Зертханалық сабақтарға арналған әдістемелік ұсыныстары мен нұСҚаулықтары



бет1/3
Дата25.02.2018
өлшемі480,62 Kb.
#38244
  1   2   3

Әдістемелік ұсыныстар мен нұсқаулардың; әдістемелік ұсыныстардың; әдістемелік нұсқаулардың титул парағы






Нысан

ПМУ ҰС Н 7.18.3/40


Қазақстан Республикасының Білім және ғылым министрлігі

С. Торайғыров атындағы Павлодар мемлекеттік университеті


Биология және экология кафедрасы
Орман ботаникасы пәні бойынша

5В080700 – Орман ресурстары және орман шаруашылығы ісі мамандығының студенттеріне арналған




ЗЕРТХАНАЛЫҚ САБАҚТАРҒА АРНАЛҒАН
ӘДІСТЕМЕЛІК ҰСЫНЫСТАРЫ МЕН НҰСҚАУЛЫҚТАРЫ

Павлодар




Әдістемелік ұсыныстар мен нұсқауларды; әдістемелік ұсыныстарды; әдістемелік нұсқауларды бекіту парағы






Нысан

ПМУ ҰС Н 7.18.3/41






БЕКІТЕМІН

ОІ жөніндегі проректор

___________ Пфейфер Н.Э.

20__ж. «___»____________



Құрастырушы: _________ б.ғ.к., аға оқытушы Мадиева Қ.М.


Биология және экология кафедрасы

Орман ботаникасы пәні бойынша

5В080700 – Орман ресурстары және орман шаруашылығы ісі мамандығының студенттеріне арналған
әдістемелік ұсыныстар мен нұсқаулар

ЗЕРТХАНАЛЫҚ САБАҚТАРҒА АРНАЛҒАН

Кафедраның отырысында ұсынылды

20__ж. «___»______________,№__ хаттама

Кафедра меңгерушісі ______ Исимбеков Ж.М. 20__ж. «____» ________


Факультет оқу-әдістемелік кеңесімен құпталған 2010ж. «25» қараша № 3 хаттама
ОӘК төрағасы ___________ Бүркітбаева Ұ.Д. 20__ж. «_____»___________

КЕЛІСІЛГЕН

ХТжЖФ деканы ____________ Ахметов Қ.Қ. 20__ж. «_____»_____________

МАҚҰЛДАНДЫ:

ОҮЖжӘҚБ бастығы ___________ Варакута А.А. 20__ж. «_____»_______

Университеттің оқу-әдістемелік кеңесімен құпталған

20__ж. «___»______________ №____ хаттама


Кіріспе
Ботаника - өсімдіктер дүниесі тіршілік формаларының алуан түрлілігі, олардың құрлысы мен тіршілік процестеріндегі заңдылықтар туралы ғылым. Ол өз кезегінде бірқатар жекелеген ғылымдарға бөлінеді. Олардың міндеттеріне өсімдіктер мен өсімдіктер жабынының құрылысының және тіршілік жағдайының әртүрлі заңдылықтарын зерттеу жатады.

Өсімдіктердің морфологиясының мақсаты студенттерді ботаниканың қазіргі ғылыми жетістіктері мен жинақталған білімге жүгіне отырып өсімдіктердің құрылыстық ерекшеліктерімен, өсу және даму заңдылықтарымен таныстыру.

Студенттер өсімдік клеткалары мен ұлпаларының, тамыр және өркендер жүйесінің морфологиясы және анатомиясы сонымен қатар өсімдіктің генеративтік мүшелерінің құрылыстық ерекшеліктері туралы мәліметтер алып, өсімдіктердің морфологиялық эволюциясының басты бағыттарын, көбею мен ұрпақ жалғастырудың биологиялық негізін, олардың жастық және маусымдық өзгерістерін білуі қажет.

Пәнді терең меңгеру үшін дәрістік курста, зертханалық жаттығуларда және оқу-далалық тәжрибелерде, табиғи тірі өсімдіктерді, гербарий қорын, препараттарды, жоба суреттерді, слайдтарды, кестелерді үйлестіре дұрыс пайдалана білуі қажет.

Студенттер алған білімін және пайдаланылған әдебиеттерін өздерінің теориялық деңгейін одан әрі тереңдету үшін пайдалана білуі керек.

Ботаника ғылымы туралы жалпы түсінік. Зат алмасу типтері. Өсімдіктердің адамдар өміріндегі маңызы. Өсімдіктер әлемін қорғау. Ботаниканың дамуы. Өсімдік морфологиясының бағыттары мен тәсілдері. Өсімдіктердің морфологиялық эволюциясы және онтогенетикалық дамуы. Төменгі және жоғарғы сатыдағы өсімдіктер. Өсімдіктер морфологиясында қолданылатын жалпы биологиялық маңызы бар проблемаларды шешуге мүмкіндік беретін тәсілдер.

Пәнді оқу нәтижесінде студенттер мына білімді алуы керек: Өсімдіктің морфологиялық құрылысымен танысу; өсімдіктің анатомиялық құрылымын зерттеу тәсілін үйрену; өсімдіктің көбею түрлерін; өсімдіктер дүниесінің қазіргі классификациясын; өсімдіктің табиғаттағы және шаруашылықтағы маңызын айқындай білу; негізгі өсімдіктің тұқымдастарын, туысын және түрінің белгілерін айыра білу; негізгі өсімдіктер тұқымының өнімділігін болжауды үйрену.

Оқылған материалды анализдеу, ең негізгісін анықтау, салыстыра білу, зерттелген құрылыстың себебін анықтау, дұрыс қорытынды шығару; ғылыми және оқулықты әдебиеттермен жұмыс істей білу; зертханалық техниканы дұрыс пайдалану; өсімдіктерді қорғай білуі керек.



МИКРОСКОП

1-тақырып. Микроскоптың құрлысы. Уақытша препараттар жасап және оны микроскоппен көріп жаттығу.

Жұмыстың мақсаты: Микроскопты пайдалану тәртібін үйрену. Уақытша препараттар дайындау. Қаралаған объектілердің суретін салу әдістері.

Өсімдіктер анатомиясы мен морфологиясы бойынша жүргізілетін зертханалық сабақтар оптикалық аспап – микроскоптың құрылысымен, оның қарапайым және жетілдірілген түрлерімен танысу.


Уақытша препараттар жасағанда қарастырылатын объектіні, зат айнасының үстіне тамызған судың, немесе глицериннің, реактивтің, немесе бояғыш заттың ерітіндісінің үстіне салады да, бетін жабын айнасымен жабады. Мұндай препаратты бір айдан артық сақтауға болмайды. Ұзақ уақыттар бойы сақталатын препараттарды тұрақты препараттар деп атайды.

Кесіндіні ұстарамен жасайды. Ұстараның өткірлігі, онымен шаш алатындай болуы керек. Егер ұстара онша өткір болмаса, оны алдымен жұмсақ қайрақпен, содан соң қайыс белдікпен қайрау керек..

Кесінділер дайындау үшін ұсақ объектілерді бузинаның өзегінің жарықшағына, тығынға, картоптың түйнегінің немесе сәбіздің түбірінің жарықшағына қыстырады. Цилиндр тәрізді органдарын (сабақ, тамыр) ұш ба-ғытта кесуге болады: көлденеңінен, ұзынша радиалды, ұзынша тангентальды.

Объектіні сол қолдың үлкен және сұқ саусақтарының арасына қысады да, скальпельмен оның үстін тегістейді, содан соң ұстарамен өзіне қарай жұқалап, үлкен жылдамдықпен қиғаш кесінділер жасайды (егеп кесуге болмайды). Бұл жағдайда объектіні мүмкіндігінше тік, ал ұстараны горизонталь бағытта ұстау керек. Қолдың екеуіде барынша бос болу керек, олармен столға сүйенуге, немесе кеудеге қойып қысуға болмайды. Бірден бірнеше кесінді жасау керек. Ұстараны және объекті үнемі сулап отыру керек. Кесіндіні ұстарадан суға салынған жүмсақ кисточкамен алады да, оны кеуіп кетпес үшін суға салады.

Ұстарамен жұмыс істеген кезде мынадай ережелерді сақтау керек.

1. Ұстараны тек кесінді жасау үшін ғана пайдаланады.

2. Ұстараны уақытылы қайрап және түзетіп отырады.

3. Столдың үстіне ұстараны ашық қалдырмайды.

4. Ұстарадағы кесіндіні алғанда, оған қатты нәрсемен тиіп кетпеу керек.

5. Жұмыс аяқталған соң ұстараны жақсылап сүртіп қояды.



Уақытша препараттар жасағанда, жүмыстың (операцияның) мынадай жүйелілігін сақтау керек.

1. Зат айнасы мен жабын айнасын тазалап жуып, сүрту керек.

2. Зат айнасының бетіне сүйық нәрсе тамызады (суды, глицеринді, реактивтің немесе бояғыштың қоспасын).

3. Зерттейтін органның кесіндісін ұстарамен жасайды.

4. Ең жұқа кесіндіні таңдап алып, оны зат айнасының үстіндегі су тамшысының бетіне салады.

5. Кесіндіні жабын айнасымен жапқанда, оның астында ауа қалып қоймайтындай етеді. Ол үшін жабын айнасын қырынан екі саусақпен алады, астыңғы қырын сұйық тамшының шетіне тақап әкеледі де, біртіндеп түсіреді.

6. Егер сұйық көп болса, ол жабын айнасының астынан ағып шығады, мұндай артық сұйықты арнайы кесіп дайындаған сорғыш қағазбен сорғызып алады. Егер жабын айнасының астында ауамен толтырылған қуыс қалса, онда жабын айнасының шетіне сұйықты тамызып, қалған ауаны осы сұйықпен ығыстырады.

Сурет: микроскоппен препаратты көріп зерттеп, суретке салып алады. Сурет мүмкіндігінше жақсы салынған, детальдары айқын белгіленген болуы керек. Оған препаратта жоқ нәрселер түспеу керек. Көріністі беретін құрал ретінде, тек түзулерді және нүктелерді пайдаланады. Суретті жай қаламмен салады. Суреттің мөлшері, ондағы қажетті детальдардың барлығын салуға мүмкіндік беретіндей болуы керек.

Өсімдіктің микроскопиялық органдарының құрылысын зерттегенде, схема түрінде салынған суреттерге көп мән беріледі. Сурет істелген жұмыс жөніндегі есеп материал ғана емес, сонымен бірге ол зерттеудің тәсілі болып табылады. Суретке салу кезінді, препаратқа ерекше зер сала отырып қарап, оны жан-жақты зерттейді.


КЛЕТКА
2-тақырып. Өсімдіктер клеткасының құрылысы
Жұмыстың мақсаты: Пияздың баданасының етті қабыршағының эпидермисінің клеткасының құрылысы. Қажетті материалдар: пияздың баданасы, йодты калидегі йодтың ерітіндісі.

Препаратты дайындау үшін пинцетпен, немесе сапты инемен пияздың томпайған етті қабыршағынан эпидермисін сыдырып алады да, оны зат айнасының бетіне тамызған реактивтің үстіне сырт жағын жоғары қаратып жатқызады да, бетін жабын айнасымен жабады.

Объективтің кіші үлкейткішімен оның бір қабат клеткалардан тұратын жұқа бөлігін табады. Ондағы ядросы, цитоплазмасы айқын көрінетін клетканы, көру аясының ортасына келтіреді, содан соң объективті үлкен көрсеткішке ауыстырады да, объектіні зерттейді.

Препараттан клетканың түссіз қабықшалары көрінеді, олардан кейде қалыңдаған жерлерді-пораларды байқауға болады. Әрбір клетканың ішіндегі сары түйіршікті цитоплазмада, қоңырлау –сары түсті 1-2 ядоршығы бар ядро айқын байқалады. Жас клеткаларда ядро оның ортаңғы бөлігінде орналасады және қабықшаға қарай тарамдалған сілемдері бар цитоплазмамен қоршалып тұрады. Цитоплазманың сілемдерінің арасында вакуольдер орналасады, ал ортаңғы бөлігін үлкен вакуоль алып жатады.

Клетканың құрылысын зерттей отырып, олардың 1-2 ін суретке салып, детальдарын белгілейді.
ПЛАСТИДТТЕР
3-тақырып. Хлоропластар.
Жұмыстың мақсаты: Элодейдің жапырағының клеткаларындағы гиалоплазманың қозғалуы. Хлоропластар. Алғашқы крахмал. Қажетті материалдар: сабақтың басталуына 30 минут қалғанда үзіп алынған және Петри табақшасындағы 20-250 С температурадағы суға салынған элодейдің жапырағы, йодты калийдегі йодтың ерітіндісі.
Жұмыс барысы: Пинцетпен элодейдің жапырағын алады да, оны зат айнасының бетіне тамызылған судың бетіне салады, содан соң жабын айнасымен жабады. Объективтің үлкен үлкейткішімен жапырақтың түп жағын қарайды.Ортаңғы жүйкенің бойынан, гиалоплазмасы қабықшаның ұзына бойымен, қозғалып бара жатқан клетканы табады. Мұндай қозғалысты айнамалы қозғалыс деп атайды. Ол гиалоплазманың өзімен бірге хлоропластарды жылжытып ала кетуіне байланысты айқын көрінеді. Яғни, хлоропластардың өзінің қозғалуы өте баяу болады. Клетканың ядросын көрінбейді десе де болады. Тек кейбір жағдайларда, оларды хлорпластары аз болып келетін жапырақтың шетіндегі иректелген тістерінің клеткаларынан көруге болады. Хлоропластардың формасы линза тәрізді болып келеді. Клетканың ортасында вакуоль орналасады. Бір клетканы суретке салып, оның бөліктерін белгілейді және гиалоплазманың қозғалысының бағытын стрелкамен көрсетеді.

Хлоропластардан алғашқы крахмалды табу үшін, крахмалға реактив болып табылатын йодты калийдегі йодтың ерітіндісімен жапыраққа әсер етеді. Осыдан объективтің үлкен үлкейткішімен хлоропластардың ішінен алғашқы крахмалдың қара-көк түсті дәндерін табады. Бұл жағдайда гиалоплазманың клеткадағы қозғалысы тоқталады. Ішінде хлоропласты және алғашқы крахмалы бар клетканы суретке салып, олардың детальдарын белгілейді.


4-тақырып. Лейкопластар.
Жұмыстың мақсаты: традесканцияның жапырағының клеткасындағы лейкопластар. Қарайтын материалдар: Вергин традесканциясының (Тгаdescantia virginiса) немесе жасыл традесканцияның (Т. veridis) жаңа кесілген сабақтары.
Препарат жасау үшін традесканцияның сабағынан жапырақты үзіп алады да, оны сол қолдың сұқ саусағына, төменгі сия -көк түсті жағын сыртына қаратып орайды. Оң қолмен иненің көмегімен, ортаңғы жүйкенің үстіндегі эпидерманы жапырақтың түбіне жақын жерінен сыдырып алады, содан соң пинцетпен оның бір бөлігін зат айнасының үстіндегі су тамшысының бетіне, сырт жағын жоғары қаратып, жатқызады. Осыдан кейін барып жабын айнасымен оның - бетін жабады. Уақытша препарат дайьн болғаннан кейін, объективтің кіші үлкейткішімен оның шет жағынан жұқа участокті табады. Содан соң, ондағы алты бұрыш тәрізді болып келген, вакуольдеріндегі антоциан пигментінің болуына байланысты, ақшыл-сиякөк, немесе қызыл түске боялған, ұзынша клеткаларды қарастырады. Препаратты қолмен жылжыта отырып, ядросы жақсы көрінетін клетканы табады. Объективтің үлкен үлкейткішімен препараттан ядроны қоршаған, ұсақ, түссіз, шар тәрізді денешіктерді көруге болады. Бұлар лейкопластар. Кейде олардың көп болатындығы сонша, тіптен ядроны толығымен жауып қалады. Лейкопластар цитоплазманың қабықшаға жақын жатқан қабатында және оның ядроға қарай бағытталған сілемдерінде да болады. Олар микроскоптың диафрагмасы жабықтау болса ерекше жақсы көрінеді.
5-тақырып. Хромопласт.
Жұмыстың мақсаты: Піскен жемістердің жұмсак, етженді бөлігінің клеткаларындағы хромопластар Кажетті материал: итмұрынның, бұрыштың, шетеннің, ландыштың және баска өсімдіктердің жаңа терілген және фиксаторға салынған жемістері.
Піскен жемістің қабығын иненің ұшымен жыртады да, аздап оның жұмсақ етженді бөлігінен алып, зат айнасының бетіндегі судың тамшысының үстіне салады, содан соң оны жайлап езіп, бетін жабын айнасымен жабады. Осыдан кейін барып препараттан, объективтің кіші үлкейткішімен бос жатқан клеткалары бар участокті табады. Содан соң объективті үлкен үлкейткішімен ауыстырады да, объектті зерттейді. Мұндай клеткалардың формасы дөңгелек болып келеді. Олардың қабықшалары өте жұқа болады. Клеткалардың ішінде хромопласттардың шоғырлануы жақсы байқалады. Шетеннің жемісінде олардың формасы ұзынша созылған ұшы үшкірленген, аздап иілген болып келеді, ал итмүрынньщ және қызыл бұрыштың жемістерінде олар сопақтау, ландыштың жемісінің клеткаларында азды-көпті шар тәрізді
КЛЕТКАДАҒЫ ТУЫНДЫ ЗАТТАР
6-тақырып. Кальций оксилатының (СаС204) кристаллдары
Жұмыстың мақсаты: Клеткадағы туынды (эргастикалық) заттар және кристалдар. Қажетті материалдар: пияздың пиязшығының құрғак кабықшасының алдымен суда қайнатылған, содан соң глипериннің судағы ерітіндісінде 10-15 күндей үсталған кесіндісі; қымыздыктың немесе бегонияның жапырақгарының сағактары; қырлышөптің тамырсабағы; глицерин.
Пияздың пиязшығының құрғақ қабықшасынан, бегонияның немесе қымыздықтың жапырақтарының сағағының көлденең кесіндісінен, қырлышөптің тамырсабағынан препараттар дайындайды. Содан соң микроскоптың кіші үлкейткішімен кристалдары бар клеткаларды табады да, оларды қарастырады . 1-2 жекелеген таяқша тәрізді және крест тәрізді болып біріккен кристалдары (пияздың пиязшығының қүрғақ қабықшасынан), друздары (бегонияның немесе қымыздықтың жапырақтарының сағағынан), ине тәрізді кристалдардың жиынтығы-рафиттері (қырлышөп) бар клеткаларды тауып суретке салады. Осыдан кейін барып оларды белгілейді.
7-тақырып. Бидайдың дәнінің эндосперміндегі клеткалардың алейрон дәндері
Жұмыстың мақсаты: Қарайтын объектілер мен кажетті материалдар; алдын ала суда жібітілген жөне спиртте фиксацияланған бидайдың қатты сортының дәндері, йодты калийдегі йодтың ерітіндісі, глицерин.
Препарат жасау үшін зат айнасының бетіне йодты калийдегі йодтың ерітіндісінің бір тамшысын тамызады. Содан соң бидайдың дәнінен көлденең кесінділер жасайды да, кисточканың көмегімен немесе пинцетпен олардың 2-3-ін зат айнасының үстіне салып, бетін жабын айнасымен жабады.

Микроскоптың кіші үлкейткішімен кесіндінің жұқа бөлігін (участогін) тауып ондағы спермодерманың (түқым қауызы) астыңда орналасқан алейрон қабатының клеткаларынан тұратын алтындай сары жолақты табады. Содан соң микроскоптың үлкен үлкейткішімен тығыз болып орналасқан кубик формалы үсақ алейрон дәндерімен толтырылған алейрон қабатының клеткаларын көруге болады. Кейде клетканың ортасында ядросы байқалады. Дәннің тереңдеу орналасқан эндоспермінің клеткаларында крахмал дәндері көрінеді.

Алейрон қабатының бірнеше клеткаларын, құрғақ жеміс қабымен бірігіп кеткен спермодерманы және крахмал дәндері бар эндоспермнің клеткаларын суретке салып алады. Содан соң олардың детальдарын белгілейді.
8-тақырып. Корлық крахмал
Жұмыстың мақсаты: Картоп түйнегі, бидай, сұлы дәндері және егістік асбұршақтың тұқымдағы қор заттары. Сабаққа қажетті материалдар:. картоптың түйнегі, алдын ала суға жібітілген бидайдың, жүгерінің сүлының, күріштің, дәндері, гречиха немесе бірнеше өсімдіктсрдің түрлерінің крахмал дәндерінің қоспасынан алынған ұн.
Картоптың түйнегінің кішкентай бөлігін кесіп алып, оны зат айнасының бетіне сүйкейді де, үстінен пипеткамен бір тамшы су тамызады. Бүл жағдайда бүлінген клеткалардан крахмал дәндері суға жүзіп шығады.

Нәтижесінде судың үсті көмескіленеді. Осы тамшының бетін жабын айнасымен жабады да, алдымен микроскоптың кіші үлкейткішімен, содан соң үлкен үлкейткішімен қарастырады. Микроскоптың үлкен үлкейткішімен карағанда сопақтау және жұмыртқа тәрізді жылтыр, эксцентрлік қабаттары бар крахмал дәндері жақсы көрінеді. Крахмал дәндері қабаттарын қарастырғанда конденсордың диафрагмасын жауып, микромерлі винтті аздап бұрап айналдырады. Картоптың көптеген қарапайым крахмал дәндерінің арасынан, сиректеу болса күрделі және жартылай күрделі дәндерді кездестіруге болады. Бірнеше крахмал дәндерін суретке салып белгілейді.

Бидайдың крахмал дәндерін, бидайдың ұнынан препарат жасап көруге болады, әсіресе оларды бидайдың ісінген дәндерінің эндоспермінен алған жөн. Дәнді жарып кесіп, одан иненің ұшымен эндоспермнен алады да, зат айнасы-ның бетіндегі судың тамшысының бетіне салып, үстінен жабын айнасымен жабады. Содан соң препаратты микроскоптың үлкен үлкейткішімен қарастырады. Бүл жерде препараттан мөлшері екі түрлі болып келетін, сопақша және дөңгелек формалы крахмал дәндері көрінеді.

Үлкен крахмал дәндерінен көмескі концентрлі қабатгарды көруге болады, ұсақтарында мұндай қабаттар жоқ. Микроскоптың көру аясына бүлінген клетканың қалдығы түсуі мүмкін. Бидайдың бірнеше крахмал дәндерін суретке салып олардың мөлшерін картоптың ірі крахмал дәңдерімен салыстырады.

Жүгерінің крахмал дәндерінен препаратты дәл бидайдың крахмал дәндерінен жасағандай етіп дайындайды. Жүгерінің крахмал дәндері қарапайым, көп қырлы болып келеді. Алайда бұл қырлар тегіс болып келеді. Мүндай крахмал дәндерінің ортасыңда штрихтар, галочкалар немесе жүлдызшалар секілді жарықшақтары болады. Бірнеше крахмал дәндерін суретке салу керек.

Ең соңында бірнеше крахмал дәндерінің қоспасынан жасалған ұннан препарат жасап олардың қандай өсімдіктерге жататындығын анықтайды.


9-тақырып. Майкененің дәнінің эндоспермінің клеткаларындағы шыны майлар
Жұмыстың мақсаты: Қарайтын объектілер мен кажетті материалдар. Майкененің немесе күнбағыстың дәндері; судан III бояуы.
Дән арқылы кесінді жасап, оны зат айнасының үстіне тамызылған судан III бояуына салады да, бетін жабын айнасымен жабады. Содан кейін барып жабын айнасының үстінен сапты инемен байқап соққылайды немесе жайлап үстінен басады. Бұл кесілген клеткалардан май тамшыларын шығару үшін жасалады. Судан III бояуын шыны майы бойына оңай сіңіреді, нәтижесінде май тамшылары сарғыштау-қызыл түске боялады. Микроскоптың кіші үлкейткішімен препараттан кесінділер жұқа шетін табады, содан соң микроскоптың үлкен үлкейткішімен жекелеген клеткаларды қарастырады. Осы клеткалардан және оларды қоршаған ерітінділсрден боялған шыны май там-шыларын айқын көруге болады. Осы клеткалардың 1-2-ін суретке салып, детальдарын белгілейді.


Каталог: arm -> upload -> umk
umk -> Пән бойынша оқыту бағдарламасының (Syllabus) титулдық парағы
umk -> Методические указания по прохождению учебной практики для студентов специальности 5В020400 «Культурология»
umk -> Пән бойынша оқыту бағдарламасының (Syllabus) титулдық парағы
umk -> Әдістемелік ұсыныстар мен нұсқаулардың; әдістемелік ұсыныстардың; әдістемелік нұсқаулардың титул парағы
umk -> Бағдарламасының титулдық пму ұс н 18. 4/19 парағы (syllabus) Қазақстан Республикасының Білім және ғылым министрлігі
umk -> Бағдарламасы Нысан пму ұс н 18. 2/06 Қазақстан Республикасы білім және ғылым министрлігі
umk -> Программа Форма ф со пгу 18. 2/06 Қазақстан Республикасы білім және ғылым министрлігі
umk -> Пән бойынша оқыту бағдарламасының (Syllabus) титулдық парағы


Достарыңызбен бөлісу:
  1   2   3




©engime.org 2024
әкімшілігінің қараңыз

    Басты бет