3.Мамық Тоқжігітов Мырзашөлдің даңқты азаматтарының бірі - Мамық Тоқжігітов.
Ол 1897 жылы Иіржар болысының N4 ауылында туған. 1930 жылдан бастап "Мақтарал" мақта шаруашылығының қазіргі Н.Есентаев атындағы бөлімшесінің сушысы, одан кейін мақта бригадасының жетекшісі болып еңбек етті.
1942-1943 жылдары Ұлы Отан соғысына қатысты. 1944 жылы майданнан оралып, сушы болды. 1945 жылыбригадирлік жұмысын жалғастырды.
Мақтаны күтіп-баптаудың әдістерін жетілдіруге үнемі баса назар аударып отырған. Бірнеше медальдарды иеленді. 1956 жылы мақта өнімділігін 46 центнерге жеткізді.
КСРО Жоғарғы Кеңесі Төрағасының Жарлығымен Мамық Тоқжігітовке Социалистік Еңбек Ері құрметті атағы берілді.
Ол 1975 жылы қайтыс болды.
