Қаратөбе аудандық білім беру бөлімі Аудандық әдістемелік кабинет

Хаттама № 2 7 ақпан 2012 жыл

Құрастырған: Қабиева.Ж.И. – Қаратөбе мектеп-гимназиясының технология пәнінің мұғалімі

Рецензенттер: Сагингалиев Б.– Қаратөбе аудандық әдістемелік кабинетінің эстетикалық пәндерінің әдіскері

Уалиденова А – Шөптікөл жалпы білім беретін мектебінің І санатты технология пәні мұғалімі

Қазіргі таңда жалпы білім беретін мектептерде оқу үрдісінің басты нысанасы да, назарда ұстаған негізгі мақсаты да оқушы қабілеті мен қызығушылығын ескеріп, жекелеген пәндер бойынша деңгейлік саралап оқытуды ұйымдастыру. Ал, технология пәні бойынша жаңа технологияларды, жаңа кәсіптерді меңгертуде үлкен жауапкершілік жүктеледі. Қазіргі қоғамда негізгі міндеттерді жоғары дәрежеде дамыған технология атқарады. Ақпараттандырылған технология талабы – жобалай білуге, шешім қабылдауға, шығармашылық жұмыстарды орындай білуге үйрету. Мектептегі жүргізілетін еңбек тәрбие жұмыстарының бір саласы өскелең жас ұрпақты халқымыздың қолөнеріне баулуға бағытталады. Оқушы барлық пән түрлерінен алған қорын, қабілеттілігін еңбек технологиясы арқылы іске асырады. Өнерге қанат қаққан шәкірттерді шеберлік шыңына жетелеп, дұрыс бағыт сілтеу, қолөнерге баулуда баланың білімін тереңдетуде, шығармашылығы, еңбекке қызығушылығы мен ой-өрісін кеңейтіп, талғам деңгейін жоғарылату барысында «Кішкентай аспазшы» үйірмесінің орны ерекше. Ең басты мақсат қазіргі оқушы, болашақ үй иесі, отбасы болатын адамға ас мәзірін, тамақтану мәдениетін үйрету. Әр халықтың тұрмыс тіршілігінен хабардар болып, этнографиялық салтына қарай дастарханның өзіне тән ерекшелігіне тоқталады. Тағамдардың адам ағзасына қажетті минералды заттармен таныса отырып, тағам әзірлеуде өз шығармашылығымен орындауға аспаздық қабілеттерін шыңдатады.

1. 
   Халық тәрбиесінің үлкен ықпалы мен пайдасы және ұлттар тәлімінің сыры мен ерекшелігі туралы мағлұмат беру.
   
2. 
   Оқушыны еңбек сүйгіштікке, халқының тарихын біліп, мәдени мұрасын қадірлеп, дәстүрін жалғастыра білуге тәрбиелеу, эстетикалық мәдениетін дамыту.
   
3. 
   Дастархан мәзірін дайындау, күнделікті өміріне пайдалана білу дағдыларын қалыптастыру арқылы кәсіби бағдар беру.
   

• 
  Аспаздық өнерінің тарихи-мәдени өзіндік ерекшеліктерінен мол мағлұмат алып, оны өз қажетіне жарата білуге;
  
• 
  Тағам дайындауда алған жан- жақты білімін өзінің күнделікті өміріне пайдалана білуге;
  
• 
  кәсіби бағдарын анықтауға жәрдемдесу;
  

Адам ағзасына дұрыс тамақтанудың маңызы мен дастархан басында отыру мәдениетін, сүт, ет, ұннан, көкөністерден тағам жасаудағы технологиясымен маңызын, әр ұлттардың аспаздық өнерінің өзіндік техникаларын қамтиды.

аспазшы, кондитер, дизайнер, даяшы, мейрамхана

менеджері мамандықтары

Ұйымдастыру формалары:

Дәріс, тәжірибелік жұмыстар

Тағамдар жәрмеңкесі,

Аспазшылар сайысы,

«Дастархан» рецептілер жинағы

Оқушыларды «Кішкентай аспазшы» курсымен таныстару.

• 
  Адам ағзасының дұрыс тамақтанудың маңызы.
  
• 
  Ас үйде жұмыс орынды тиімді ұйымдастыру;
  
• 
  Қазақ халқының аспаздық өнерінің өзіндік ерекшеліктері. Дастархан басында отыру мәдениеті, күндік мәзірді құру ережесі;
  
• 
  Дастарханды әзірлеу ережесі, сулықтарды бүктеу тәсілдері. Тағам дайындауда қауіпсіздік ережелері, жеке тазалықты сақтау. Ас ыдыстары мен құралдарының қолданылатын орындары;
  
• 
  Тағам дайындау кезінде азық түліктерді үнемдеу және тиімді жұмсау.Тағамдардың сапасының органолептикалық бағасы;