Жеңіспен оралды

Әрине, жеңістің оңайшылықпен келмейтіні белгілі. Ол үшін бір күндік емес, көп жылдық тәжірибе жинақтау қажет. Облыс чемпиондары күнде кешкі уақытта жаттығу жұмыстарын жасап, үнемі шынығып жүретіні оқушылар мен ұстаздарға мәлім. Бұл ретте Заңғар Тоқанұлының тәжірибелі маман екендігіне баса назар аударған жөн. Былтырғы жылғы түлек, армрестлингтен юниорлар арасында Азия чемпионы Нұрлан Байғазин де – Ашманов Заңғардың тәрбиеленушісі.

Жеңімпаздардың айтуы бойынша, бұл спорт түріне қызығушылықтары жоғары екен. «Спорт – мемлекеттің мәртебесін, ұлттың намысын айқындайтын көрсеткіш» деген Елбасының сөзі менің жадыма жатталып қалды. Біз, мемлекет мәртебесі мен ұлттық намысты қорғайтын жас өрендер, еркіндік пен өрлікке құштар рухымыздың асқақ болғанын қаласақ, салауатты өмір салтын ұстанғанымыз жөн деп ойлаймын. Өзім білім алатын гимназияда алға қойған мақсатымды жүзеге асыруға барлық жағдай жасалған. Менің мақсатым – чемпион атану», - дейді Әлібек Әли.

«Шынықсаң, шымыр боларсың» демекші, шынығу тек тәнді емес, жанды да шыңдайтынын ғалымдар дәлелдеген. Гимназия намысын қорғап, абыройын асқақтатқан жас спортшылардың алда тұрған республикалық кезеңдегі айтулы бәйгеден топ жаруына тілектеспіз.