| 3. Заттық үстел бетіне препаратты орнату. Бұл әрекетті жасаудан бұрын препаратты жарыққа тосып, жай көзбен қарап шығу керек. Мұның арқасында, біріншіден, жабынды әйнектің және оның астындағы кесіндінің заттық әйнектің қай жағында орналасқаны көрінеді. Сонан соң, бетіндегі ластануларды, иммерсиялық майдың қалдықтарын көріп, оларды ксилолмен кетіруге болады. Екіншіден, көзбен мұндай шолу препараттың қандай тіннен, мүшеден жасалғанын болжауға (сезінуге) мүмкіндік береді. Қорытынды сабақтар мен емтихан алдында, көптеген препараттарды бірден талдау қайталанғанда, бұл әдісті қолданудың маңызы зор. Препаратты орнату үшін жасалатын әректтер.
А) макрометр бұрандасын өзіңізге қарай бұрап, кішкене объективті қауіпсіз, яғни заттық әйнекті орнатқанда тигізіп алмайтындай аралыққа заттық үстел бетінен 2 – 3 см жоғары көтеріңіз (2-5 сурет, А);
Б) препаратты заттық үстел бетіне жабынды әйнегін жоғарыға қаратып орнатыңыз. Оны қырынан ұстап, зерттелетін объектті заттық үстел тесігінің нақ ортасына, сәуле шоғырының жолына тосып, орныққанша ақырын жылжытыңыз;
В) орнатылған препаратты заттық үстел бетіне екі арнайы қыстырғышпен бекітіңіз.
Достарыңызбен бөлісу: |
