Сабақтың тақырыбы: «Биік шыңға ұмтылу»

І. Ұйымдастыру кезеңі 5 мин (9.55.-10.00)

ІІ. Студенттердің білімдерін өзектендіру кезеңі 20 мин (10.00-10.20.)

ІІІ. Жаңа сабақ 20 мин (10.20.-10.40)

ІҮ. Жаңа материалды бекіту 25 мин (10.40.-11.05)

Ү. Бағалау 3 мин (11.05.-.11.08)

ҮІ. Үйге тапсырма 1 мин (11.08.-11.09)

ҮІІ. Рефлексия 6 мин (11.09.-11.15)

• 
  Сәлеметсіздер ме, менің болашақ әріптестерім? Бүгін педагогика пәнінен дәстүрден тыс сабақ түрі «Биік шыңға ұмтылу» тақырыбында тренинг-сабақ өткіземіз. Сіздер байқағандай әр столда түрлі-түсті шляпалар орналасқан. Әр түстің мағынасы сіздердің алдарыңызда жатыр. Тапсырма сайын сол анықтамаға сәйкес өз ойларыңызды білдіресіздер. Бұл шляпалар арқылы, практикалық, сөздік әдістерін қолданып жұмысымызды жүргіземіз.
  

Тренингтің әр кезеңі сайын өз еңбектеріңізді бағалап отыруларыңыз керек. Сабақ соңында барлық жиналған бағадан ортақ баға шығарасыздар.

Педагогикалық терминдер:

• 
  Оқыту технологиясы-белгіленген мақсатқа нәтижелі қол жеткізуді қамтамасыз етудегі оқытудың формасы, әдістері мен құралдарын ашып көрсететін, оқу бағдарламасында белгіленген оқытудың мазмұнын жүзеге асыру тәсілі
  
• 
  Оқу жұмысын ұйымдастырудың негізгі формасы – сабақ
  
• 
  Негізгі педагогикалық ұғымдар – тәрбие, білім беру, оқыту
  
• 
  Дидактикалық талаптар – білімділік міндеттерді нақты қою, оларды дамуға және тәрбиеге ықпалын анықтау, оқу бағдарламасының талабы мен сабақтың мақсатына сай болуы, оқытудың тиімді әдістерін, тәсілдерін, құралдарын таңдау, оқушылардың жақсы оқуына жағдай жасау.
  
• 
  Психологиялық талаптар – оқушылардың жеке ерекшеліктерін ескеру, білім деңгейлеріне сәйкес оқушыларды топтарға бөлу, олардың әрқайсысымен жеке жұмыс жүргізу, ақыл-ойын дамыту, оқу пәні арқылы әр оқушының дамуын жобалау.
  
• 
  Гигиеналық талаптар – өалыпты температураның болуы, ауаны тазартып тұру, жарықтың болуы, балаларды шаршатпау, сергіту сәтін ұйымдастыру, іс-әрекеттерді түрлендіріп отыру.
  
• 
  Тәрбиелік талаптар – оқу материалының тәрбиелік мүмкіндігін анықтау, орындалатын тәрбиелік мақсат қою, оқушылардың бойына өмірге керекті қасиеттерді тәрбиелеу, балалармен ынтымақтасу, оларды табысқа жетуіне көмектесу.
  
• 
  Сабақ құрылымы – сабақтың әр бөлігінде мұғалім мен оқушылар бірге жасайтын алуан түрлі жұмыстар.
  
• 
  Сабақ типтері - сабақта мазмұнына қарай анықталады. Мысалы: аралас, тексеру сабақ, жаттығу сабағы т.б.
  
• 
  Сабақ түрлері – сабақтың дидактикалық мақсатына қарай анықталады. Олар дәстүрлі және дәстүрлі емес.
  
• 
  Ұйымдастыру кезеңі – күрделі кезең. Оқушыларды сабаққа психологиялық жағынан әзірлеу.
  
• 
  Үй тапсырмасын тексеру кезеңі – барлық оқушылардың үй тапсырмасын толық, дұрыс, саналы орындағанын тексеру, жекелеген оқушылардың тапсырманы орындамаған себептерін анықтау, байқалған кемшіліктерді жою.
  
• 
  Жаңа білімді бекіту кезеңі – оқушыларды оқу материалын терең түсіну, бір-бірінен айырмашылықтарын, өзара байланысын, қатар қоюға және салыстыруға үйрету, ой жұмысын, қиялын дамыту.
  

Құрастырылған глоссарийдегі қызыл түсті қағаздардағы терминдерге әр «шляпа» иелері өз ойларын өз ойларын ережеге сәйкес білдірсе.

• 
  Көңіл-күйлеріңіз қалай? Ендеше тренингті жалғастырайық.
  

Әр мұғалім сабақ өткізе білгенмен қатар сол сабаққа талдау жасай білу керек. Сіздер бірнеше рет «Байқау сабақтары» іс-тәжірибесінде болып сабақтар өткіздіңіздер, жетекші мұғалімдер, өздеріңіз талдау жасадыңыздар. Жалпы «талдау» деген сөзді қалай түсінесіздер?

• 
  Талдау – затты, құбылысты, үрдісті бөліктерге ойша бөліп, оларды салыстыру және маңызды, қажетті қасиеттерді анықтау мақсатымен жүргізілетін логикалық үрдіс. Сабақты талдау – оқу-тәрбие үрдісінің құрылымын, білім сапасын, оқытушының кәсіби біліктілігін анықтау болып табылады.
  

1. 
   Сабақты өзіндік талдау
   
2. 
   Психологиялық-педагогикалық талдау
   
3. 
   Сабақты әдістемелік талдау
   
4. 
   Сабақты кешенді талдау
   
5. 
   Сабақты дәстүрлі талдау
   
6. 
   Дамыта оқыту жүйесі бойынша сабақты талдау
   
7. 
   Жеке тұлғаға бағдарлап білім беру жүйесіндегі сабаққа талдау
   

• 
  Іс-тәжірибеде талдаудың қандай түрін қолдандыңыздар? Қиынға түскен жерлері болды ма?
  

• 
  Көңіл-күйіміз қалай?
  
• 
  Сіздерді «Ойлайық та, ойнайық» санамақ ойынын ойнауға шақырамын. Үшке бөлінетін санға келгенде «Талдау» тақырыбына байланысты кез-келген терминдерді атауларыңыз керек. Мысалы: 1,2, шеберлік, 4,5, психологиялық т.б.