Оқытудағы инновациялық технология – білім берудің жаңа сапасымен қамтамасыз етудің кепілі
жүктеу/скачать 27,72 Mb.
|
- Бұл бет үшін навигация:
- ЖАҢА ТЕХНОЛОГИЯЛАР – САПАЛЫ БІЛІМ НЕГІЗІ Куатова Ш.У., Жусупова Ә.Б.
| Пайдаланылған әдебиеттер
Бейсенбаева А.А. Теория и практика гуманизации школьного образования. Монография. –Алматы: Ғылым, 1998. -225 с. Тұрғынбаева Б.А. Біліктілікті арттыру жүйесінде мұғалімдердің шығармашылығын дамыту //Білім берудегі менеджмент, 2004. -№3. Шамова Т.И. Активизация учения школьников. – М.: Педагогика, 1982. – 208 с. Аничкин С.А. Творчество и диалектика. –М.: Наука, 1995. -175 с. ЖАҢА ТЕХНОЛОГИЯЛАР – САПАЛЫ БІЛІМ НЕГІЗІ Куатова Ш.У., Жусупова Ә.Б. (Ақтөбе) Жаңа технологияны меңгеру мұғалімнің интеллектуалдық, кәсіптік, адамгершілік, рухани азаматтық және басқа да көптеген адами келбетінің қалыптасуына игі әсерін тигізеді, өзін - өзі дамытып, оқу – тәрбие үрдісін тіиімді ұйымдастыруына көмектеседі. Білім беру технологияларын оқу тәрбие үрдісіне енгізу, интерактивтік әдістерді кеңінен қолдану оқушылар білімін, біліктілігін арттыру және практикалық жұмыс жүргізу мүмкіндігін калыптастырудың бірден - бір жолы. Ол арқылы білім сапасын арттыруға қол жеткізуге болады. XXI ғасыр табалдырығын аттаған адамзат дамуының жаңа кезеңі - білім беру прогрестің ең маңызды факторларының бірі болып саналатын кезеңге жетті. Қазіргі заманда мұғалімдер инновациялық және интерактивтік әдістемелерін сабақ барысында пайдалана отырып сабақтың сапалы әрі қызықты өтуіне ықпалын тигізуде. Мұғалімнің біліктілігін көтеру мен шығармашылық педагогикалық әрекетін ұйымдастыруда қазіргі педагогикалық технологияларды меңгеудің маңызы өте зор. «Инновация» ұғымына ғалымдардың көбі оған әр түрлі анықтамалар берген. Мысалы: Э.Роджерс «Инновация – нақтылы бір адамға жаңа болып табылатын идея». Сонымен, «инновация» ұғымы педагогикалық сөздік қорына ежелден енген термин. Кейбір ғалымдардың еңбектерінде «жаңа», «жаңалық енгіз» деп көрсетілсе, кейбіреулер оны өзгеріс деген терминмен анықтайды. Жаңа педагогикалық технологиялар оқушылардың шығармашылық қабілеттерін арттыруға өз үлесін қосады. Мектептердегі оқыту процесінің басты мақсаттарының бірі оқушыларға ғылыми негіздерін білім жиынтығын берумен қатар, білім жүйелерін жетілдіру болып табылады. Оқытудың жаңа технологияларын қолдану арқылы білім алу сапасын жақсартудың жолын тауып ,жан-жақты дамыған шығармашыл,әлеуметтік бәсекеге қабілетті, ортаға бейімделген кәсіби біліктілігі жоғары тұлға тәрбиелеу мәселесін шешуге болады. Педагогикалық технологиялар мақсатқа талпыну, мақсатқа бағытталу сияқты сапаларымен сипатталады. Соның әсерінен олар белгілі бір мақсаттарға қызмет атқарады. Ал мақсатқа қол жеткізу әрекеттерінің көпнұсқалылығы оларды икемді ете түседі. «Технология» дегеніміз – қандай да болсын істегі, шеберліктегі, өнердегі амалдардың, педагогикалық технология - педогогикалық мақсатқа қол жетудегі колданылатын барлык қисынды ілім амалдары мен әдістемелік қүралдардың жүйелі жиынтығы»,-деп түсіндіреді В.Кларин. Мұғалім сабақта әдіс – тәсілдерді пайдалана отырып, балалардың ұсыныс - пікірлерін еркін айтқызып, ойларын ұштауға және өздеріне деген сенімін арттыруға мүмкіндік туғызып отыру қажет. Жаңа педагогикалық технологияларды қолдану оқытушының шеберлігі мен қабілетіне де сын. Сонымен қатар әрбір педагогикалық технологияның өзіндік әдіс-тәсілдері бар. Осы әдіс-тәсілдер мен ерекшеліктерді оқытушы өзінің ізденісі арқылы оқушылардың қабылдау деңгейі мен қабілетіне сәйкес іріктеп алады. Инновациялық оқыту дегеніміз – оқушылардың мүмкіндігі мен шамасына қарай мәселенің байыбына барып, керектісін алып, қажетті жолдарын қабылдау, оған сын көзбен қарай отырып, шығармашылық тұрғыдан ойлауға үйрету. Шығармашылық ойлау іс – әрекеттегі жаңа технологиямен жұмыс істеу үшін төмендегідей алғы шарттар қажет: - оқу үрдісін интенсивтендіруді жаппай қолға алу - пәндік білім стандартымен жете танысу - білімді деңгейлеп беру технологиясын игеру т.б. Кейбір технологияларға тоқталсақ оқушылардың таным белсенділігін, ойлау қабілетін арттыру үшін сын тұрғысынан ойлау технологиясының маңызы зор. Бұл технологияда төмендегідей қағидаларды беріп ұстанамыз: оқушы мен оқытушы арасында тепе – теңдік жағдай оқытушы мен оқытушы арасында сыйластық, өзара көмектесу, түсінісу оқытушы пікірін құрметтеу, өз пікірін білдіруге жетелеу оқытушылардың ойлау, талдау, іздену қабілетінің арттыру т.б. Дамыған елдердегі білім беру жүйесінде ерекше маңызды болып табылатын мәселенің бірі оқытуды ақпараттандыру, яғни оқу үрдісінде ақпараттық технологияларды пайдалану болып табылады. Бүгінгі басты бағыттың бірі – білім беру үрдісін ақпараттандыру. Адамдарға ақпараттар кеңістігінде дұрыс бағытты таңдауға мүмкіндік жасау. Қазіргі ақпараттанудың өзіне тән ерекшелігі білім беру кеңістігіне белсенді түрде кіру, ақпараттық өнімнің жаңа тәсілдерімен құралдарын оқу үрдісінің заңдылықтарына сәйкес қолдану. Көптеген оқу орындарында мультимедия орталық құрылған. Бұл орталықта электронды оқу құралдарын және басқада оқу құралдарын жасауда маңызы өте зор. Білім беруді ақпараттандыруда тағы бір басты мақсаттың бірі оқушылардың интернет жүйесінде жұмыс істей білуіне жағдай жасау. Ал, интернет жүйесінде жұмыс жасау оқушылармызға әлемдік білім кеңістігіне еркін ену, ғылымдағы жаңалықтармен, жетістіктермен хабардар болу оны игеруге шексіз мүмкіндіктер ашу. Пән бойынша электронды оқулықтар, тірек – сызбалар, интернет жүйесі, видео сабақтар, интерактивті тақтаны пайдалану,слайдтар т.б. жинақталуда. Жаңа педагогикалық технологияны меңгерген әрбір мұғалім өз сабағын нәтижелі даму жағынан көрсете алады. Мұғалім алғаш жаңа технологияларын оқып үйренеді, екіншіден меңгереді, үшіншіден, жаңа педагогикалық технологияларды тәжірибеде қолданады, төртіншіден оны дамытып нәтижесін тексереді. Оқылатын пән мазмұны, мұғалім мен оқушының өзара байланыс іс-әрекеті, оқушының ішкі даму үрдісін негізінде анықталатын нақты мақсат қана педагогикалық технология дербестікке, ізденімпаздыққа, шығармашылыққа тәрбиелейді, жүзеге асыратын жаңартылған педагогикалық технологияны меңгертуде үлкен бетбұрыс жасалған. Оқу – тәрбие үрдісінде оқытудың инновациялық әдіс – тәсілдерін қолданып оқушыны жеке тұлға тұрғысынан қарастыратын болсақ, оқытудың сапалы болатындығы, яғни, оқушылардың пәнге деген жауапкершілігі, қызығуы, өз бетімен жұмыс істеу ынтасы, оқушының ізденушілік – шығармашылық зерттеушілік қабілеттері артады. Демек, әрбір жаңашыл педагог оқу үрдісінде түрлі инновациялық және интерактивтік әдістемелерді пайдалана білсе, сабақ сапасының жақсаратындығы сөзсіз. Еліміздің болашағы бүгінгі жас ұрпақтардың білім деңгейімен өлшенеді. Сондықтан жалпы білім беретін мектептерде инновацияның түрлі тәсілдерін, педагогикалық білімдерін үнемі жетілдіре отырып, дер кезінде қабылдап, өңдеп, нәтижелі пайдалана білу әрбір ұстаздың төл міндеті болуы керек. Қазіргі білім беру саласындағы оқытудың озық технологияларын меңгермейінше салауатты, жан-жақты, білікті маман болу мүмкін емес. Білімнің жаңа парадигмасы оқушының дайын білім, икем және дағдыларды меңгеруінен гөрі олардың тыңдау, жинақтау, логикалық ойлау қабілеттерін, өз бетімен танымдық іскерлікке ұмтылуын дамытуға бағыттауға негізделген . Педагогикалық технологияларды қолдануда жаңа оқыту құралдарымен, қазіргі ақпараттармен, сапалы мамандар даярлаумен, жоғары-техникалық базамен байланыстырғанда ғана жоғары нәтижеге жетуге болады. Мектеп қоғамдық өмірдің қайнар бұлағы десек, мұғалім - сол қайнар бұлақтың жанды жүрегі. Демек, басқа мамандықтағы қызметкерлерге қарағанда, мұғалімнің өз білімі мен жұмыс істеу әдістемесін жиі жаңартуына тура келеді. Сондықтан ол ұстаздық әрекетті орындаудың әдіс-тәсілдерімен ғана емес, әдістемесімен де толық қарулана білу тиіс. Осы орайда біз қызмет атқаратын №31 орта мектепте балаларға тек білім беріп ғана қоймай, олардың жаңа қалыптасып келе жатқан ой санасының жоғары рухта байыта білуге, ойы алғыр, қиялы ұшқыр оқушы тәрбиелей білуге ерекше мән беріледі. Бұл өмір талабы. Бұл міндетті жүзеге асыру үшін мұғалім ең алдымен өз пәнін, өзі сабақ беретін ғылымды, оның негізін, оның қазіргі жағдайдағы күйі мен дамуындағы басты кезеңдерін, басқа ғылыммен байланысын, өмірдегі орны мен байланысын жете меңгеруі керек. Білім беру мазмұны жаңаша құрылған ұлттық мектептің кеңге жайып дамуы сол мектептің оқу-тәрбие жұмысын жандандырар мұғалімдерге байланысты. Қорыта келгенде әлемнің білім беру деңгейінен орын алу үшін білім беру, оқыту, тәрбиелеу бағытын инновациялық технологиялармен жетілдіру, пәндердің материалдық базасын нығайту, өзіндік жұмыстың орындалуын қадағалау және бағалау, өзара тәжірибе алмасу маңызды. жүктеу/скачать 27,72 Mb. Достарыңызбен бөлісу:
|