у = f(к). k шамасы неғүрлым жоғары болса, у көрсеткіші соғұрлым үлкен болады (12.2-сурет).
12.2-сурет. Жинақтар, инвестициялар және капиталдың қорлануы
Ескерту. Ордината осінде бір жұмысшыға келетін өндіріс көлемі, жинақтар мен инвестициялар, ал абсцисса осінде капиталмен қарулану шамасы көрсетілген. Жинақ пен инвестиция қисықтарының Е қиылысу нүктесіне капиталмен қаруланудың түрақты деңгейі k* сәйкес келеді. Бұл жерде бір жүмысшыға келетін өндіріс көлемі оның түрақты деңгейіне у* сәйкес келеді.
Суреттегі у = f(к) өндірістік функциясы жан басына шаққандағы шығарылым көлемін сипаттайды. Өндірістік функция қисығының көлбеулігі капиталдың шекті өнімділігімен (МРk) түсіндіріледі, яғни кемімелі өнімділік заңына сәйкес, бір жұмысшыға келетін капиталдың мөлшері өскен кезде оның шекті өнімділігі төмендей береді, сондықтан да у = f(к) қисығы капиталдың қорлануы өскен сайын жатыңқырақ қисыққа айнала береді.
Жинақтың немесе нақты инвестициялардың қисығы і=sу формуласы негізінде құрылады, яғни у k-ның функциясы бол-ғандықтан, ол былай жазылады:
