Товуш ва ҳарф, унли ва ундош товушларни фарқлаш, ёзувдаги ифодасини ажратиш, нутқ товушларининг ҳосил бўлиши, босма ва ёзма ҳарфларни изоҳлай олиш, сўзнинг бўғинга бўлиниши, унлилар бўғин ҳосил қилиши, бўғин таркиби, сўзларни бўғинларга ажратиш, уларнинг бир сатрдан иккинчи сатрга кўчирилишини билиш, ўзбек тилидаги 29 та ҳарф, 26 та ҳарф ва 3 та ҳарф бирикмасини билиш.
Лексика
Сўзнинг аташ маъносини билиш, содда матнларда мавзуга оид сўзлардан тўғри фойдаланиш, мавзуга оид сўзлар ва муомала одоби бирикмаларини турли коммуникатив вазиятларда қўллаш.
Грамматика
Сўз таркиби: асос ва асосдош сўзлар, қўшимчалар, эгалик, келишик, шахс-сон қўшимчаларини фарқлай олиш;
морфология: сўз ва уни сўроқлар асосида маъносига кўра гуруҳлашни (шахс, нарса, белги, ҳаракат, миқдор билдирувчи сўзлар), сўз туркумлари элементларини билиш;
синтаксис: гап, гапда сўзларнинг боғланишини, гап бўлаклари (эга ва кесим), гапнинг ифода мақсадига кўра турлари (дарак, сўроқ, ундов)ни билиш, содда грамматик ва синтактик тузилмаларни нутқда тўғри қўллай олиш.
