4-кезең «Мақтаралдың» ардақты азаматтары «Мақтаралдың» ардақты азаматтарының ауданымызға сіңірген еңбектері жайлы айту
1.Ұлтай Ділдәбекова Ұлтай Ділдәбекова 1929 жылы Оңтүстік Казақстан облысының Арыс ауданындағы "Қызыл таң" ауылында дүниеге келді.
1930 жылы отбасымен "Мақтаралға" қоныс аударып келген сәттен өмірінің соңына дейін осы шаруашылықтың өмірімен біте қайнасып өтті. Төртінші бесжылдықтың соңғы жылының тапсырмасынан үш есе көп "ақ алтын" жинаған орасан зор табысы үшін 1948 жылғы 27 мамырда КСРО Жоғарғы Кеңесі Төралқасының Жарлығымен Ұлтай Ділдәбековаға Социалистік Еңбек Ері құрметті атағы берілді.
1940-1959 жылдары "Мақтарал" мақта шаруашылығында еңбек етті. 1960-1964 жылдары халық депутаттары Ильич поселкелік Кеңесі атқару комитеті төрағасының орынбасары, 1965 жылдан атқару комитетінің төрайымы болды. 1964 жылы Өзбек КСР Министрлер Кеңесі жанындағы кеңес қызметкерлерінің біліктілігін арттыру жөніндегі республикалық курста оқып, 1968 жылдан халық депутаттары Мақтарал ауылдық Кеңесі атқару комитетін басқарды.
