Тарау15 Банк қызметінің қаржылық бақылауы мен аудиті

Аудиторлық қызметтің бір түрі болып банк аудиті табылады. ҚР «Банктер және банк қызметтері туралы» Заңына сәйкес коммерциялық банктердің қаржылық қызметі ҚР ҰБ-нің несиелік ұйымдардың бақылауы мен аудитін жүргізуге лицензиясы бар аудиторлық фирмамен (өз бетінше жұмыс істейтін аудитормен) жыл сайын аудиторлық тексеруден өтуі тиіс.

Аудиторлық тексеру жүргізудің міндеттері болып табылады, негізінен: аудиторлық тексеру барысында аудиторлық фирма (аудитор) қарастырады:

1. несиелік ұйымның жасайтын операцияларының ҚР ҰБ нормативтік актілері мен заңнамаға сәйкес болуын;

2. несиелік ұйымның жасайтын операциялары бойынша бухгалтерлік есеп пен есеп берудің жағдайын;

3. ҚР ҰБ бекітілген экономикалық нормативтердің орындалуын;

4. несиелік ұйымды басқару сапасы, соның ішінде ішкі бақылаудың жағдайы:

- несиелік ұйымның жасайтын операцияларының көлемдері мен түрлерін басқару құрылымының адекваттылығы (басқару органдарының шешім қабылдауға қатысу, басқарушылар арасында міндеттердің бөлінуі, құрылымдық бөлімшелер мен қызмет лауазымының нұсқаулары туралы ережелердің болуы);

- несиелік саясат пен несиелік қатерлерді басқару сапасын бағалау (несиелік комитеттің болуы; несиелік өтінішті қарастыру процедурасы; несие алушы туралы жеткілікті және қажетті ақпараттың болуы; ссуданың қамтамасыз етілуі, кепілдік міндеттемелердің дұрыс құрастырылуы; несиелердің уақытылы қайтарылуын бақылау, соның ішінде инсайдерлер және несиелік ұйымның қызметкерлерімен; ссудалардың мерзімін ұзартудың дәлелділігі; исктік жұмыстың қойылуы және жүргізілуі; ссудалар бойынша мүмкін айыруларға байланысты резервтердің толық түрде құрылуы);

- бағалы қағаз нарығында мамандырылған қызмет түрлері бойынша ішкі есеп пен есеп берудің жағдайы;

- бағалы қағаз нарығында несиелік ұйымның жасайтын операциялары кезіндегі қатерлерді басқару, бағалы қағаздардың құнсыздануына байланысты резервтің толық түрде құрылуы;

- бухгалтерлік есепте барлық операциялардың көрініс табуына және дәлелді есеп беруді дайындауға бақылауды ұйымдастыру; тексерулер мен ревизияларды жүргізу бойынша жұмыстарды ұйымдастыру; филиалдардың қызметіне бақылауды ұйымдастыру;

5. алдыңғы аудиторлық тексерудің ұсынымдарды орындау.