Нәрсе кескініне жарық түсірсек не болады? Нәрсенің жазық айнадағы кескініне жарық түсірейік, сонда жарық кескінінің жарқырауының кұшейетінін байқаймыз. Неге бұлай? Расында да, нәрсе кескіні тұрған орында нақты зат болған емес ғой! Соңда кескін қалайша жарқырайды? Мұның мәнін 10-суретті пайдаланып түсіндірейік.
10-сурет
10, а) - суретте жазық айнадағы А нәрсенің А1 кескіні көрсетілген. Еңді Ф жарық көзінен нәрсе кескініне бағытталған жазық айна бетіне жарық шоғын түсірейік. Сонда жарық шоғы айна бетінен шағылып нәрсе бетіне түседі де оның бетін бұрынғыдан күштірек жарқыратады. Ал, күшті жарқыраған А денесінің айнадағы А1 кескінінің де жарқырауы артады.
