула, ауыл, сынып), достық қарым-қатынастың өмірде алатын орны, достыққа негіз болатын адами қасиеттер туралы жалпы түсінік.

2

ІІ ТАРАУ. Тату отбасы

8 сағат

Үлкендермен амандасуға, бірі-бірімен сәлемдесуге үйрену, бір-біріне ізет, сый-құрмет көрсете білу. Әдептілік,сыпайылық, ізеттілік ұғымдарын түсіну, әдеп талаптарын орындай білу, ізетті, сыпайы, тәртіпті болуға үйрену. Бір-бірін түсіне білуге, тыңдауға үйрену, кешірімді болу, өзара сыйластық, өзара түсіністік пен татулықты бағалай білу. Білім, еңбек құндылықтары, оқушы, оқу, білім туралы түсінік беру; ұстазбен өзара сыйластық қарым-қатынастарын дамыту, оқушы мәртебесі, жақсы оқушы болуға тәрбиелеу. Дос, жақын, туыс адамдармен өзара сыйластық, адамдарға шын ниетпен құрмет көрсете білу.

3

ІІІ ТАРАУ. АДАМ БОЛАМ ДЕСЕҢІЗ...

10 сағат

Жақсы мен жаманды ажырата білу, жақсыны бойға сіңіру, жаманнан аулақ болу. Жақсылық жасауға үйрену, жақсылықты өнеге ету, жақсылықты риясыз жасау. Сүйіспеншілікті, қайырымдылықты, мейірімділікті сезіне білу, айналасындағы адамдарға деген ықыласы мен көмегі, адамдарды жақсы көру, қайырымды, мейірімді болу. Қамқорлық сезімдерін дамыту, адамға, табиғатқа, жан-жануарларға қамқорлық жасай білу. Шындық пен өтірікті айыра білу, шындықты айта білу, өтірік айтпау, шыншыл, турашыл болуға үйрену. Жауапкершілік ұғымның адамгершілік құндылығы ретіндегі маңыздылығын ашу; жауапкершілік туралы түсініктерін кеңейту, балалардың жауапкершілігін арттыру; өз сөзіне, ісіне жауапкершіліті сезіңдіру.Адам құндылығының маңызы. Адамгершілік қасиеттер туралы білімдерін кеңейту. Әр адамның ерекшелігін көрсететін табиғи дарыны, қабілеттері туралы түсінік беру. Өзін-өзі танудың өмір, қарым-қатынас, ата-ана, бауырмалдық және т.б. негізгі ұғымдарын меңгерту.

4

IV ТАРАУ. Қандай ғажап бұл әлем!

8 сағат

Табиғаттың сұлулығы мен әсемдігін сезіне білу, табиғаттан үйлесімділік, жарасымдылық табу, әсемдікке, сұлулықққа талпыну. Табиғатқа қамқорлық жасау, аяушылық, жанашырлық таныту, күтіп-баптау, өсіп-өнуіне көмектесу. Денсаулықтың маңызын түсіну, денсаулық құпияларын білу, денсаулықты күту, бағалау, нығайту. Отанды сүю, құрметтеу, мақтан тұту, қызмет етуге үйрену. Туған өлкенің табиғаты, байлығын сақтауға, қамқор болуға баулу. 2-сыныпта «Өзін-өзі тану» пәнінен үйренгендерін жинақтап, қорыту.


2-СЫНЫП

(аптасына 1 сағат, барлығы 34 сағат)



Сабақтың тақырыбы

Сабақтың мазмұны

Сағат саны

Күні


Көрнекіліктер


І ТАРАУ. .Ғасырлар даналығы (8 сағ) І-тоқсан

1-2

Ұлы Абайдың даналығы

Жалпыадамзаттыққұндылықтар Абай ілімініңнегізіретінде.

2







3-4

ГХ.Андерсеннің дана ертегілері

Адам мінезі. Ізгілікті қасиеттер адамға өмірінде қалай көмектеседі.

2







5-6

Білім – өмір шырағы


Білім құндылығы. Өмір таным көзі ретінде. Оқудағы жауапкершілік. Ұстазтәлімгержәнедосретінде.

2







7-8

Мектеп – біздің ортақ үйіміз


Мектеп жәнемектептікдостыққұндылығытуралы. Мектеп мүлкіне мұқият қарау. Мінез-құлықережесінсақтау. Мұғалімге, тәрбиешіге құрмет.

2








ІІ ТАРАУ. Тату отбасы (8 сағ) ІІ-тоқсан

9-10

Өзіңді жақсылық пен таразыла

Отбасындағы жақсы өзара қарым-қатынас. Адамшылық, қайырымдылық, түсіну, өзара көмек.

2







11-12

Адам жақсы ісі мен көрікті

Отбасындаөзмінез-құлқыңдыбасқару. Өзін-өзі адамгершілікті кемелдендіру. Жақсы мінез-құлық ережесі. Адам мәдениеті.

2







13-14

Адал және ақкөңіл болу

Адалдық адамның құндылықты қасиеті ретінде. Жағымды ойлау.

2







15-16

Салауатты отбасы

Денсаулық құндылығы. Отбасындағы белсенді және салауатты өмір салты.

2








ІІІ ТАРАУ. АДАМ БОЛАМ ДЕСЕҢІЗ... (10 сағ) ІІІ-тоқсан

17-18

Өзіңді және басқаларды құрметтеуді үйренеміз

Адамның коммуникативтік мәдениеті. Жағымды қарым-қатынас адамдарды түсіну мен құрмет көрсету ретінде. Адамның адамгершілігі. Адамдарға ықыласпен қарау.

2







19-20

Кешіребілудіүйренеміз


Кешіре білудің мәні. Шыдамдылық. Жағымды ойлауды дамыту.

2







21-22

Досболудыүйренеміз

Достықтағы жағымды қарым-қатынас. Достықта қажетті қасиеттер. Сыныптағы достық.

2







23-24

Жақсы көруді үйренеміз

Риясыз сүйіспеншілік. Өмірдегі риясыз сүйіспеншіліктің мысалдары

2







25-26

Біз өсіп жатқан өлке

Отанға адалдық. Біздің еліміздің тарихына қызығушылық және ұқыпты қатынас. Біздің еліміздің бүгінгі күніне моральдық жауапкершілік. Туған өлкенің әсемдігі.

2







IV ТАРАУ. Қандай ғажап бұл әлем! (8 сағ) IV-тоқсан

27-28

Туған өлкенің табиғатын сақтауды үйренеміз

Табиғат және адам. Тірітабиғатты танудың бастаулары. Табиғат шабыт, шығармашылық қиял, жарқын қиялдың бастауы ретінде.

2







29-30

Біз өмір сүріп жатқан ел

Атамекен. Халықтар бірлігі. Түрлі ұлт адамдарының достығы еліміздің мызғымастығы мен беріктігінің негізі ретінде. Қазақ халқының, Қазақстанда тұратын өзге ұлт өкілдерінің күнделікті өмірі мен мейрамдары.

2







31-32

Әсемдік әлемінде

Жалпыадамзаттық құндылықтар өмірлік бағдар ретінде. Шығармашылық сабақтары.

2







33-34

Балалық шақ мейрамы


Өткенді жалпылау.

2







Барлығы:34



Өзін-өзі тану 3 сынып

Барлығы 34 сағат. Аптасына 1 сағат




Бөлім тақырыбы

Жалпы сағат саны

Мемлекеттік стандарт


1

І ТАРАУ. ӨЗІН-ӨЗІ ТАНУ БАҚЫТЫ

8 сағат

Рухани-адамгершілік құнды-лықтар негізінде 2-сыныпта өзін-өзі тану сабақтарынан алған білім-біліктерді жинақтап қорытындылау. 3-сыныпта меңгеретін құндылықтар мен адамгершілік қасиеттер туралы жалпы түсінік. Өзін, өзгелерді, адамгершілік құндылықтарды танып білуге қызығушылығын ояту. «Өмір»ұғымының адамгершілік құндылық ретіндегі мәні. Өмірді тану, өмірді танып білуге қызығушылықтар. «Білім» құндылығы туралы түсінік. Білімнің адам өміріндегі маңыздылығы; білімге, оқуға қызығушылық. «Еңбек» құндылығы мен еңбексүйгіштік адами қасиеттері туралы түсінік. Сүйікті іс туралы түсінік; еңбек ету іскерліктері. Жақсы ниетпен армандай білуге баулу. Қиял, арман туралы түсінік. «Даналық» құндылығы туралы түсінік. Даналық, ақылдылық туралы ұғымдар; ойлау іскерліктері; ата-баба даналығы. «Достық», «бірлік», «халық» құндылықтары туралы түсінік. Халықтар достығы, жарастығы, бірлігі туралы түсініктері; өзара сыйластық қарым-қатынастары. «Отан», «махаббат» құндылықтары туралы түсінік. Отанға деген махаббат, сүйіспеншілік сезімдері; Отанын сүю, мақтан тұту, құрметтеу.

2

ІІ ТАРАУ.АДАМИ ҚАРЫМ-ҚАТЫНАСҚА ҮЙРЕНЕЙІК

8 сағат

«Махаббат», «сыйластық» құндылықтары туралы түсінік. Өзіңді, өзгені аялаудың адам өміріндегі маңыздылығы; өзіне, өзгелерге аялы, сыйлы қарым-қатынастар.

3

ІІІ ТАРАУ. АДАМ БОЛАМ ДЕСЕҢІЗ...

10 сағат

«Мейірімділік», «қайырымдылық» құндылықтары туралы түсінік. Жақсы тілек, ізеттілік, ізгілік туралы түсініктер, қайырымды қарым-қатынас жасау іскерліктері. Әдептілік, сыпайылық адами қасиеттер туралы түсініктер. Ұқыптылық, жинақылық туралы түсінік; Өнер» ұғымыныңқұндылық ретіндегі мәнін ашу. Өнердің адам өміріндегі маңыздылығы.

4

IV ТАРАУ. ӘСЕМДІК ӘЛЕМІНДЕ

8 сағат

«Табиғат», «қамқорлық» құндылықтары туралы түсініктер. Табиғат пен адам үйлесімділігі, оның адам өміріндегі маңыздылығы; табиғатқа қамқор бола білу іскерліктері. «Отан», «туған жер» құндылықтары туралы түсініктер. Туған ел, туған жердің адам өміріндегі маңыздылығы; туған жерге қамқорлық жасай білу іскерліктері.


3-сынып

(34 сағ., аптасына 1 сағ.)




Сабақ тақырыбы

Сабақтың мазмұны

Сағат саны

Күні


Көрнекіліктер





І ТАРАУ. ӨЗІН-ӨЗІ ТАНУ БАҚЫТЫ (8 сағ) І-тоқсан

1

Өзін-өзі тану белестері

Рухани-адамгершілік құнды-лықтар негізінде 2-сыныпта өзін-өзі тану сабақтарынан алған білім-біліктерді жинақтап қорытындылау. 3-сыныпта меңгеретін құндылықтар мен адамгершілік қасиеттер туралы жалпы түсінік. Өзін, өзгелерді, адамгершілік құндылықтарды танып білуге қызығушылығын ояту.

1







2

Өмірді танып білуге құштар-лық

«Өмір»ұғымының адамгершілік құндылық ретіндегі мәні. Өмірдітану, өмірді танып білуге қызығушылықтар.

1







3

Білім ақиқат бастауы

«Білім» құндылығы туралы түсінік. Білімнің адам өміріндегі маңыздылығы; білімге, оқуға қызығушылық.

1







4

Менің сүйікті ісім

«Еңбек» құндылығы мен еңбексүйгіштік адами қасиеттері туралы түсінік. Сүйікті іс туралы түсінік; еңбек ету іскерліктері.

1







5

Қиял арманға жетелейді

Жақсы ниетпен армандай білуге баулу. Қиял, арман туралы түсінік.

1







6

Бабалар сөзі – даналық көзі

«Даналық» құндылығы туралы түсінік. Даналық, ақылдылық туралы ұғымдар; ойлау іскерліктері; ата-баба даналығы.

1







7

Бірлігі жарасқан халықпыз

«Достық», «бірлік», «халық» құндылықтары туралы түсінік. Халықтар достығы, жарастығы, бірлігі туралы түсініктері; өзара сыйластық қарым-қатынастары.

1







8

Отан сүйген ұланбыз

«Отан», «махаббат» құндылықтары туралы түсінік. Отанға деген махаббат, сүйіспеншілік сезімдері; Отанын сүю, мақтан тұту, құрметтеу.

1










ІІ ТАРАУ. АДАМИ ҚАРЫМ-ҚАТЫНАСҚА ҮЙРЕНЕЙІК (8 сағ) ІІ-тоқсан

9

Ризашылық пен алғыс

«Сыйластық» құндылығы туралы түсінік. Ризашылық пен алғыс туралы түсінік; үлкен-кішіге деген сүйіспеншілік, сыпайылық қарым-қатынасы.

1







10

Өзіңді де, өзгені де аяла

«Махаббат», «сыйластық» құндылықтары туралы түсінік. Өзіңді, өзгені аялаудың адам өміріндегі маңыздылығы; өзіне, өзгелерге аялы, сыйлы қарым-қатынастар.

1







11

Шаңырақ жарастығы

«Сыйластық», «махаббат» құндылықтары туралы түсінік. Шаңырақ жарастығы, сыйластығы туралы түсінік.

1







12

Сіз деген – әдеп, біз деген – көмек

«Сыйластық», «қамқорлық» құндылықтары туралы түсінік. Өзара сыйластық қарым-қатынасының адам өміріндегі мәні.

1







13

Ойнай білу де – өнер

«Сыйластық», «достық» құндылықтары туралы түсінік. Шыдамдылық, сабырлылық, ақылдылық адами қасиеттердің өмірдегі маңыздылығы.

1







14

Ұл бала мен қыз бала

«Сыйластық»,«достық» құндылықтары туралы түсінік. Ұл бала мен қыз бала арасындағы сыйластық туралы түсінік.

1







15-16

Дос болайық, бәріміз

«Достық» құндылығы туралы түсінік. Татулық пен достықтың адам өміріндегі маңыздылығы; өзара көмек, жолдастық, сыйластық қарым-қатынастары.

2







ІІІ ТАРАУ. АДАМ БОЛАМ ДЕСЕҢІЗ... (10 сағ) ІІІ-тоқсан

17

Жылы жүрек – жақсы тілек

«Мейірімділік», «қайырымдылық» құндылықтары туралы түсінік. Жақсы тілек, ізеттілік, ізгілік туралы түсініктер, қайырымды қарым-қатынас жасау іскерліктері.

1







18-19

Ұқыпты бала- әдепті бала

Әдептілік, сыпайылық адами қасиеттер туралы түсініктер. Ұқыптылық, жинақылық туралы түсінік;

2







20-21

Өнерлі бала сүйкімді

«Өнер» ұғымыныңқұндылық ретіндегі мәнін ашу. Өнердің адам өміріндегі маңыздылығы.

2







22

Ақыл жастан, асыл тастан

«Даналық» құндылығы туралы түсінік. Ақылдың адам өміріндегі маңыздылығы.

1







23

Еңбектің наны тәтті

«Еңбек» құндылығы туралы түсінік. Еңбектің адам өміріндегі маңыздылығы.

1







24

Мақтану – мақтаншақтық емес

Кішіпейілділік, қарапайымдылық сияқты адами қасиеттер туралы түсінік. Мақтану, мақтау, мақтаншақ болмау туралы қасиеттер; жағымды, жағымсыз қылықтарды ажырата білу іскерліктері.

1







25

Мейірімділік – асыл қасиет

«Мейірімділік», «қайырымды-лық» құндылықтарытуралы түсініктер. Мейірімділіктің адам өміріндегі маңыздылығы; өзара сыйластық қарым-қатынастары.

1







26

Жаным толған жақсылық

«Жақсылық», «махаббат» құндылықтары туралы түсініктер. Жақсылық пен махаббаттың адам өміріндегі маңыздылығы; жақсылық жасай білу іскерліктері.

1







IV ТАРАУ. ӘСЕМДІК ӘЛЕМІНДЕ (8 сағ) IV-тоқсан


27-28

Туған жер ғажаптары

«Отан», «туған жер» құндылықтары туралы түсініктер. Туған ел, туған жердің адам өміріндегі маңыздылығы; туған жерге қамқорлық жасай білу іскерліктері.

2







29-30

Табиғат сыйы

«Табиғат» құндылығы туралы түсінік. Табиғат пен адам үйлесімділігі.

2





31

Жаны саудың тәні сау

«Табиғат», «қамқорлық» құндылықтары туралы түсініктер. Табиғат пен адам үйлесімділігі, оның адам өміріндегі маңыздылығы; табиғатқа қамқор бола білу іскерліктері.

1







32

Денсаулық – зор байлық

«Денсаулық» құндылығы туралы түсінік. Денсаулық пен жан саулығының адам өміріндегі маңызы; денсаулығын сақтай білу іскерліктері.

1







33-34

Өзін-өзі танудан үйренгенім

Рухани-адамгершілік құндылықтар, адами қасиеттер туралы түсініктер. «Өзін-өзі тану» пәнінен 3-сынып бойынша алған білімдерін жинақтау.

2






Барлығы:34



Өзін-өзі тану 4 сынып

Барлығы 34 сағат. Аптасына 1 сағат




Бөлім тақырыбы

Жалпы сағат саны

Мемлекеттік стандарт


1

І ТАРАУ. ӨЗІН-ӨЗІ ТАНУ БАҚЫТЫ

8 сағат

Рухани-адамгершілік құнды-лықтар негізінде 3-сыныпта өзін-өзі тану сабақтарынан алған білім-біліктерді жинақтап қорытындылау. 4-сыныпта меңгеретін құндылықтар мен адамгершілік қасиеттер туралы жалпы түсінік. Өзін, өзгелерді, адамгершілік құндылықтарды танып білуге қызығушылығын ояту.

2

ІІ ТАРАУ.АДАМИ ҚАРЫМ-ҚАТЫНАСҚА ҮЙРЕНЕЙІК

8 сағат

«Достық» құндылығы және «татулық», «кешірімділік» адами қасиеттері туралы түсінік. Кешірімділік, татулық, бірліктің адами қарым-қатынастағы маңыздылығы; шынайы достық қарым-қатынастар жасау іскерліктері.

3

ІІІ ТАРАУ. АДАМ БОЛАМ ДЕСЕҢІЗ...

10 сағат

«Білім», «өнер» құндылықтары туралы түсінік. Талаптанудың адам өміріндегі маңыздылығы.

«Бірлік» құндылығы және «көпшілдік» адами қасиет туралы түсінік. «Көпшілдік», «өзімшілдік» ұғымдары туралы түсінік; өзара сыйластық қарым-қатынастары.



4

IV ТАРАУ. ӘСЕМДІК ӘЛЕМІНДЕ

8 сағат

«Табиғат» құндылығы және «қамқорлық» адами қасиеті туралы түсінік. Табиғаттың адам өміріндегі маңыздылығы; табиғатқа қамқорлық жасау түсінігі.


Достарыңызбен бөлісу:
  1   2   3   4   5   6   7   8




©engime.org 2024
әкімшілігінің қараңыз

    Басты бет