Она тили фaнидaн Давлат таълим стандарти шу тил бўйича эгалланадиган нутқий фаолиятнинг асосий уч тури: ўқиш, гапириш ва ёзиш амаллари бўйича ҳар бир синфда тақозо этиладиган билим ва кўникмалар меъёрини белгилаб беради. Бунда ўқувчининг нотаниш матнни ифодали ўқий олиши, ўзгалар фикрини ва матн мазмунини англаш ҳамда уни оғзаки қайта баён қила олиш даражаси, фикрни мантиқий изчилликда ифодалай олиши, тилнинг ифода воситаларидан ўринли ва унумли фойдалана билиши, имловий саводхонлиги каби компетенсияларни эгаллаб бориш динамикаси назарда тутилади.
