| 13.3 Қаржылық жағдайды талдау
Профессор Н.А Русак бұл ұғымды былайша анықтайды: «Кәсіпорынның қаржылық жағдайы қаржы ресурстарын жасау, тарату және пайдаланумен сипатталады. Кәсіпорынның қаржылық жағдайы кәсіпорынның қалыпты өндірістік, коммерциялық және басқа да қызмет түрлері үшін қажетгі қаржы ресурстармен "қамтамасыз етілуімен және оларды мақсатқа сай, тиімді тарату және пайдаланумен, сондай-ақ басқа шаруа-шылық субъектілерімен қаржылық қарым-қатынаста болу, төлеу қабілеттілігі және қаржьшық ұрақтылықпен сипатталады. Кәсіпорынның уақтылы төлеу мүмкіндігі оның қаржылық жағдайының жақсылығын көрсетеді".
В.М. Радионова мен М.А. Федотова кәсіпорыннын қаржылық жағдайы "қаржы ресурстарының қалаптасуымен, таратылуы және пайдалануымен көрсетіледі" деп жазады.
М. Н. Крейнина, А.И. Ковалев және В.П. Привалов қаржылық жағдай ұғымын былайша түсіндіреді: "Қаржылық жағдай - бұл қаржы ресурстарының қолда барын, үлестіріліп таратылуы және пайдалануын сипаттайтын көрсеткіштер жиынтығы".
Баланс мәліметі негізінде сыртқы қолданушылар әріптес болатын шаруашылық жүргізуші субъектілермен жүргізген қызметінің мақсаттары мен шарттары туралы шешімдерді қабылдай алады. Баланстың маңыздылығы соншалықты арнайы әдебиеттерде қаржылық жағдайды талдау баланс талдауы деп атайды, және оның маңызды міндеттеріне келесіні жатқызуға болады:
баланс өтімділігін талдау;
капитал тиімділігін бағалау;
субъектінің іскерлік (шаруашылық) белсенділігің дәрежесін бағалау;
субъектінің төлемқабілеттілігін және нарықтағы тұрақтылығын бағалау.
Достарыңызбен бөлісу: | 
