Лекция Тақырыбы: Жеке қорғаныш құралдары

Қорғаныс құралдары қолданыс мақсатына қарай жеке бас қорғанысы мен сақтанудың санитарлық жəне кезекші қорғаныс құралдары болып бөлінеді. Жеке бас қорғанысы мен сақтану құралдары — бұл жұмысшыға қауіпті, əрі зиянды өндіріс факторларын жоюға немесе қажетті деңгейге дейін азайтуға арналған құралдар. Бұлар ұжымдық қорғаныс толық қауіпсіздікті қамтамасыз ете алмайтын, оларды қолдану техникалық яки экономикалық тұрғыдан мақсат-мүддеге сай емес не болмаса белгілі бір өзгеше жағдайда мүмкіндік жоқ (мысалы, тым үлкен ыдыстарда, құдықтарда, қазандықтарда жəне басқа) кезде қолданылады. Қызметкерлерге жеке бас қорғанысының қажеттілігі белгіленген ережеге сай жұмыс орындарындағы еңбек шартының ахуалын тексеріс нəтижесінің негізінде анықталады жəне типтік нормалар бойынша арнайы киім, аяқкиім жəне басқа да жеке бас қорғаныс құралдары сертификация мен декларациядан өткен жұмысшыларға белгіленген тəртіпке сəйкес тегін беріледі Жұмысшыларға берілетін жеке бас қорғаныс құралдары олардың жынысына, бойына, өлшеміне жəне олар істейтін жұмыстың түрі мен шартына сай болуы керек. Жұмысшылардың іс жүзінде қолдану тəжірибесін қажет ететін жеке бас қорғаныс құралдары берілгенде (респиратор, противогаз, қорғаныш белдіктері, масапана,каска жəне басқа) жұмыс беруші жұмысшыларға жеке бас қорғаныс құралдарын дұрыс қолдану, олардың жарамдылығын, бұзылмағандығын тексерудің қарапайым тəсілдерін үйретуді қамтамасыз етуге жəне тəжірибелік жаттығулар өткізуге тиіс. Жұмысшылар белгіленген тəртіп бойынша берілген жеке бас қорғаныс құралдарынсыз жəне жарамсыз, бұзылған жəне ластанған жеке бас қорғаныс құралдарынсыз жұмыс басына жіберілмейді. ГОСТ 12.4.011—89 «ССБТ. Жұмысшыларды қорғау құралдары. Жалпы талаптар мен классификация» құжатына сəйкес жеке бас қорғаныс құралдары төмендегідей түрлерге бөлінеді: ■ Арнайы киім (костюм, комбинезон, халат, шолақ тон, алжапқыш, пневмокостюм жəнебасқа); ■ Арнайы аяқ киім (етік, ботинка, туфли жəне басқа); ■ Тыныс алу мүшелерін қорғау құралдары (противогаз, респиратор); ■ Қол қорғау құралдары (қолғап,биялай); ■ Басты қорғау құралдары (каска, шлем, телпек); ■ Бетті қорғау құралдары (бет перде,қалқанша); ■ Көзді қорғау құралдары (көзəйнек); ■ Есту мүшелерін қорғау құралдары (шуға қарсы құлаққап, тығын); ■ Жоғарыдан құлаудан қорғайтын жəне басқа сақтандырғыш құралдар (қорғаныш белдіктері, ди¬электрикалық кілесшелер, тізеқаптар, шынтаққаптар, ма¬нипуляторлар жəне басқа); ■ Теріні қорғау құралдары (жуынатын паст, крем, мазь түрлері);