Алакөл – тартылыс орталығы. Жыл сайын бірегей тұзды көлге келетін туристер саны артып жатыр. Мәселен, биыл жаз маусымы басталғалы су қоймасының жағалауында миллионнан астам адам демалып қайтқан. Саяхатшыларды Алакөлдің таза суы ғана емес, сондай-ақ оның бірегей емдік қасиеттері қызықтырады.
Қазір аймақта инфрақұрылымды дамыту жұмыстары қарқын алған. Мемлекет басшысы «Алакөл – Қазақстанның туристері көптеп келетін жер болуы керек» деп айтқаны белгілі. Бүгінгі күні мұнда 200-ге жуық қонақ үй, санаторийлер, демалыс базалары бар. Алакөл аймағындағы басты артықшылық – көлікпен жету мүмкіндігі. 2020 жылға қарай автокөлік магистралінің құрылысын аяқтау жоспарланып отыр.
Қазіргі таңда да Алакөлде туризм саласы дамып жатыр. Ал енді сұрақ: Алакөлдің ары қарайғы болашағы ше? Оны дамытудың қандай жолдары бар?
