Байланысты: ЗЕРТХАНАЛЫҚ САБАҚТАРДЫҢ ОҚУ МАТЕРИАЛДАРЫ (1) (1)
1. Күкірт (IV) оксидін алу. Колбаға 2-3 қасық натрий сульфитін салыңдар. Тамшылатқыш воронкаға концентрлі күкірт қышқылын құйыңдар. Не себептен тәжірибеге құрғақ тұз бен концентрлі қышқыл алынады? Бөлінген газды қандай әдіспен жинау керек? Колбаға тамшылатып күкірт қышқылын құйыңдар. Бөлінген газды стақанға (немесе цилиндрге) және екі үлкен кең сынауыққа жинаңдар. Стақанды шынымен, сынауықтарды тығынмен жабыңдар. 50-100 мл суға қаныққанша күкірт (IV) оксидін сіңіріңдер, ол үшін газ шығатын түтікті суы бар колбаға салыңдар; су реакция жүріп жатқан колбаға сорылып кетпеуі керек. Тәжірибенің соңында аздап қыздыруға болады. Күкірт (IV) оксиді бар стақанды, сынауықтарды келесі тәжірибеге сақтап қойыңдар. алғанда жүрген реакцияның теңдеуін жазыңдар. Күкірт (IV) оксидін натрийсульфитінен алу үшін тұз қышқылын немесе азот қышқылын алуға бола ма? Түсіндіріңдер.
