ӨРТ-бұл заттық құндылықтарды жоятын және адамдардың өміріне қауіп-қатер туғызатын жанудың бақылауға алынбайтын үрдісі.
Өртті сөндіруден гөрі, алдын алу анағұрлым жеңілдірек. Сондықтан барлық сақтық шараларын сақтау қажет.
Өткен жылғы статистиканың келтірсек, Қазақстан Республикасында 2014 жыл бойынша 15126 өрт болды, олардың материалдық салдары 3 млрд. 219 млн. теңге құрады. Отта 404 адам қаза болды, олардың 37 балалар, 619 адам ауырлығы әр түрлі дәрежедегі жарақат, күю және улану алған, олардың 71 балалар. Өртке қарсы қызмет қызметкерлері өрттерде 1417 адам құтқарған.
Ағымдағы жылғы 3 ай есебі бойынша Қазақстан Республикасында 2668 өрт тіркеліп, отта 106 адам қаза болды, олардың 10 балалар, құтқарылған адамдар саны 234 жетті. Материалдық шығын көлемі 7млн. 934 мың. 205тг. құрайды.
Статистика бойынша тұрғын үй мен пәтерлерде өрттің шығуына негізгі себептері:
тұрмыстық электр және газ аспаптарын пайдалану кезінде;
Егер өрт бір бөлмеде басталса, онда басқа бөлмелерге және саты алаңына тарап кетпеуі үшін есігін мықтап жауып қою керек.
Өртті өшіруге шамаңыз кемегендігін байқасаңыздар, ол жерден тезірек кетіңіздер.
Өрт кезінде лифтіні пайдалануға тыйым салынады, өйткені оны кез-келген уақытта тоқтатып қояды.
Егер өрт пәтерде шықса, ең қауіпсіз орын-балкон немесе терезенің алды. Балконның терезесін сақтықпен ашыңыз, кіріп келген таза ауадан жалын күшейіп кетуі мүмкін.
Өз бетіңізше шығу мүмкін болмаған жағдайда, көмек келгенге дейін сумен ылған ғандырылған қол орамалымен немесе киім жеңімен мұрындарыңызды және ауыздарыңызды жабыңыздар.
Өрт және жану оқиғасы болған кезде тез арада телефон арқылы «101», «112»-ге хабарласыңыз.
Жану кезінде улы газдар бөлінеді: көгертетін қышқыл, фосген және тағы да басқалары, ауадағы оттегінің құрамы азаяды. Яғни, от қаншалықты қауіпті болса, түтін мен күйік иісі де соншалықты қауіпті. Жану өнімдерінің қосылымы (концентрация) артқан жағдайда адам ағзасына қалай әсер ететінін білген жөн:
Өрт сөндіргіштер – туындауының алғашқы сатысында өртті өшіру үшін арналған техникалық құрылғы.
Өрт сөндіру кезінде ұнтақты өрт сөндіргішті пайдаланудың тәртібі:
Пломбаны жұлып, сақинаның көмегімен мұрындығын суыру керек.
Шүмекті отқа бағыттап, иінтіректі басу керек. Иінтіректі басқанда, жанып жатқан жерге өрт сөндіргіш сұйықтық беріледі.
Жалын мен өрт сөндіргіштің арасындағы ара қашықтық 1,5 метр болуы керек.
Өртті өшіру кезінде өртті сөндіретін ұнтақты тұтану ошағына қарай бағыттау керек. Жалынды азайту үшін ағысты жан-жаққа ауыстырып тұру керек.
Жалынды өшіргеннен кейін, тұтану ошағына жақындап, үстін ұнтақпен қабаттап жауып тастау керек.
Электр жабдықтарын өшіру кезінде өрт сөндіргіш ұнтақтың ағысы тура тұтану ошақтың өзіне қарай берілу керек.
Өрт қауіпсіздігі ережелерін бұзғаны үшін жауапкершілік
«Әкімшілік құқық бұзушылықтар туралы» Қазақстан Республикасы Кодексінің “Арнаулы қызметтердi көрiнеу жалған шақыру”438 бабына сәйкес өртке қарсы қызмет органдарын көрінеу жалған шақыру үшін жауапкершілік шарасы қарастырылған. Бұндай жағдайда он төрттен он алты жасқа дейiнгi кәмелетке толмағандар жасаған әрекеттері үшін ата-анасына немесе оларды алмастыратын адамдарға ескерту жасауға немесе он бес айлық есептiк көрсеткiш мөлшерiнде айыппұл салуға әкеп соғады.
