Сабақтың тақырыбы: Мәриям Хакімжанова «Бала Мәншүк»
жүктеу/скачать 76,95 Kb.
|
- Бұл бет үшін навигация:
- Дамытушылық мақсаты
- Сабақтың түрі
- Қажетті материалдар
- Үй тапсырмасын тексеру
| Сабақтың тақырыбы: Мәриям Хакімжанова «Бала Мәншүк»
Сабақтың мақсаттары: Білімдік мақсаты: Мәншүктің ерлігі туралы оқушылардың түсініктерін тереңдету. Дамытушылық мақсаты: Оқушылар сабақ тақырыбын өздігінен талқылайды. Мәншүктің ерлігі туралы ойларын тұжырымдайды, шығармашылық жұмыстар атқарады. Тәрбиелік мақсаты: Оқушылар шағын топ құрамында өзара қатынасқа түседі, сенім және сыйластық дағдыларын қалыптастыруға ат салысады, топ мүшелерінің бәрі де оқу материалын меңгеруін қадағалайды, бір-біріне көмек көрсетеді. Сабақтың түрі: жаңа тақырыпты игеру сабағы. Алғышарттар: А) мәншүктің ерлігі түсініктер алып, білімдерін оқыған әдеби кітаптарынан мысалдар келтіре отырып дәлелдей білу. Ә) Оқушылар тақырып бойынша жеке ойын қатыстыра отырып, материалды талдау және «Не білемін?», «Не білгім келеді?», «Нені білдім?» тәсілдері бойынша өз ойларын эссе арқылы жеткізе білу.
-Проблеманы айқындау кезеңі -10 минут. -Проблеманы шешу кезеңі -15минут. -Прабленаның шешімін қолдану кезеңі -20 минутт. Топқа бөлу. Оқушылар соғысқа қатысты сөздер бойынша 4 баладан шығын топтарға бөлінеді. I.Проблеманы айқындау кезеңі Топтарға бөліну (1 минут). Мұғалім қағаз қиындыларына топтардың аттарын жазып, оқушыларға таратады. Оқушылар шағын топтарға ( қосарлана біріктірілген екі партаға – төрт балаға бөлініп, топтарының аттарын үш бұрыштанған қағаздарға маркермен жазып қояды (мәселен: «пулеметшілер», «мергендер», «атқыштар», «жауынгерлер»)). Ой сергіту (3 минут). Мұғалім оқушыларға «Өзгертулерді тап» атты ойынды ұсынады. Оқушылар жұптарға бөлінгеннен кейін оларға мынадай тапсырмалар беріледі. Жұптарына қарама-қарсы тұрып, бір-біріне 10-15 секундтай қарап алады. Содан соң артқа бұрылып, бір-біріне арқасын беріп тұрады. Сырт пішініне (киіміне, шашына) қандай да болмасын үш өзгерту енгізеді. Екі жақта да өзгертулер аяқталған соң, бір-бірлеріне қарап, әлгі өзгерістерді табады. Үй тапсырмасын тексеру: Топтық жұмыс (4 минут). Оқушылар үйде орындаған тапсырмаларын топ ішінде бір-біріне оқып береді. Жариялау (2 минут). Бірнеше оқушы үй тапсырмаларын бүкіл сыныпқа оқиды. Қалған оқушылар олардың жұмыстарын бағалайды, олар туралы өз пікірлерін айтады. Жаңа тақырыпқа бағытталу (15 минут). Тапсырма. Мұғалім оқушыларға тақырып бойынша «ой қозғау» үшін бар білгендерін жазбаша жазуды тапсырады. Жеке жұмыс(5 минут). Оқушылар өтілетін тақырып – Мәншүк және соғыс туралы «Не білемін?», «Не білгім келеді?», «Нені білдім?» кестесінің бірінші бөлімін өздігінен толтырады.
Топтық жұмыс (2 минут). Оқушылар топ ішінде жазғандарын талқылайды, толықтырады. Жеке жұмыс. Оқушылар кестенің «Не білгім келеді?» деген бөлімін өздігінен толтырады. Топтық жұмыс (3 минут). Оқушылар топ ішінде жазғандарын талқылайды, толықтырады. Сыныптық жұмыс (3 минут). Әр топтан бір-бір оқушыдан шығып, өз беттерімен сыныпты таныстырады. Қорытындылау (2 минут). Мұғалім сабақ тақырыбын жариялап, оқушылардан не күтетіндігін айтады. II. Проблеманы шешу кезеңі Тапсырма. Оқушыларға оқулықтағы мәтінді «үш бөлімдік сұхбат» тәсілін қолданып оқу тапсырылады. Мәтін үшке бөлінеді. « Үш бөлімдік сұхбат» тәсілі (10 минут):
Оқушылар топ ішінде А,В,С,Д болып бөлінеді. Олар мәтіннің бірінші бөлімін оқиды. Оқып болғаннан кейін А деп аталатын оқушылар Б деген оқушыларға, ал С деп аталатын оқушылар Д деген оқушыларға мәтін бойынша сұрақ қояды. Оқушылар мәтіннің екінші бөлімін оқиды. Оқып болғаннан кейін олар бір-біріне кері ретпен сұрақтар қояды: Б-лар А-ларға, ал Д-лар С-ларға. Оқушылар мәтіннің үшінші бөлімін оқиды. Оқып болғаннан кейін олар жұптасып, бір-біріне сұрақтар қояды: А-лар Б-ларға, С-лар Д-ларға және керісінше. Мұғалім оқушыларға және оқушылар мұғалімге мәтін бойынша сұрақтар қойып, өз ойлары мен тұжырымдарын айтады. III. Проблема шешімін қолдану кезеңі Тапсырма. Оқушыларға «сандықтан» алынған сұрақтарға ауызша жауап беру тапсырылады. ( сұрақты мұғалім алдын ала жазып дайындап, «сандыққа» салып қояды.) Топтық жұмыс (3 минут). Оқушылар топ ішінде берілген сұрақты талқылайды. Жариялау (2 минут). Әр топтан бір оқушы шығып, өз ойын сыныпқа айтады, басқалардың сұрақтарына жауап береді. Дәптермен жұмыс (2 минут). Оқушылар дәптерлеріне Мәншүк туралы қысқаша мәліметтерді жазып алады. Бағалау (1 минут). Оқушылар «Не білемін?», «Не білгім келеді?» кестесінің «Нені білдім?» атты бөлімін толтырады. Жариялау (1 минут). Әр топтан бір оқушы тұрып, өз жұмысын сыныпқа оқып береді. Мұғалім оқушылардың жұмыстарны тексеру үшін жинап алады. Үй жұмысы. Әңгімені оқып, мазмұнын айту. Мәншүк туралы білетін әңгіме немесе өлеңдерді айту, жаттау. Кері байланыс (1 минут). Мұғалім оқушылардың сабақ туралы пікірлерін келесі сұрақтар арқылы айқындайды: Сабақтың тақырыбын жақсы меңгердім деп ойлайсың ба? Сабақ ұнады ма? Бүгін алған білімдеріңді өмірде қалай қолданасыңдар? Бекітемін: Директор
____________________ «___»____________
жүктеу/скачать 76,95 Kb. Достарыңызбен бөлісу:
| |||||||||||||||||||||||||||||||||||||||||||||||||||||||