Сабақ барысы: Ұйымдастыру кезеңі: кезекші есебі, оқу құралдарын дайындау

Мақсаттары

Білімділік: Оқушыларды шәй түрлерімен, әр халықтың шай ішу дәстүрімен таныстыра отырып, шәй дайындау, шай дастарханын әзірлеу, шай құя білу дағдыларын қалыптастыру.Ас үйде санитарлық және қауіпсіздік ережелерін сақтауға үйрету

Түзету: Суреттермен, мәтінмен жұмыс істеу барысында ажырата білу, ауызша сөйдеу,есте сақтау қабілеттерін дамыту және түзету

Тәрбиелік:қазақ және басқа халықтардың салт-дәстүрлерін құрметтеуге тәрбиелеу, эстетикалық талғам қалыптастыру

Көрнекілік: шай түрлері, шай жабдықтары

Сабақ барысы:

1.Ұйымдастыру кезеңі:кезекші есебі, оқу құралдарын дайындау

2.Өткен тақырыпты қайталау: -Бутербродтың қандай түрлерін білесіңдер?

- Ас үйде қандай қауіпсіздік ережелерін есте сақтау керек? Пышақпен жұмыс істеу ережесі

- Өткен сабақта қандай бутерброд жасадық? Ол неге қарапайым деп аталады?

-Үйде жасаған бутербродтарың туралы әңгімелеңдер

Отқа қойсаң елпiлдеп,Быж-быж етiп тұншығар.

Тақиясы селкiлдеп,Танауынан бу шығар.(Шәйнек)

Кесе, шыны, пиала... Оларсыз шай құя ма?

4.Жаңа тақырыпты түсіндіру жоспары:

- Шай ішсең көңілің жай...

- Шай түрлері, сақтау ережелері

- Шай демдеуге және ішуге арналған ыдыстар

- Шай демдеу және үстел жасау

Шайды тоңса, бойды жылытатын, шөлдегенде, шөлді қандыратын, ұйқы басса, сергітетін қасиеттері үшін көптеген халықтар жақсы көреді. Шынында да, шайдың құрамында толып жатқан пайдалы заттар бар. Шайдың отаны Кытай.Ағылшындар мен қазақтар шайды өте көп ішетін халық деп саналады. Шайда әдемі ыдыспен ішсең, оның дәмі де тәтті болады.

Шай түрлері: қара шай, көк немесе жасыл шәй, жапырақ шай,түйіршік шай, престелген шай, жеміс-жидек және шөп шай. Қазақтар көбінесе қара шайды пайдаланады. Шай сорттарын көрсету (көру,иіскеу,үстау)

Шай дымқылды және әр түрлі иісті өзіне оңай тартатындықтан, құрғақ әрі жабық ыдыста сақталғаны жақсы. Сондықтан шайды беті жабық шыны не фарфор ыдыста ұстаған жөн.Көрсету

5.Сергіту сәті «Кел балалар тұрайық».....Көз шаршағанда жасалынатын жаттығулар
6.Дәптермен жұмыс: шай сорттарын жазу

Шайды металл шәйнекке демдегенде, дәмі бұзылады, оған тек шыны не фарфор  шәйнек қолайлы. Шәйнекті алдымен ыстық сумен шайқап, мөлшерлеп шай салған соң, 4-5 минут тындырып қойып, үстінен қайнаған суды еселеп құю керек. Отқа қойып қайнатса, дәмі бұзылады.(Шайнек,кесе,шыны аяқ түрлерін көрсету)