Мактабим – қутлуғ маконим, китобим- офтобим (12 соат)

Ўқувчиларга мактаб муқаддас даргоҳ, китоб мўътабар эканлиги ҳақида амалий тушунчалар берилади. Уларга ўқитувчи устоз-мураббийлар эканлиги, у болаларга билим чашмаларини очувчи улуғ ва мўътабар инсон сифатида эъзозланиши, билим манбаи – китобни севиш, ардоқлаш, асраш ўқувчиларнинг бурчи эканлиги, китоблар уларга кўп воқеа-ҳодисалар ҳақида ҳикоя қилиши, шунинг учун ҳам улар катта бойлик деб таърифланиши ҳақидаги билимлар сингдирилади. Ўқувчиларга китоб ўқиш қоидаларига риоя қилиш эслатилади.