Мотивке деген осы көзқарас, тұлғаның тұрақты бітістері, адамның мінез-құлқын, іс-әрекетін сыртқы стимулдардың мөлшерінде міндеттейді деген батыс психологтарының үлесіне тиісті. Р.Мейли тұлғаның мотивациялық күйлеріне мазасыздануды, агрессивтілікті, талаптанулар деңгейі мен фрустрацияның төзімділігін жатқызады. Бұл көзқарасты К.К.Платонов, М.Ш.Магомед-Эминов, К.С.Мерлиндер де ұстанады. Алайда тұлғаның тұрақты күйлерін мотив ретінде қарастырғанмен ол мәселенің түйінін толығымен шеше алмайды, өйткені неге дәл осы мақсат таңдалынып алынды, деген сұраққа ғана жауап беруге болады.
